Фэнтэзі

Фэ́нтэзі (ад англ.: fantasy — «фантазія») — жанр фантастычнай літаратуры, заснаваны на выкарыстанні міфалагічных і казачных матываў. У сучасным відзе сфармаваўся напачатку XX стагоддзя. З сярэдзіны стагоддзя велізарны ўплыў на фарміраванне сучаснага аблічча фэнтэзі аказаў Джон Рональд Руэл Толкін.

Творы фэнтэзі часцей за ўсё нагадваюць гісторыка-прыгодніцкі раман, дзеянне якога паходзіць у выдуманым сусвеце, блізкім да рэальнага Сярэднявечча, героі якога сутыкаюцца са звышнатуральнымі з'явамі і істотамі. Часцяком фэнтэзі пабудавана на аснове архетыпічных сюжэтаў.

Троль

У адрозненне ад навуковай фантастыкі, фэнтэзі не імкнецца растлумачыць сусвет, у якім адбываецца дзеянне твора, з пункту гледжання навукі. Сам гэты сусвет існуе гіпатэтычна, часта яго месцазнаходжанне адносна нашай рэальнасці ніяк не абумаўляецца: ці тое гэта паралельны свсусвет, ці то іншая планета, а яго фізічныя законы могуць адрознівацца ад зямных. У такім свеце можа быць рэальным існаванне багоў, вядзьмарства, міфічных істот (драконы, эльфы, гномы, тролі), зданяў і любых іншых фантастычных сутнасцяў. У той жа час прынцыповае адрозненне цудаў фэнтэзі ад іх казачных аналогаў у тым, што яны з'яўляюцца нормай апісванага сусвету і дзейнічаюць сістэмна, як законы прыроды.

Фэнтэзі — гэта таксама жанр кінематографа, жывапісу, камп'ютарных і настольных гульняў. Падобная жанравая ўніверсальнасць асабліва адрознівае кітайскае фэнтэзі з элементамі усходніх адзінаборстваў (гл. уся).

Гл. таксама

• Навуковая фантастыка
• Расы Dungeons & Dragons
• Тэхнафэнтэзі
  • Стымпанк
  • Стытчпанк
• Уся (кітайскае фэнтэзі)
• Прэмія Небьюла
• Спіс твораў фэнтэзі паводле жанраў
• Спіс аўтараў жанру фэнтэзі
• Спіс літаратурных прэмій па навуковай фантастыцы і фэнтэзі
• Спіс фільмаў жанру фэнтэзі 2000-х гадоў
• Спіс фільмаў жанру фэнтэзі 2010-х гадоў
• Гарадское фэнтэзі

Спасылкі

• Галиев С.С. Классификация жанра фэнтези. Произведения Толкина. Проза.ру (2011). Праверана 25 верасня 2011.