Забычанскі сельсавет
| Забычанскі сельсавет | |
|---|---|
| Краіна |
 Беларусь |
| Уваходзіць у | Касцюковіцкі раён |
| Уключае | 11 населены пункт |
| Адміністрацыйны цэнтр | Забычанне |
| Дата ўтварэння | 20 жніўня 1924 |
| Кіраўнік | Валянціна Леанідаўна Дадалева |
| Насельніцтва (2018) | 868 |
| Плошча | 14 км² |
| Часавы пояс | UTC+03:00 |
| Код аўтам. нумароў | 6 |
| Афіцыйны сайт | |
Забыча́нскі сельсавет — адміністратыўна-тэрытарыяльная адзінка ў складзе Касцюковіцкага раёна Магілёўскай вобласці з цэнтрам у вёсцы Забычанні.
Гісторыя
Сельсавет быў утвораны ў складзе Касцюковіцкага раёна Калінінскай акругі 20 жніўня 1924 года пасля таго, як у выніку другога ўзбуйнення БССР усходнія этнічна беларускія землі былі вернуты Беларусі. У канцы 1930-х гадоў на тэрыторыі сельсавета існавалі скасаваныя сёння вёскі Мая, Гарадок, Чырвоная Іскра[1].
Геаграфія
Размешчаны ў паўночна-заходняй частцы Касцюковіцкага раёна, аддалены ад раённага цэнтра на 20 км. На тэрыторыі сельсавета працкаюць рэкі Жадунька і Крупня, праходзіць аўтамабільная дарога Касцюковічы — Чэрыкаў[2].
Насельніцтва
У 2009 годзе на тэрыторыі сельсавета пражывалі 1026 чалавек, з іх 92.2 % — беларусы, 7 % — рускія, 0.6 % — украінцы. Станам на 2018 год, у Забычанскім сельсавеце было 868 жыхароў і 400 двароў.
На тэрыторыі сельсавета дзейнічае філіял №1 «Цэмагра» ААТ «Беларускі цэментны завод», сельскагаспадарчыя прадпрыемствы. Адукацыю забяспечвае ДУА «Мурынборскі ВВК яслі-сад-сярэдняя школа», культурныя ўстановы на тэрыторыі сельсавета прадстаўлены Забычанскім і Мурынборскім сельскімі клубамі. Усталявана 9 помнікаў і абеліскаў салдатам, загінулым у гады Вялікай Айчыннай вайны[2].
Медычныя паслугі аказваюць Забычанская бальніца і фельчарска-акушэрскі пункт у вёсцы Мурын Бор, гандлёвае абслугоўванне насельніцтва ажыццяўляюць крамы Касцюковіцкага раённага спажывецкага грамадства. Працуюць аддзяленні сувязі у Забычанні, Нізьках і Негіне. Тэлефонныя станцыі знаходзяцца ў вёсках Нізькі і Забычанні[2].
Зноскі
- ↑ ГВБ, т.5-1, с.670—671
- ↑ а б в Забычанскі сельскі савет. Агульная характарыстыка (руск.). Касцюковіцкі райвыканкам (7 чэрвеня 2018). Праверана 19.07.2019.
Літаратура
- Гарады і вёскі Беларусі: Энцыклапедыя. Т. 5, кн. 1. Магілёўская вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2008. — 728 с.: іл. — 2 000 экз. — ISBN 978-985-11-0409-9.
 | |
|---|---|
| Цэнтр | |
| Пасёлкі | |
| Вёскі | Васілёўка · Галачоўка · Красная Слабада · Крупня · Мурын Бор · Негіна · Нізькі · Норкіна · Падгародак |
