Volvo Personvagnar

Volvo Personvagnar
Тып	вытворца аўтамабіляў[d], бізнес і аўтамабільная марка[d]
Лістынг на біржы	Стакгольмская фондавая біржа і Стакгольмская фондавая біржа
Заснаванне	14 красавіка 1927 і 2010
Заснавальнікі	Assar Gabrielsson[d] і Gustaf Larson[d]
Краіна	Швецыя
Адрас	Гётэбарг
Галіна	аўтамабільная прамысловасць і car manufacturing[d]
Прадукцыя	аўтамабіль
Уласны капітал	117 млрд kr (31 снежня 2022)
Абарот	330 млрд kr (2022)
Аперацыйны прыбытак	22,3 млрд kr (2022)
Чысты прыбытак	17 млрд kr (2022)
Актывы	331 млрд kr (31 снежня 2022)
Колькасць супрацоўнікаў	28 485 чал. (2015)
Матчына кампанія	Джылі
Даччыныя кампаніі	Volvo Car Czech Republic[d] і Zenseact[d]
Сайт	volvocars.com (англ.)​ (ням.)

Галоўны офіс Volvo Personvagnar AB, Гётэбарг.

Volvo Personvagnar AB або Volvo Cars — шведская аўтамабілебудаўнічая кампанія, вытворца легкавых аўтамабіляў маркі Volvo. Штаб-кватэра — у горадзе Гётэбарг, Швецыя. У перакладзе з латыні «volvo» азначае «я кручуся» або «я качуся».

Раней Volvo Personvagnar ўваходзіла ў канцэрн Volvo. З 2010 года кампанія належыць холдынгу Geely.

Гісторыя

Густаў Ларсан і Асар Габрыелсан

Заснавана ў 1927 годзе Асарам Габрыелсанам (шведск.: Assar Gabrielsson) і Густавам Ларсанам (шведск.: Gustaf Larson) як даччына фірма па зборцы аўтамабіляў шведскага падшыпнікавага канцэрна SKF.

У 1924 годзе Густаў Ларсан і Асар Габрыелсан за абедам у рэстаране «Sturehof» (Стакгольм) прынялі рашэнне стварыць аўтамабіль. Кампаньёны працавалі над такім аўтамабілем, які быў бы прыдатны да выкарыстання ў дарожных і кліматычных умовах Швецыі.

На яго стварэнне ў Ларсана і Габрыэльсана сышло 3 гады. Фінансавую падтрымку партнёрам аказала кампанія SKF.

У 1935 годзе Volvo здабывае поўную незалежнасць ад SKF.

З 1979 года супрацоўнічае з французскай аўтамабільнай кампаніяй Renault.

З 1999 па 2010 год Volvo знаходзілася пад кантролем Ford Motor Company. З 2010 года належыць кітайскаму холдынгу Geely.

Бяспека

Брэнд Volvo робіць у сваёй рэкламе адмысловы ўпор на бяспеку аўтамабіляў гэтай маркі, як актыўную, так і пасіўную.

Так першы ў свеце трохкропкавы рэмень бяспекі з’явіўся ў 1958 годзе ў аўтамабілях Volvo.

У 1964 годзе — першае ў свеце дзіцячае крэсла, звернутае супраць ходу руху.

Пры распрацоўцы сямейства аўтамабіляў 240/260 ўлічваліся жорсткія патрабаванні да бяспекі. Гэтак жорсткія, што гэты аўтамабіль выкарыстоўваўся урадам ЗША ў якасці эталона пры распрацоўцы патрабаванняў да бяспекі.

У 1995 годзе Вольва былі першымі, хто стаў ўсталёўваць бакавыя падушкі бяспекі. Яны сталі часткай базавай камплектацыі на ўсіх мадэлях.

У 2004 годзе Вольва прадставіла сістэму «BLIS». Гэтая сістэма апавяшчае кіроўцу аб транспартных сродках, якія знаходзяцца ў «сляпой зоне».

Канцэрн Volvo

Канцэрн Volvo (Volvo AB) з'яўляўся матчынай кампаніяй для Volvo Personvagnar AB да яе продажу кампаніі Ford Motor Company у 1999 годзе. Канцэрн Volvo — адзін з найбольшых у свеце вытворцаў рухавікоў для суднаў, у Заходняй Еўропе — грузавых аўтамабіляў вялікай грузапад’ёмнасці, аўтобусных шасі і будаўнічых машын. Вырабляе таксама авіяцыйныя маторы, абсталяванне для суднаў і сувязі, харчовую і біятэхналагічную прадукцыю.

У склад канцэрна ўваходзяць наступныя падраздзяленні:

• «Volvo Trucks» (выпускае грузавыя аўтамабілі)
• «Mack Trucks»
• «Renault Trucks»
• «Volvo Buses»
• «Volvo Construction Equipment»
• «Volvo Penta»
• «Volvo Aero»
• «Volvo Financial Services»

У 2006 годзе кампаніяй было прададзена 219 931 грузавых аўтамабіляў.

Выручка канцэрна ў 2006 годзе — 248 млрд швецкіх крон ($36,24 млрд), чысты прыбытак — 16,32 млрд крон ($2,38 млрд).

Галоўныя цэнтры вытворчасці: Гётэбарг, Удэвала і Кальмар у Швецыі, Гент у Бельгіі, Борн (правінцыя Лімбург) у Нідэрландах, Галіфакс у Канадзе.

Галерэя

• 
  Volvo PV4 - 4-дзверны седан 1927 года
• 
  Volvo 850 estate 1994 года
• 
  Volvo S80 2002 года
• 
  Volvo S80 2006 года
• 
  Volvo S80 2006 года

Літаратура

• Беларуская энцыклапедыя: У 18 т. Т.4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — Т. 4. — 480 с. — 10 000 экз. — ISBN 985-11-0090-0

Спасылкі

• Афіцыйны сайт кампаніі

Гл. таксама

• Volvo ÖV4
• Volvo PV444