Аляксандр I Карагеоргіевіч

Аляксандр I Карагеоргіевіч Александар I Карађорђевић
90px
2-і Кароль сербаў, харватаў і славенцаў
16 жніўня 1921 — 3 кастрычніка 1929
Папярэднік:	Пётр I Карагеоргіевіч
Пераемнік:	скасаванне тытула
1-ы Кароль Югаславіі
3 кастрычніка 1929 — 9 кастрычніка 1934
Папярэднік:	пасада заснавана
Пераемнік:	Пётр ІІ Карагеоргіевіч
Адукацыя:	Пажаскі корпус[d]
Дзейнасць:	суверэн
Веравызнанне:	Сербская праваслаўная царква
Нараджэнне:	16 снежня 1888(1888-12-16) Цэцінэ, Чарнагорыя
Смерць:	9 кастрычніка 1934(1934-10-09) (45 гадоў) Марсель, Францыя
Пахаванне:	каралеўскі маўзалей у Аплянаке[d]
Дынастыя:	Карагеоргіевічы
Бацька:	Пётр I Карагеоргіевіч
Маці:	Зорка Пятровіч-Негаш
Жонка:	Марыя Гогенцолерн-Зігмарэнген
Дзеці:	Пётр, Таміслаў, Андрэй.
Аўтограф:
Манаграма:
Узнагароды:

Аляксандр I Карагеоргіевіч (сербск.: Александар I Карађорђевић) (16 снежня 1888, Цэцінэ, Чарнагорыя — 9 кастрычніка 1934, Марсель, Францыя) — кароль сербаў, харватаў і славенцаў (1921 - 1929), кароль Югаславіі (1929 - 1934). Ваявода.

Сын Пятра I Карагеоргіевіча. У 1904 скончыў Пажскі корпус у Санкт-Пецярбургу.

Падчас Першай Балканскай вайны і Другой Балканскай вайны камандаваў 1-й сербскай арміяй.

У 1913 годзе ўзнагароджаны ордэнам Святога апостала Андрэя Першазванага.

C 8 ліпеня 1914 года ў сувязі з хваробай Пятра I Карагеоргіевіча быў прызначаны прынцам-рэгентам Сербскага каралеўства.

Падчас Першай сусветнай вайны быў вярхоўным галоўнакамандуючым сербскай арміі.

5 верасня 1914 года расійскі імператар Мікалай II узнагародзіў яго ордэнам Святога Георгія 4-й ступені, а ў 1915 годзе гэтым жа ордэнам 3-й ступені.

Са снежня 1918 года — прынц-рэгент Каралеўства сербаў, харватаў і славенцаў, з 16 жніўня 1921 года — кароль Каралеўства сербаў, харватаў і славенцаў, з 3 кастрычніка 1929 года — кароль Югаславіі.

З 1929 года ўстанавіў ваенна-манархічную дыктатуру, заснаваную на прынцыпах карпаратывізму і сербскага нацыяналізму. У вонкавай палітыцы арыентаваўся на Францыю. Быў заступнікам рускай белай эміграцыі.

9 кастрычніка 1934 года Аляксандр Карагеоргіевіч і французскі міністр замежных спраў Луі Барту былі застрэлены ў Марселі Улада Чарназемскім, баявіком балгарскай тэрарыстычнай арганізацыі УМОРА, звязанай з харвацкімі тэрарыстамі-ўсташамі.