Фадзей Аляксеевіч Браўковіч

Фадзей Аляксеевіч Браўковіч
Пастаянны прадстаўнік БССР пры ўрадзе Саюза ССР 1928
Пераемнік	Аляксандр Паўлюкевіч
Старшыня выканкама Полацкай акругі 1926 — 1928
Кіраўнік урада	Язэп Адамовіч
Папярэднік	Аляксандр Сташэўскі
Народны камісар фінансаў БССР ліпень 1925 — снежань 1925
Кіраўнік урада	Язэп Адамовіч
Папярэднік	Сяргей Карп
Пераемнік	Іван Васілевіч
Член Часовага беларускага бюро ЦК РКП(б) 4 лютага 1924 — 14 мая 1924
Нараджэнне	1894 Аршанскі павет, Магілёўская губерня, Расійская імперыя
Смерць	29 сакавіка 1940(1940-03-29)
Адукацыя	Аршанскае гарадское вучылішча[d]
Месца працы	Беларусь
Бітвы	Першая сусветная вайна Рэвалюцыя 1917 года ў Расіі Civil War in Russia 1917–1920[d]

Фадзе́й Аляксе́евіч Браўко́віч (1894, в. Слабодка Аршанскага павета Віцебскай губерні (цяпер Шклоўскі раён Магілёўскай вобласці) — 29 сакавіка 1940) — беларускі савецкі палітычны дзеяч.

Біяграфія

Скончыў Аршанскае гарадское вучылішча. Удзельнік Кастрычніцкай рэвалюцыі і грамадзянскай вайны. Член КПСС з мая 1917 года. З сям’і рабочага. З 1908 года — у Копысі, рабочы кафельнага завода. З 1915 года ў царскай арміі, фельчар, удзельнік Першай сусветнай вайны. З лютага 1918 года ў Чырвонай Арміі: сакратар павятовага ваенкамата, ваенкам павета, З 1921 года — член Рагачоўскага павятовага камітэта партыі, з 1923 — старшыня Рагачоўскага павятовага выканкама. У 1925 годзе — народны камісар фінансаў БССР. У 1926 — 1932 — старшыня Полацкага акружнога выканкама, пастаянны прадстаўнік БССР пры СНК СССР у Маскве, саветнік паўпрэдства СССР у Варшаве. З 1933 года дырэктар Белдзяржвыдавецтва ў Менску, пасля — дырэктар рыбгаса «Волма» (Чэрвеньскі раён). Член ЦК КП(б)Б (1924—1935), член ЦВК БССР (1924—1936).

Арыштаваны 16 жніўня 1936 года ў Менску. Абвінавачваўся ў «антысавецкай дзейнасці». 17 снежня 1936 года «тройкай» НКУС быў асуджаны да 10 гадоў лагераў і 3 гадоў пазбаўлення правоў з канфіскацыяй маёмасці. Этапаваны ва Ухта-Іжэмскі канцлагер НКВД Комі АССР. Загінуў у канцлагеры 29 сакавіка 1940 года. Пасмяротна рэабілітаваны 24 студзеня 1962 года пленумам Вярхоўнага Суда СССР. Групавая справа № 17387-с захоўваецца ў архіве КДБ Беларусі.

Літаратура

• БРАЎКОВІЧ Фадзей Аляксеевіч // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).