Бітала

Горад Бітала Битола Герб Сцяг Вуліца маршала Ціта — пешаходная вуліца Біталы. Краіна Паўночная Македонія Статыстычны рэгіён Пелаганійскі Раён Бітала Каардынаты 41°01′55″ пн. ш. 21°20′05″ у. д. Мэр Уладзімір Талескі Заснаваны IV стагоддзе да н.э. Ранейшыя назвы Манастыры Плошча 422,39 км² Вышыня цэнтра 576 м Насельніцтва 95 385 чалавек (2004) Шчыльнасць 2881,65 чал./км² Агламерацыя 122 173 чалавек Часавы пояс UTC+1, летам UTC+2 Тэлефонны код (+389) 047 Паштовы індэкс 7000 Афіцыйны сайт bitola.gov.mk Бітала на карце Паўночнай Македоніі

Медыяфайлы на Вікісховішчы

Бі́тала (макед.: Битола) — горад у паўднёва-заходняй частцы Паўночнай Македоніі, адміністрацыйны цэнтр абшчыны Бітала, культурны і адукацыйны цэнтр, паводле некаторых даных, другі горад па насельніцтве ў краіне пасля Скоп’я. Важны транспартны вузел.

Этымалогія

Заснаваны Філіпам II Македонскім як Гераклія Лінкестыс (стар.-грэч.: Ηράκλεια Λυγκηστίς), пачынаючы з ранняга Сярэднявечча вядомы пад славянскім імем Бітала (Біталя, Біталь), гэта значыць «манастыр», і грэчаскім імем Манастыры (грэч. Μοναστήρι), якое азначае тое ж самае (пасля з грэчаскай мовы гэта назва горада ўвайшла ў турэцкую, турэцк.: Manastır, і албанскую, алб.: Manastiri).

Гісторыя

У эпоху Асманскай імперыі у Бітале (Манастыр) было шмат консульстваў еўрапейскіх краін; яна атрымала мянушку «горад консулаў». Да 1912 года грэкі складалі значную частку насельніцтва. З Першай балканскай вайны 1912 года — у складзе Сербіі (пад назвай сербск.: Битољ), з 1945 года — у складзе югаслаўскай рэспублікі Македонія.

Выхадцам горада быў Анастасіяс Вафіядыс (Αναστάσιος Βαφειάδης), які арганізаваў і што ўзначаліў у 1866 годзе атрад грэчаскіх добраахвотнікаў, удзельнікаў Крыцкага паўстання, загінуў у бітве пры Вафе.

Напачатку XX стагоддзя ў Манастыры жылі і працавалі браты Янакі і Мільтыяд-Мільтан Манакі (грэч. Γιαννης και Μιλτιαδης Μανακια), родам з грэчаскага заходне-македонскага нома Грэвена, піянеры кінематографа на Балканах. З 1905 года яны пачалі здымаць кароткаметражныя фільмы, у тым ліку: візіты ў Манастыры афіцыйных асоб, сярод якіх былі султан Мехмед V, кароль Сербіі Пётр I і спадчынны прынц Аляксандр (1913), кароль Грэцыі Канстанцін I і кронпрынц Павел (1918); мясцовыя святы.

25 красавіка 1979 года быў заснаваны дзяржаўны Універсітэт Св. Клімента Охрыдскага.

Гарады-пабрацімы

• Бурса, Турцыя
• Эпіналь, Францыя
• Земун, Сербія
• Крэмэнчук, Украіна
• Плевен, Балгарыя
• Пушкін, Расія (2005)
• Рыека, Харватыя
• Рокдэйл, Аўстралія
• Прызран, Сербія
• Кайзерслаўтэрн, Германія
• Крань, Славенія

Фатаграфіі

Панарама

Гл. таксама

• Бітальскі надпіс
• Мячэць Джэні
• Гісторыя яўрэяў Біталы

Спасылкі

• На Вікісховішчы ёсць медыяфайлы па тэме Бітала
• Bitola News— WEB Portal, info Архівавана 13 верасня 2017.