Стрэшын

Гарадскі пасёлак Стрэшын Свята-Пакроўская царква Герб Сцяг Краіна Беларусь Вобласць Гомельская Раён Жлобінскі Сельсавет Стрэшынскі Каардынаты 52°43′42″ пн. ш. 30°06′49″ у. д. Першая згадка XII стагоддзе Гарадскі пасёлак з 1938 Насельніцтва ▼903 чал. (1 студзеня 2024) Часавы пояс UTC+3 Тэлефонны код 2334 Паштовы індэкс 247223 Аўтамабільны код 3 СААТА 3218860906 Стрэшын на карце Беларусі ±

Стрэшын на Вікісховішчы

Стрэ́шын — гарадскі пасёлак у Жлобінскім раёне Гомельскай вобласці Беларусі, на правым беразе Дняпра. Злучаны аўтадарогамі з Жлобінам, Рэчыцай, Светлагорскам. За 21 км ад Жлобіна, 105 км ад Гомеля. Насельніцтва 930 чал. (2022).

Гісторыя

Упершыню згадваецца ў «Спісе гарадоў далёкіх і блізкіх» (кан. 14 ст.). У 1399 годзе падараны Вялікім князем літоўскім Вітаўтам Віленскаму капітулу. У 16—17 стст. неаднаразова разбураны. Пасля 2-га падзелу Рэчы Паспалітай (1793) у складзе Расійскай імперыі, цэнтр воласці Рагачоўскага павета, мястэчка, уладанне графа Остэрмана. У 1924—1927 і 1939—1955 гг. цэнтр Стрэшынскага раёна, у 1927—1939 і з 1956 г. у Жлобінскім раёне Гомельскай вобласці, з 1938 года гарадскі пасёлак.

Насельніцтва

Год Колькасць 1999 1 366 2000 1 425 2001 1 300 2004 1 300 Год Колькасць 2009 1 263 2016 1 226 2017 1 213 2019 964 Год Колькасць 2020 1 000 2021 937 2022 930 2023 920 Год Колькасць 2024 903

Эканоміка

Цагельня, лясніцтва.

Славутасці

• Стрэшынскі замак
• Стрэшынская Пакроўская царква
• Брацкая магіла савецкіх воінаў
• Помнік землякам, загінуўшым у Вялікую Айчынную вайну.

На ўскраіне вёскі гарадзішча 12 ст.

Вядомыя ўраджэнцы

• Дзмітрый Васільевіч Бярнацкі (1912—1945) — савецкі ваенны дзеяч, Герой Савецкага Саюза.
• Іаан Кармянскі (1837—1917) — протаіерэй, кананізаваны Беларускай праваслаўнай царквой у ліку праведных.
• Васіль Рагаўцоў (нар. 1952) — беларускі паэт, мовазнавец, доктар філалагічных навук (2003), прафесар (1993), заслужаны работнік адукацыі Рэспублікі Беларусь (2014).
• Уладзімір Яўцехавіч Сінякоў (нар. 1947) — беларускі палітык.

Гл. таксама

• Пасёлкі гарадскога тыпу Гомельскай вобласці
• Пасёлкі гарадскога тыпу Беларусі

Літаратура

• Стрэ́шын // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 218. — 10 000 экз. — ISBN 985-11-0035-8. — ISBN 985-11-0251-2 (т. 15).
• Стрэ́шын // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 433. — 10 000 экз. — ISBN 985-11-0214-8.
• Стрешин // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)

Спасылкі

• На Вікісховішчы ёсць медыяфайлы па тэме Стрэшын

• Геаграфічныя звесткі па тэме Стрэшын на OpenStreetMap