Міністэрства антыманапольнага рэгулявання і гандлю Рэспублікі Беларусь

Эмблема Міністэрства гандлю Рэспублікі Беларусь

Міністэрства антыманапольнага рэгулявання і гандлю Рэспублікі Беларусь (МАРТ) — ведамства ўраду Беларусі, упаўнаважанае ажыццяўляць парадкаванне гандлю. Міністр гандлю прызначаецца і здымаецца з пасады прэзідэнтам. З 17 снежня 2015 года пасаду міністра займае Уладзімір Васільевіч Калтовіч.

Склад

• Цэнтральны апарат — 11 упраўленняў, 3 аддзелы;
• Аб'яднанне «Белгандальпрагрэс»;
• Прадпрыемствы «Белгіпрагандаль», «Белювелірмет», «Белскупкаштмет», «Белімпартгандаль», «Беларусзамежгандаль», «Белінвентаргандаль», «Белгандальінфасервіс»;
• Інстытут павышэння кваліфікацыі і перападрыхтоўкі кіруемых работнікаў і спецыялістаў гандлю;
• Часопіс «Гермес».

Задачы

• парадкаванне гандлю, грамадскага харчавання, побытавага абслугоўвання і абароны правоў спажыўцоў;
• агляд спажывецкага рынку і галіны побытавага абслугоўвання;
• узгадненне стварэння тавараправоднай сеткі і нямытнага парадкавання;
• стварэнне ўмоў для росту вываза тавараў і паслуг;
• парадкаванне найму ў галіне гандлю, грамадскага харчавання і побытавага абслугоўвання;
• узгадненне правядзення кірмашоў.

Паўнамоцтвы

• запыт ва ўстановах звестак аб гандлі;
• прыём справаздачаў кіраўнікоў дзяржаўных устаноў аб гандлі;
• накладанне пакаранняў на прадпрыемствы за парушэнне заканадаўства аб гандлі, грамадскім харчаванні, побытавым абслугоўванні, правах спажыўцоў і рэкламе;
• узгадненне з Міністэрствам замежных спраў стварэння тавараправоднай сеткі за мяжой;
• апавяшчэнне ўстаноў ліцэнзавання пра парушэнне заканадаўства аб гандлі, грамадскім харчаванні, побытавым абслугоўванні, правах спажыўцоў і рэкламе, падача ў суды позваў аб абароне правоў спажыцоў;
• ухваленне ведамасных пастаноў;
• падача прапановаў аб касаванні пастановаў іншых дзяржаўных устаноў, што пярэчаць заканадаўству аб гандлі, грамадскім харчаванні, побытавым абслугоўванні, правах спажыўцоў і рэкламе;
• стварэнне друкаваных выданняў;
• стварэнне ведамасных узнагародаў;
• стварэнне, пераўтварэнне і касаванне падпарадкаваных устаноў.

Гл. таксама

• Беларуская ўніверсальная таварная біржа

Спасылкі

• Міністэрства гандлю Беларусі (руск.)