Крушэнне цягніка «Вільня — Мінск» на перагоне «Радашковічы — Заслаўе»

Крушэнне цягніка «Вільня — Мінск» на перагоне «Радашковічы — Заслаўе» здарылася 5 кастрычніка 1919 года.

Гістарычны кантэкст

У кастрычніку 1919 г. тэрыторыя, на якой адбылася катастрофа і Мінск знаходзіліся пад кантролем польскай арміі. Падзея адбылася падчас вайны Савецкай Расіі з Польшчай, таму яна не атрымала маштабнага асвятлення.

Падзеі 5 кастрычніка 1919 года

Частка інфармацыі запісана са слоў сведак трагедыі. Паводле звестак газеты «Мінскі кур’ер», стрэлачнік у Радашковічах памылкова накіраваў цягнік, які вёз вайскоўцаў і цывільных пасажыраў з Вільні ў Мінск на другі пуць, дзе цягнік рэзка пайшоў са схілу і зваліўся з чыгуначнага мосту паміж Радашковічамі і Заслаўем. У выніку аварыі загінулі на месцы 23 чалавекі, і каля 100 атрымалі раненні. Параненых эвакуіравалі на двух санітарных цягніках у Мінск і Маладзечна, у Мінску 55 параненых размясцілі ў польскім ваенным шпіталі. У выніку расследавання вінаватымі прызналі супрацоўнікаў станцыі Радашковічы, якія былі аддадзены пад суд.

Наступныя падзеі

Гэта падзея была асветлена ў выданні «Беларускае жыццё» наступным чынам:

5 кастычніка паміж станцыямі Заслаў і Радашковічы здарылася катастрофа на чыгунцы з поездом, які йшоў з Вільні ў Менск. Стрэлачнік ст. Радашковічы пусьціў поезд на папсаваны мост. Поезд зваліўся з мосту ў адкос (5 вярстоў за Радашковічамі). Цягнік і 15 вагоноў разьбілася. З пад абломкаў вагоноў выцягнулі 23 трупы і каля 100 асоб раняных. Сьледства ў гэтай справе ўжо закончэно. Вінаваты ў катастрофе персональ ст. Радашковічы. Вінаватыя будуць аддадзены пад суд.

2 мая 1977 года паблізу месца катастрофы адбылася яшчэ адна буйная чыгуначная катастрофа.