Škoda Auto

З пляцоўкі Вікіпедыя
Jump to navigation Jump to search
Škoda Auto
Škoda head office 01.JPG
Тып Публічная кампанія
Заснаванне 1895
Заснавальнікі Václav Laurin[d] і Václav Klement[d]
Размяшчэнне Flag of the Czech Republic.svg Чэхія: Млада-Болеслаў, Сярэднячэшскі край
Ключавыя фігуры Дэтлеф Вітыг (Detlef Wittig, старшыня савета дырэктараў), Вінфрыд Фаланд (генеральны дырэктар)
Галіна Аўтамабільная прамысловасць
Прадукцыя Легкавыя і камерцыйныя аўтамабілі
Уласны капітал
Абарот 187,858 млрд крон (2009)[1]
Аперацыйны прыбытак 203 млн еўра (2009 год)[2]
Чысты прыбытак 3,462 млрд крон (2009 год)[1]
Актывы
Колькасць супрацоўнікаў 26 153 чалавек (2009 год)[1]
Матчына кампанія Volkswagen Group[4]
Сайт skoda-auto.com(англ.) 

«Шкода» (чэшск.: Škoda) — назва кампаніі (Škoda Auto) і марка аўтамабіляў, якія выпускаюцца ў Чэхіі (раней у Чэхаславакіі). Штаб-кватэра — у горадзе Млада-Болеслаў.

Гісторыя[правіць | правіць зыходнік]

Гісторыя вытворчасці аўтамабіляў, якія носяць у цяперашні час марку «Шкода», пачалася з канца 1895 года ў чэшскім горадзе Млада-Болеслаў. Кнігагандляр Вацлаў Лаўрын і механік Вацлаў Клемент, абодва аматары-веласіпедысты, пачалі выпускаць веласіпеды ўласнай канструкцыі, назваўшы іх патрыятычна — Славія.

Іх справы ішлі шчасна. Да 1899 г. фірма Laurin & Klement Co. пачала вытворчасць матацыклаў. Гоншчыкі атрымалі першыя перамогі ў міжнародных спаборніцтвах.

На мяжы стагоддзяў кампанія ўзяла курс на вытворчасць аўтамабіляў.

Першы аўтамабіль, Voiturette A, выпушчаны ў 1905, меў камерцыйны поспех і стаў знакавым у гісторыі чэшскага аўтамабілебудавання. Дзякуючы сваім ноў-хаў і досведу, кампанія вельмі хутка заняла трывалае становішча на сусветных рынках. Laurin & Klement спрыяла сцвярджэнню пазіцый Багемскага каралеўства як найбольш прамыслова развітога рэгіёна Аўстра-Венгерскай манархіі.

У 1907 г. заснавальнікі пераўтварылі некалі сямейнае прадпрыемства L & K у акцыянернае таварыства. Прагрэс прывёў да стварэння новай мадэлі — Faeton. Пасля 1914 г. кампанія прымала ўдзел у вытворчасці ваеннай прадукцыі.

Для ўмацавання і захавання сваіх пазіцый, а таксама мадэрнізацыі вытворчасці, L & K шукалі моцнага партнёра.

27 чэрвеня 1925 года L & K ўвайшла ў склад найбуйнейшага прамысловага прадпрыемства рэгіёна, «Шкода-Пльзень» (Škoda Plzeň), уладальнікам якой з'яўляўся Эміль Шкода. На гэтым скончылася гісторыя маркі Laurin & Klement і з'явілася новая кампанія - Škoda.

Гады Другой Сусветнай вайны[правіць | правіць зыходнік]

У гады Другой Сусветнай вайны Skoda стала часткай эканамічнай сістэмы Трэцяга Рэйха і практычна цалкам пераключылася на выпуск ваеннай прадукцыі. Заводы выпускалі газагенератарныя грузавікі, гусенічныя цягачы, а на базе распрацаванай у 1936 г. вытанчанай мадэлі Skoda Superb выпускаліся ваенныя пазадарожнікі. Завод выпускаў узбраенне для фашысцкіх войскаў і таму ў 1945 да 70 % завадскіх магутнасцей былі знішчаны англа-амерыканскімі бамбаваннямі.

Сацыялістычны перыяд[правіць | правіць зыходнік]

Пасля аксамітнай рэвалюцыі[правіць | правіць зыходнік]

Пасля «аксамітнай рэвалюцыі» 1989 года стала ясна, што заводу будзе нялёгка на адкрытым рынку. Гадавая магутнасць складала каля 200 000 аўтамабіляў, пры гэтым акрамя машын састарэлай канструкцыі з рухавіком у задняй частцы, адзінымі сучаснымі мадэлямі былі хэтчбек Favorit і ўніверсал Forman. Škoda быў патрэбен моцны партнёр. Першапачаткова ў якасці патэнцыйных партнёраў чэшскі ўрад разглядаў спіс з 24 вытворцаў аўтамабіляў, летам 1990 года гэтая колькасць скарацілася да васьмі. Толькі чатыры з іх падалі заяўкі, і ў выніку толькі дзве кампаніі ўвайшлі ў канчатковы спіс у жніўні 1990 года: альянс Renault-Volvo і Volkswagen Group. 9 і 10 снежня адбыліся паседжанні ўрада, на аснове якіх 21 снежня 1990 года было падпісана пагадненне аб супрацоўніцтве з канцэрнам Volkswagen.

28 сакавіка 1991 года міністр прамысловасці чэшскага ўрада Ян Врба[cs] і старшыня савета дырэктараў Volkswagen AG Карл Хорст Хан[de] заключылі асноўнае пагадненне аб стварэнні сумеснага прадпрыемства Škoda Auto. Пасля выканання адпаведных пунктаў пагаднення 16 красавіка Volkswagen набыў 31% акцый за 620 мільёнаў марак. У наступныя гады група павялічыла сваю долю да 100%[5].

У складзе канцэрна Фальксваген[правіць | правіць зыходнік]

Дзякуючы ўзаемадзеянню з заходнімі партнёрамі і новаму эканамічнаму мысленню Skoda правяла мерапрыемствы па мадэрнізацыі тэхнічна-вытворчай базы. У выніку гэтага з'явілася канкурэнтаздольная мадэль — Felicia. За ёй рушылі ўслед і больш паспяховыя мадэлі — Octavia, Fabia і Superb.

Вытворчасць[правіць | правіць зыходнік]

Škoda Auto мае вытворчыя прадпрыемствы ў Чэхіі (Млада Болеслаў, Квасіны, Врхлабі), Славакіі, Украіне, Кітаі, Індыі і Расіі.

У Чэхіі[правіць | правіць зыходнік]

Млада Болеслаў[правіць | правіць зыходнік]

У Млада Болеславе знаходзіцца галаўны завод маркі. Вытворчасць аўтамабіляў тут стартавала ў 1905 годзе разам з пачаткам дзейнасці кампаніі Laurin & Klement. Цяпер у тых гістарычных завадскіх залах размяшчаецца музей маркі Škoda. Цяперашняя вытворчая пляцоўка знаходзіцца побач. На заводзе вырабляюць аўтамабілі шасці мадэляў: Fabia, Scala, Octavia, Kamiq, Karoq і Enyaq. Апроч аўтамабіляў, тут таксама вырабляюцца рухавікі, механічныя каробкі перадач MQ 200 і MQ 100, восі і акумулятары для гібрыдных мадэляў.

У сакавіку 2021 года з канвеера ў Млада Болеславе сышоў 15 мільённы аўтамабіль[6].

Врхлабі[правіць | правіць зыходнік]

Вытворчасць у Врхлабі пачалася ў 1864 годзе, калі Тэадор Петэра разам з сынамі заснаваў фабрыку па выпуску конскіх сёдлаў, экіпажаў і саней. З 1908 года пачалася вытворчасць аўтамабільных кузаваў. У 1946 годзе прадпрыемства было нацыяналізавана і ўключана ў склад Škoda.

На заводзе выпускаліся мадэлі:

  • 1101 "Tudor" і STW,
  • 1200, 1201, 1202 і 1203
  • 105/120
  • Favorit і Forman
  • Felicia, у тым ліку версіі Combi і Fun
  • Octavia для экспарту ў Польшчу
  • Octavia версій Laurin & Klement, RS, 4x4 і Scout.

У 2012 годзе вытворчасць аўтамабіляў тут была завершана, а фабрыка перайшла на вытворчасць трансмісій[7].

У Кітаі[правіць | правіць зыходнік]

Škoda выпускае аўтамабілі ў Кітаі з 2007 года. Вытворчасць ажыццяўляецца на чатырох заводах сумеснага прадпрыемства SAIC-Volkswagen (Kodiaq і Kodiaq GT выпускаюцца ў Чаншы, Octavia і Karoq у Нінбо, Rapid і Rapid Spaceback у Ічжэне, Superb, Kamiq і Kamiq GT у Нанкіне).

У ліпені 2020 года ў Кітаі быў выраблены трохмільённы аўтамабіль Škoda[8].

У Індыі[правіць | правіць зыходнік]

У 1999 годзе першае пакаленне Octavia пачалі пастаўляць у Індыю ў выглядзе камплектаў SKD0. Увозіліся практычна цэлыя аўтамабілі ў зборы, на іх на месцы мантаваліся толькі колы і фары. Пасля Індыя змяніла мытныя правілы, што вымусіла Škoda пашыраць зборку з паступовым павелічэннем долі лакальных кампанентаў, а пасля быў пабудаваны новы завод у горадзе Аурангабад. Акрамя таго, у Пуне створаны цэнтр распрацоўкі і мясцовая студыя дызайну[9].

У Расіі[правіць | правіць зыходнік]

Вытворчасць у Расіі пачалася ў кастрычніку 2009 года на заводзе групы Volkswagen у Калузе. Першай мадэллю стала «Актавія» другога пакалення. У 2012 годзе кантрактную зборку наладзілі на Горкаўскім аўтазаводзе ў Ніжнім Ноўгарадзе. У 2012 годзе была выраблена 100-тысячная Шкода, у 2018 годзе 500-тысячная, у красавіку 2021 года 750-тысячная Шкода расійскай вытворчасці[10].

Станам на 2021 год у Расіі вырабляюць чатыры мадэлі: у Калузе выпускаецца Rapid, а ў Ніжнім Ноўгарадзе красоверы Karoq і Kodiaq і ліфтбек Octavia чацвёртага пакалення.

Спонсарства і дабрачыннасць[правіць | правіць зыходнік]

Чэшскі аўтавытворца мае доўгую гісторыю падтрымкі турніраў па хакеі з шайбай. Škoda з 1993 года бесперапынна з’яўляецца генеральным спонсарам чэмпіянату свету[11].

У Беларусі[правіць | правіць зыходнік]

Станам на канец 2019 года ў Беларусі зарэгістравана 48 775 аўтамабіляў Шкода[12].

З 11 сакавіка 2021 года продаж новых аўтамабіляў «Шкода Рапід» у Беларусі быў прыпынены наказам Дзяржстандарту аб неабходнасці ўдакладнення фармулёвак у Адабрэнні тыпа транспартнага сродку (АТТС)[13]. Камітэт заявіў, што падчас правядзення праверкі ў дачыненні да ТАА «ФелОкт-Cэрвіс» (дыстрыб'ютар маркі Škoda ў Беларусі), выяўлены неадпаведнасці машын звесткам у дакуменце. У прыватнасці, у ім згадвалася, што гэтая мадэль выпрабоўвалася з сістэмай дапаможнага тармажэння (BAS), але на рынку аўтамабіль рэалізуецца без яе. Усталяваныя на машынах фары дзённага святла нібыта не такія, якія былі ўнесеныя ў АТТС. Заяўлялася таксама аб разыходжаннях у звестках аб колькасці дзвярэй, экалагічным класе ды іншых паказчыках[14].

23 красавіка 2021 года пастановай Савета Міністраў прадукцыя маркі Шкода была ўнесеная ў пералік тавараў, якія забаронены да ўвозу і рэалізацыі на тэрыторыі Беларусі[15].

Зноскі

  1. 1,0 1,1 1,2 ČTK «Škodě Auto loni klesl zisk o 68 procent» // «E15.cz», 22.03.2010.(чэшск.) 
  2. ČTK «Provozní zisk Škody Auto klesl o dvě třetiny» // «E15», 12.03.2010.(чэшск.) 
  3. 3,0 3,1 annual report
  4. ŠKODA Výroční zpráva 2016, ŠKODA Annual Report 2016 — 2017. — 116 с.
  5. Škoda letos slaví významné jubileum, 30 let od vstupu do koncernu Volkswagen (чэшск.) . auto.cz (23 сакавіка 2021). Праверана 23 сакавіка 2021.
  6. Škoda v Mladé Boleslavi vyrobila už 15 milionů aut. Tím jubilejním je Enyaq (чэшск.) . auto.cz (7 сакавіка 2021). Праверана 11 красавіка 2021.
  7. Jak ve Vrchlabí vyrábějí převodovky: Roboty tady lidi nikdy nenahradí (чэшск.) . auto.cz (28 кастрычніка 2019). Праверана 15 красавіка 2021.
  8. Škoda slaví tři miliony vyrobených aut v Číně. Může za to Octavia a bohatá paleta SUV (чэшск.) . auto.cz (23 ліпеня 2020). Праверана 15 красавіка 2021.
  9. Podívejte se, jak Škodovka kdysi začínala v Indii. Bylo to s jedničkovou Octavií (чэшск.) . auto.cz (10 лютага 2021). Праверана 11 красавіка 2021.
  10. В России выпустили три четверти миллиона «Шкод» (руск.) . motor1.com (9 красавіка 2021). Праверана 11 красавіка 2021.
  11. IIHF ICE HOCKEY WORLD CHAMPIONSHIP. History of the ŠKODA Sponsorship (англ.) . Škoda Auto (21 мая 2017).
  12. Автостатистика ГАИ: сколько у белорусов Geely, а сколько — Ferrari (руск.) . tut.by (31 кастрычніка 2020). Праверана 29 сакавіка 2021.
  13. О временной приостановке продаж ŠKODA RAPID (руск.) . skoda-auto.by (10 сакавіка 2021). Праверана 23 красавіка 2021.
  14. Госстандарт прокомментировал ситуацию с белорусским импортером Skoda (руск.) . TUT.by (11 сакавіка 2021). Праверана 23 красавіка 2021.
  15. Беларускія ўлады агучылі свае контрсанкцыі. Пад забарону трапілі Skoda і Nivea (руск.) . nn.by (23 красавіка 2021). Праверана 23 красавіка 2021.

Спасылкі[правіць | правіць зыходнік]

Гл. таксама[правіць | правіць зыходнік]