Генрых Вацлававіч Далідовіч

Генрых Вацлававіч Далідовіч
Генрых Вацлававіч Далідовіч
Асабістыя звесткі
Дата нараджэння	1 чэрвеня 1946 (78 гадоў)
Месца нараджэння	Янкавічы, Дзераўнянскі сельсавет, Стаўбцоўскі раён, Баранавіцкая вобласць, БССР, СССР;
Грамадзянства	СССР; Беларусь;
Альма-матар	філалагічны факультэт БДУ (1968);
Месца працы	Полымя; Маладосць; Краязнаўчая газета;
Прафесійная дзейнасць
Род дзейнасці	публіцыст, літаратуразнавец, перакладчык, пісьменнік
Мова твораў	беларуская
Грамадская дзейнасць
Член у	Саюз беларускіх пісьменнікаў;
Прэміі	Літаратурная прэмія імя Івана Мележа (1987) Дзяржаўная прэмія Беларусі імя Якуба Коласа (1996)

Ге́нрых Ва́цлававіч Далідо́віч (нар. 1 чэрвеня 1946, в. Янкавічы, Стаўбцоўскі раён, Мінская вобласць) — беларускі пісьменнік.

Біяграфія

Скончыў філалагічны факультэт БДУ (1968). Служыў у арміі. Настаўнічаў на Барысаўшчыне (1971—1973), працаваў у аддзеле прозы часопіса «Полымя» (1973—1979), намеснікам галоўнага рэдактара (1979—1991), галоўным рэдактарам часопіса «Маладосць» (1991—2002). З 2003 года намеснік галоўнага рэдактара «Краязнаўчай газеты».

Творчасць

Друкуецца з 1966 года. Першы зборнік апавяданняў «Дажджы над вёскай» (1974). Творы Г. Далідовіча адметныя лірызмам, увагай да побытавых дэталей, дакладным псіхалагізмам.

У рамане «Гаспадар-камень» (1984), прысвечаным пярэдадню І сусветнай вайны, шматбакова паказаў жыццё тагачасных вёскі і горада, няпростыя шляхі нацыянальнай інтэлігенцыі, у якой расло ўсведамленне свайго абавязку. У раманах «Пабуджаныя» (1988) і «Свой дом» (1989) побач з героямі, вядомымі з «Гаспадара-каменя», шмат новых персанажаў — удзельнікаў і кіраўнікоў палітычнага руху розных кірункаў на Беларусі ў 1917—18 г.

У рамане «Заходнікі» (1992) створана панарамная карціна жыцця заходнебеларускага сялянства і інтэлігенцыі пачынаючы з канца 1940-х г., іх «перавыхаванне», рэпрэсіі, міграцыі.

Выступае з літаратурна-крытычнымі і публіцыстычнымі артыкуламі.

На беларускую мову пераклаў раман Дж. Ф. Купера «Апошні з магікан».

Прэміі і ўзнагароды

Літаратурная прэмія імя І. Мележа (1987).
Дзяржаўная прэмія Рэспублікі Беларусь імя Якуба Коласа ў галіне літаратуры, мастацтва і архітэктуры (1996) — за раман «Заходнікі».

Бібліяграфія

Цяпло на першацвет. Мн., 1976.
Маладыя гады. Мн., 1979.
Міланькі. Мн., 1980.
На новы парог. Мн., 1983.
Станаўленне. Мн., 1985.
Міг маладосці. Мн., 1987.
Жывы покліч. Мн., 1995.
Жар кахання. Мн., 1996.
Кліч роднага звона. Мн., 1997.
БНР і БССР: Роздум аб пакут. шляху бел. дзяржаўнасці ў XX ст. / Генрых Далідовіч. — Мн.: Пейто, 2002.
Сярод лесу, сярод поля: апавяданне-імправізацыя, лісткі запісных кніжак / Генрых Далідовіч. — Мн.: Кнігазбор, 2007.

Зноскі

Літаратура

Савік Л. Адчуванне часу. — Мн., 1981.
Андраюк С. Жыць чалавекам. — Мн., 1983.
Тычына М. Змена квадры. — Мн., 1983.
Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. — С. 19. — 10 000 экз. — ISBN 985-11-0035-8. — ISBN 985-11-0106-0 (т. 6).
Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 2. Габой — Карціна. — С. 263. — 702 с. — 9 500 экз.
Бельскі А. Kpaca i cмyтaк: Дaпaмoжнiк для нacтaўнiкaў. — Miнcк: Macтaцкaя лiтapaтypa, 2000. — 237 c.

Спасылкі

Далідовіч Генрых. 75 гадоў з дня нараджэння(недаступная спасылка) // Мазырская цэнтральная раённая бібліятэка імя А. С. Пушкіна