Кіеўскі міжнародны ўніверсітэт

Кіеўскі міжнародны ўніверсітэт
Київський міжнародний університет
Арыгінальная назва	Київський міжнародний університет
Міжнародная назва	Kyiv International University
Заснаваны	1994
Тып	прыватны ўніверсітэт
Прэзідэнт	Хачатур Уладзіміравіч Хачатуран
Краіна	Украіна
Размяшчэнне	Кіеў
Юрыдычны адрас	вул. Львоўская 49, 03179 г. Кіеў, Украіна
Сайт	kymu.edu.ua

Кіеўскі міжнародны ўніверсітэт — украінская прыватная вышэйшая навучальная ўстанова, якая знаходзіцца ў Кіеве.

Агульная характарыстыка

Навучыльная ўстанова паўстала як цэнтр інтэнсіўнага вывучэння замежных моў «Knowledge» пад кіраўніцтвам прафесара Х. Хачатурана. У 1994 годзе яна прызнанна Міністэрствам адукацыі і навукі Украіны як вышэйшая навучальная ўстанова пад назвай «Міжнародны інстытут лінгвістыкі і права». У 2002 годзе атрымала сучасную назву — Кіеўскі міжнародны ўніверсітэт.

Навучальны працэс ва ўніверсітэце ажыццяўляецца дзвюма мовамі — украінскай і англійскай. Колькасць студэнтаў па ўсіх формах навучання — каля 5 тысяч. За гады сваёй працы ўніверсітэт выпусціў больш за 15 тысяч спецыялістаў па міжнародных адносінах, праве, эканоміцы, лінгвістыцы, журналістыцы, псіхалогіі і інш.

Навучальны працэс забяспечваюць высокакваліфікаваныя навукова-педагагічныя работнікі, сярод якіх 80 % — дактары і кандыдаты навук, 10 % — акадэмікі і члены-карэспандэнты галіновых акадэмій навук, замежных акадэмій і асацыяцый, 22 супрацоўніка ўніверсітэта маюць званні «Заслужаны дзеяч навукі і тэхнікі», «Заслужаны дзеяч мастацтваў», «аслужаны артыст Украіны», «Заслужаны юрыст Украіны».

Структура

• Інстытут міжнародных адносін
• Інстытут лінгвістыкі і псіхалогіі
• Інстытут тэатральнага мастацтва
• Інстытут журналістыкі, кіно і тэлебачання
• Медыцынскі інстытут
• Эканамічны факультэт
• Юрыдычны факультэт
• Стаматалагічны факультэт
• Фармацэўтычны факультэт
• Факультэт будаўніцтва і архітэктуры
• Факультэт інфармацыйных тэхналогій
• Універсітэцкая клініка
• Каледж
• Ліцэй

Спасылкі

• Афіцыйны сайт універсітэта