Іон Іліеску

Іон Іліеску Ion Iliescu
4-ы прэзідэнт Румыніі
20 снежня 2000 — 20 снежня 2004
Папярэднік	Эміль Канстанцінеску
Пераемнік	Траян Бэсеску
2-і прэзідэнт Румыніі
20 мая 1990 — 29 лістапада 1996
Папярэднік	Нікалае Чаўшэску
Пераемнік	Эміль Канстанцінеску
Партыя	Сацыял-дэмакратычная партыя Румыніі
Адукацыя	Маскоўскі энергетычны інстытут Політэхнічны ўніверсітэт Бухарэста[d] Маскоўскі дзяржаўны ўніверсітэт імя М. В. Ламаносава
Дзейнасць	інжынер, палітык
Член у	CPUN[d]
Нараджэнне	3 сакавіка 1930(1930-03-03)[…] (91 год) Oltenița[d], Алтэніца, жудзец Кэлэрашы[d], Румынія
Бацька	Александру Іліеску[d]
Жонка	Алена (Ніна) Шэрбанеску
Аўтограф
Узнагароды

Іон Іліеску (рум.: Ion Iliescu; нар. 3 сакавіка 1930, Алтэніца, Румынія) — румынскі палітык, сенатар ад Сацыял-дэмакратычнай партыі. Займаў пасаду Прэзідэнта Румыніі ў 1990—1996 і 2000—2004 гадах.

Біяграфія

Нарадзіўся 3 сакавіка 1930 года ў горадзе Алтэніца. Бацька Іона, Александру Іліеску (1901—1945) — чыгуначнік, з’яўляўся членам падпольнай камуністычнай партыі. У 1931 годзе прыняў удзел у пятым з’ездзе партыі, які прайшоў у Маскве. Па вяртанні на радзіму быў прысуджаны да турэмнага зняволення і памёр у турме.

Скончыў Маскоўскі энергетычны інстытут у 1955 годзе, вучыўся таксама ў Бухарэсцкім політэхнічным інстытуце. Акрамя роднай румынскай, свабодна валодае рускай і англійскай мовамі.

Член Саюза камуністычнай моладзі (1944) і РКП (1953). Кандыдат у члены ЦК РКП (1965), член ЦК РКП (1968), кандыдат у члены Палітвыканкама ЦК РКП (1969-74). У 1957 годзе быў абраны ў Вялікі нацыянальны сход. Працаваў у Саюзе асацыяцый студэнтаў-камуністаў, кіраваў аддзелам прапаганды ЦК РКП (1965—1968). У 1967 годзе быў прызначаны першым сакратаром ЦК Саюза камуністычнай моладзі і міністрам па справах моладзі.

У 1989 годзе Іліеску ўзначаліў хваляванні, накіраваныя супраць Чаўшэску, а пасля звяржэння апошняга — утварыў Фронт нацыянальнага выратавання Румыніі і стаў яго старшынёй.

З 22 снежня 1989 года да 20 мая 1990 года — выканаўца абавязкаў Прэзідэнта Румыніі. У 1990 годзе быў абраны Прэзідэнтам Румыніі. У 1992 годзе быў паўторна абраны на пасаду Прэзідэнта Румыніі.

Літаратура

• Беларуская энцыклапедыя: У 18 т. Т.7: Застаўка — Кантата / Рэдкал.: Г. П. Пашкоў і інш. — Мн.: Белэн, 1998. — 608 с.: іл. ISBN 985-11-0279-2

Спасылкі

• Афіцыйная біяграфія (рум.)