Кніга прарока Агея

З Вікіпедыі, свабоднай энцыклапедыі
Кніга прарока Агея (ספר חגי)

Ілюстрацыя да верша 9 раздзела 2 кнігі Агея
Раздзел: Кнігі Прарокаў
Мова арыгінала: старажытнаяўрэйская
Жанр: прароцкая кніга
Папярэдняя (праваслаўе): Кніга прарока Сафонія
Наступная: Кніга прарока Захарыі
Лагатып Вікісховішча Медыяфайлы на Вікісховішчы

Кні́га праро́ка Агея (іўр.: ספר חגי Сефер Хагай; лац.: Prophetia Aggaei; стар.-грэч.: Αγγαίος) — 37-я кніга кананічнага Старога Запавету, дваццаць чацвёртая частка Танаху. Дзясятая з кніг г. зв. малых прарокаў.

Аўтар і час напісання[правіць | правіць зыходнік]

Кніга напісана прарокам Агеем ў 2-й год валадарання Дарыя I (520 год да н.э.) [1]. Пра прароцтвы Агея маецца згадка ў першай кнізе Ездры, калі ён і прарок Захарый казалі аб пабудове Храма [2].

Змест[правіць | правіць зыходнік]

Кніга складаецца з чатырох прамоваў прарока Агея да іўдзейскага народа паводле слова Божага да яго [2]:

  1. 1:1-11 - прамова Агея да кіраўніка Іўдзеі Зарававеля і першасвятара Ісуса ў першы дзень 6-га месяца 2-га года валадарання Дарыя Гістаспа (520 год да н. э.). У ёй прарок паказвае на прычыну спынення ў аднаўленні Іерусалімскага храма, калі Самаране ў 522 годзе да н.э. дамагліся ад персідскага цара забароны пабудовы храма (1 Езд 4:23-24). У прароцтве Агея прыпынак у будаўніцтве храма звязаны з заняхайваннем ў яго будаўніцтве (1:2-4). Паводле слова Гасподняга, прарок Агей патрабуе аднаўлення работ па пабудове храма (1:8) і паказвае на перажываныя іўдзейскім народам бедствы, як на праяву гневу Божага за грэбаванне справай Божай.
  2. 2:1-9 - прамова, датаваная 21-м днём 7-га месяца, верагодна, таго ж года (у 7-ы дзень свята кушчаў). Змяшчае умаўленьне - бадзёра працягваць пабудову храма, не бянтэжыцца відавочнай беднасцю і недахопам сродкаў даставіць новаму храму прыгажосьць першага, Саламонава храма. Затым згадваецца прышэсце « Жаданага усімі народамі '» (2:7) і слава, якая будзе ўласцівая новаму храму яшчэ ў большай ступені, чым першаму.
  3. 2:10-19 - прамова ў 24-ы дзень 9-га месяца таго ж года. Прарок для падтрымання рэўнасці будаўнікоў храма паказвае на тое, што без Храма, у якім людзі атрымліваюць ачышчэнне і асвячэнне, усе былі нячыстыя, самыя ахвяры былі не ўпадабаныя Богам, і Бог у гневе Сваім караў людзей няплоднасцю зямлі. Калі іўдзеі ўжо паказалі сваю рэўнасць да ўладкавання храма, Госпад абвяшчае Сваё дабраславенне народу.
  4. 2:20-23 - прамова ў той жа дзень, як і папярэдняя, ​​звернутая уласна Зарававелю. Абвяшчае яму, як нашчадку Давіда і дакладнаму і пакорнаму рабу Божаму у справе пабудовы Храма, цэласць, захаванне і дабрабыт пад асаблівым заступніцтвам Божым у той менавіта час, як адбудуцца вялікія палітычныя перавароты.

Многія даследчыкі бачылі ў прамовах прарока Агея скарачэнне больш доўгіх прамоваў, вымаўленых ім да народа [2].

Зноскі

  1. ↑ Ed Hindson, Elmer L. Towns. Illustrated Bible Survey: An Introduction. - 2017. - P. 474 - 475
  2. ↑ а б в Кніга прарока Агея. Тлумачальная Біблія. Выданне пераемнікаў А. П. Лапухіна

Літаратура[правіць | правіць зыходнік]

  • Архиепископ Иоанн (Смирнов). Пророки: Аггей, Захария, Малахия. Рязань, 1872.
  • Нарциссов Д. Н. Руководство к изучению пророческих книг Ветхого Завета. 1904.

Спасылкі[правіць | правіць зыходнік]

Узята з "https://be.wikipedia.org/w/index.php?title=Кніга_прарока_Агея&oldid=4642509"