Av.by

З пляцоўкі Вікіпедыя
Перайсці да навігацыі Перайсці да пошуку
av.by
Logo av.by.png
URL av.by
Камерцыйны Так
Тып сайта інтэрнэт-сайт
Уладальнік ТАА «Аўтакласіфайд»

Av.by — беларускі класiфайд, які спецыялізуецца на аб’явах пра продаж легкавых аўтамабіляў, грузавікоў, аўтобусаў і іншага транспарту. Па дадзеных кампаній Alexa і Similarweb, av.by уваходзіць у 20-ку самых наведвальных сайтаў Беларусі. Заснавальнікамі рэсурсу з’яўляюцца Андрэй Анатолевіч і Наталля Вячаславаўна Зайцавы[1][2].

Гісторыя[правіць | правіць зыходнік]

2001 год[правіць | правіць зыходнік]

Сайт avtomalinovka.com пачаў сваю працу 1 красавіка 2001 года.[3] Менавіта тады з’явіўся жоўта-сіні кіёск на пляцоўцы мінскага аўтарынка, у якім прымаліся першыя аб’явы пра продаж аўтамабіляў.

2004 год[правіць | правіць зыходнік]

10 cнежня 2004 года avtomalinovka.com перажывае вялікую мадэрнізацыю па частцы функцыяналу:

  • Арганізаваны пошук па базе аўтамабіляў;
  • Уведзена падпіска на аб’явы — зараз можна падпісацца на адну паштовую скрынку на некалькі пэўных аўтамабіляў ці сачыць за коштам свайго аўто;
  • З’явілася рубрыка «продаж новых аўтамабіляў».

Самай галоўнай навіной стала тое, што сайт набыў новы, зараз ужо шырокавядомы, дамен av.by.

2005 год[правіць | правіць зыходнік]

3 сакавіка 2005 года з’яўляецца раздзел «Рэкламныя аб’явы». У гэтым раздзеле карыстальнікі сайта маглі публікаваць аб’явы аб куплі-продажы запчастак і шын, паслугі грузаперавозак і г.д.

2006 год[правіць | правіць зыходнік]

6 красавіка 2006 года сайт av.by у межах выставы «Інтэрнэт-прэмія TIBO-2006» заняў першае месца ў катэгорыі «Электронныя бібліятэкі, каталогі і электронныя бібліятэкі».

2015 год[правіць | правіць зыходнік]

У чэрвені 2015 года выпушчаны дадатак av.by для Android-прылад.

23 кастрычніка на av.by з’явіўся паўнавартасны раздзел мотатэхнікі.

Асноўныя змены:

  • Створана база мадэляў пад кожную марку матацыклаў, скутараў, квадрацыклаў і снегаходаў;
  • Дададзены новыя параметры «тып рухавіка», «галоўная перадача» і «тып прывада» для пашыранага пошуку;
  • Зараз дадатковыя опцыі ўнікальныя для кожнага тыпу мотатэхнікі;
  • З’явілася магчымасць паказаць прабег у мотагадзінах.

Гэтая падзея стала вельмі значнай вехай у развіцці праекта, бо менавіта пачынаючы з раздзелу «Мотатэхніка» сайт атрымаў структураваныя каталогі грузавікоў, аўтобусаў, спецтэхнікі і г.д.

2016 год[правіць | правіць зыходнік]

Вясной 2016 года каманда праекта ініцыявала яго перазапуск. Прычынай таму паслужыла тое, што буйных змен з сайтам не адбывалася больш за 10 гадоў. Рэсурс працаваў на платформе, распрацаванай яшчэ ў 2004 годзе. Пачалі з рэбрэндынгу, калі стары лагатып «av.by» стаў «Аўтамалiнаўкай». Потым паступова абнавілі, у адпаведнасці з патрабаваннямі часу, унутраную архітэктуру праекта.[4]

1 жніўня 2016 года кіраўніцтва праекта прыняло рашэнне аб спыненні прыёму аб’яў аб продажы аўтамабіляў з іншых краін. У прыватнасці, у раздзел «Легкавыя аўтамабілі» з гэтага моманту можна публiкаваць аб’явы толькі калі машына знаходзіцца ў Рэспубліцы Беларусь.

2017 год[правіць | правіць зыходнік]

12 красавіка 2017 года заснавальнікі сайта av.by, Андрэй і Наталля Зайцавы, і «ТАА ТУТ БАЙ МЕДЫА» абвясцілі пра зліццё аўтакласіфайдаў у адзін брэнд «av.by», а таксама пра ўваходжанне аб’яднанай кампаніі (ТАА «Аўтакласiфайд») у партфель фонду «Zubr Capital Fund I»[5]. Пад канец лета 2017 года «Аўтамалiнаўка» зноў стала av.by у выніку другога рэбрэндынгу за паўтара года.

У кастрычніку з’явіўся дадатак av.by для iOS.

2018 год[правіць | правіць зыходнік]

26 студзеня брэнд «av.by» быў прызнаны лідарам у катэгорыі «Інтэрнэт-рэсурс пра куплю і продаж аўтамабіляў» па версіі прафесійнага конкурсу «Брэнд года».[6]

З 1 чэрвеня ТАА «Аўтакласiфайд» з’яўляецца рэзідэнтам Беларускага парка высокіх тэхналогій[7]

11 кастрычніка на трэцім фэсце рэкламы ЛАМА рэкламная кампанія Nodding Dog, створаная для праекта av.by агенцтвам AIDA PIONEER branding & creative заваявала 1 месца ў Катэгарыйнай вертыкалі і 3 месца ў намінацыі Рэкламныя кампаніі ў Індустрыйнай вертыкалі.[8]

2019 год[правіць | правіць зыходнік]

26 студзеня «av.by» быў зноў прызнаны лідарам у катэгорыі «Інтэрнэт-рэсурс пра куплю і продаж аўтамабіляў» па версіі прафесійнага конкурсу «Брэнд года».[9]

3 красавіка на av.by з’явіліся новыя «Запчасткі для аўтамабіляў». Зараз гэты радзел працуе ў сувязі з «Аўто з прабегам» і падтрымлівае пакаленні. Падзел «Рэкламныя аб’явы», які існаваў з 2005 года, спыніў сваё існаванне.[10]

З 14 сакавіка па 26 красавіка партал av.by праводзіў аўтамабільную прэмію «МАСКОТ 2018». У конкурснай праграме прынялі ўдзел 156 мадэляў ад афіцыйных дылераў Беларусі, а пераможцаў у кожнай з намінацый абіралі і эксперты і спажыўцы.[11]

31 кастрычніка на чацвёртым лакальным фэсце «Лама» рэкламная кампанія «Галава-мігцелка», створаная для праекта av.by агенцтвам AIDA PIONEER branding & creative заваявала золата ў катэгорыі «Рытэйл, грамадскае харчаванне і e-commerce».[12]

2020 год[правіць | правіць зыходнік]

30 студзеня «av.by» ў трэці раз быў прызнаны лідарам у катэгорыі «Інтэрнэт-рэсурс пра куплю і продаж аўтамабіляў» па версіі прафесійнага конкурсу «Брэнд года».[13]

З лютага на av.by стала даступна праверка аўто па VIN-нумары.[14]

З 18 лютага па 11 сакавіка партал av.by праводзіў аўтамабільную прэмію «Маскот-2019» анлайн. У прэміі ўдзельнічалі 182 мадэлі аўто, 27 брэндаў, 39 дылерскіх цэнтраў. Аўтамабілем года на думку экспертаў стала Skoda Kodiaq, а на думку спажыўцоў — BMW 8-series.[15]

15 кастрычніка на пятым фестывалі рэкламы «Лама» рэкламная кампанія «Карп», створаная для партала av.by агенцтвам AIDA PIONEER branding & creative, атрымала золата ў намінацыі «Рэкламныя кампаніі».[16]

У красавіку на av.by запусцілі сэрвіс «Фінансы». І зараз карыстальнікі маюць магчымасць падабраць праграму лізінгу для набыцця аўтамабіля.[17]

2021 год[правіць | правіць зыходнік]

28 студзеня брэнд «av.by» ў чацвёрты раз быў прызнаны лідарам у катэгорыі «Інтэрнэт-рэсурс пра куплю і продаж аўтамабіляў» па версіі прафесійнага конкурсу «Брэнд года».[18]

З 24 лютага па 30 красавіка партал av.by праводзіў аўтамабільную прэмію «Маскот-2020». У прэміі прынялі ўдзел больш за 160 мадэлей аўтамабіляў. У гэтым годзе ў прэміі з’явіліся новыя намінацыі: «Купэ-красовер года» і «Электрамабіль года». На думку экспертаў, аўтамабілем года стаў Geely Coolray, а на думку спажыўцоў — Mercedes-Benz AMG GT 4-Door Coupe[19].

14 кастрычніка на фестывалі рэкламы «Лама» рэкламная кампанія «Какос» атрымала золата ў намінацыі «Рытэйл, грамадскае харчаванне і e-commerce». [20]

19 кастрычніка на сайце кардынальна змянілася Галоўная старонка і падзел «Навіны».[21]

18 лістапада ў прэміі Effie Awards Belarus 2021 рэкламная кампанія «Карп 2» атрымала золата ў намінацыі «Онлайн-паслугі і сэрвісы».[22]

2022 год[правіць | правіць зыходнік]

27 студзеня брэнд «av.by» у пяты раз быў прызнаны лідарам у катэгорыі «Інтэрнэт-рэсурс пра куплю і продаж аўтамабіляў» па версіі прафесійнага конкурсу «Брэнд года».[23]

З 29 студзеня па 29 красавіка партал av.by праводзіў аўтамабільную прэмію «Маскот-2021». У прэміі прыняла ўдзел 161 мадэль аўтамабіля. На думку экспертаў, аўтамабілем года стаў Škoda Octavia, а на думку спажыўцоў — Audi Q8.[24]

З 22 чэрвеня av.by стаў падтрымліваць беларускую мову ва ўсіх мабільных дадатках. Перакладзены пункты меню, элементы кіравання, падказкі, форма падачы і ўнутраныя сэрвісы.[25]

У жніўні запусціўся новы раздзел «Аўтатавары»: акумулятары, наборы інструментаў, аўтамабільная хімія, дзіцячыя аўтакрэслы і іншае.[26]

Кіраўніцтва[правіць | правіць зыходнік]

З 2022 года ўладальнікі кампаніі — Зубр Капітал[ru], Андрэй Анатолевіч і Наталля Вячаславаўна Зайцавы. Таксама ў праекце ёсць невялікая частка прыватнага капіталу.

Генеральны дырэктар ТАА «Аўтакласiфайд» — Дзмітрый Уладзіміравіч Геранін.

Зноскі

  1. Top Sites in Belarus(англ.)  (недаступная спасылка). ALEXA.COM. Архівавана з першакрыніцы 3 красавіка 2009. Праверана 18 студзеня 2018.
  2. Top Websites in Belarus(англ.) . SIMILARWEB.COM. Праверана 18 студзеня 2018.
  3. «Хотели помогать людям продавать машины». Как появился av.by и почему он вырос до крупнейшего авторесурса
  4. У «Автомалиновки» новый имидж: старейший в Беларуси автомобильный классифайд провел ребрендинг(руск.) . MARKETING.BY. Праверана 18 студзеня 2018.
  5. Аv.by. «Зубр Капитал» объявил о своей новой сделке
  6. Брэнд года 2017(руск.)  (недаступная спасылка). BESTBRAND.BY. Архівавана з першакрыніцы 7 чэрвеня 2018. Праверана 12 лютага 2018.
  7. Автоклассифайд(руск.)  (недаступная спасылка). HTP BELARUS. Архівавана з першакрыніцы 10 чэрвеня 2018. Праверана 7 чэрвеня 2018.
  8. ОБЪЯВЛЕНЫ ПОБЕДИТЕЛИ ТРЕТЬЕГО ФЕСТИВАЛЯ РЕКЛАМЫ ЛАМА(руск.)  (недаступная спасылка). http://lamafest.by.+Архівавана з першакрыніцы 14 кастрычніка 2018. Праверана 23 кастрычніка 2018.
  9. Конкурс БРЕНД ГОДА 2018: в Минске наградили лучших!
  10. На av.by новый раздел запчастей(руск.) . AV.BY. Праверана 10 красавіка 2019.
  11. В Минске назвали лучшие автомобильные марки по версии экспертов и потребителей(руск.) . MARKETING.BY. Праверана 2019-15-05.
  12. ОБЪЯВЛЕНЫ ПОБЕДИТЕЛИ ЧЕТВЕРТОГО ФЕСТИВАЛЯ РЕКЛАМЫ ЛАМА(руск.)  (недаступная спасылка). http://lamafest.by.+Архівавана з першакрыніцы 5 лістапада 2019. Праверана 11 мая 2019.
  13. Названы победители профессионального конкурса Бренд года 2019(руск.) . MARKETING.BY. Праверана 3 лютага 2020.
  14. С 1 марта на av.by поле VIN становится обязательным для некоторых объявлений(руск.) . AV.BY. Праверана 6 лістапада 2020.
  15. От крутых до бюджетных: белорусы назвали лучшие автомобили
  16. Лама(руск.) . LAMAFEST.BY. Праверана 6 лістапада 2020.
  17. Что нового внедрили крупные беларуские маркетплейсы в 2020 году
  18. Объявлены победители конкурса «Бренд года 2020»
  19. НЕОЖИДАННЫЙ ФИНАЛ. В БЕЛАРУСИ ВЫБРАЛИ АВТОМОБИЛЬ ГОДА
  20. ОБЪЯВЛЕНЫ ПОБЕДИТЕЛИ ФЕСТИВАЛЯ РЕКЛАМЫ ЛАМА
  21. У беларуской онлайн-платформы по продаже автомобилей av.by появился «Автожурнал»
  22. НАЗВАНЫ ПОБЕДИТЕЛИ EFFIE AWARDS BELARUS 2021
  23. Названы победители Профессионального и Потребительского конкурса БРЕНД ГОДА 2021
  24. Премия «Маскот» объявила лучшие автомобили 2021 года на беларуском рынке
  25. Мова на av.by! Зараз можна падаць аб’явы па-беларуску
  26. https://marketing.by/novosti-rynka/av-by-zapustil-novyy-razdel-avtotovary/

Спасылкі[правіць | правіць зыходнік]