Станіслаў Паўлавіч Нарушэвіч

Станіслаў Нарушэвіч
Герб «Вадвіч»
6-ы Кашталян смаленскі 1588 — 1589
Папярэднік	Багдан Сапега
Пераемнік	Астафій Тышкевіч
3-і Кашталян мсціслаўскі 1580? — 1588
Папярэднік	Война Мацвеевіч Грычына
Пераемнік	Сямён Война
Нараджэнне	невядома
Смерць	1589(1589)
Род	Нарушэвічы
Бацька	Павел Нарушэвіч
Жонка	Марына з Палубінскіх[d] і Альжбета з Камаеўскіх[d]
Дзеці	ад другога шлюбу: Барбара, Крысціна
Веравызнанне	кальвінізм

Станіслаў Нарушэвіч (? — 1589) — вялікалітоўскі дзяржаўны дзеяч.

Біяграфія

Спраўца Гарадзенскага староства ў 1563, цівун віленскі з 1564, кашталян мсціслаўскі з 1580 (?), смаленскі з 1588, дзяржаўца рэжыцкі і люцынскі.

Кальвініст, падтрымліваў групоўку Радзівілаў. Падпісаў акт Люблінскай уніі 1569.

Валодаў мястэчкамі Круглае ў Аршанскім, Відзы ў Браслаўскім паветах, маёнткамі ў Берасцейскім і Падляшскім ваяводствах.

Сям'я

Паходзіў з роду Нарушэвічаў герба «Вадвіч», сын Паўла, брат Мікалая Яна.

Быў двойчы жанаты: першы раз з князёўнай Марынай Палубінскай, а другі раз з Камаеўскай. Ад другога шлюбу пакінуў дачок Барбару (каля 1580—1627), якая выйшла за віленскага ваяводу Януша Тышкевіча, і Крысціну, якая была замужам за ваяводам менскім Янам Пацам.

Літаратура

• Пазднякоў В. Нарушэвічы // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 349. — 792 с. — ISBN 985-11-0378-0 (т. 2), ISBN 985-11-0315-2.