Алег Аляксандравіч Бажэлка

Алег Бажэлка
Генеральны пракурор Рэспублікі Беларусь 12 снежня 1996 — 27 лістапада 2000
Прэзідэнт	Аляксандр Лукашэнка
Папярэднік	Васіль Капітан
Пераемнік	Віктар Шэйман
Нараджэнне	1954 Янушова, Беларусь
Адукацыя	юрыдычны факультэт БДУ
Ваенная служба
Званне	Дзяржаўны саветнік юстыцыі 2 класа Дзяржаўны саветнік юстыцыі 2 класа

Алег Аляксандравіч Бажэлка (нар. 1954, в. Янушова, Мядзельскі раён Мінскай вобласці, БССР) — былы Генеральны пракурор Беларусі, дзяржаўны дарадца юстыцыі 2-га класа.

Біяграфія

Нарадзіўся ў сям’і працоўных. У 1973—1978 гадах вучыўся на юрыдычным факультэце Беларускага дзяржаўнага ўніверсітэта. З 1978 года працаваў на розных пасадах у пракуратуры Магілёўскай вобласці. З 1989 да 1992 года з’яўляўся супрацоўнікам Магілёўскага абкаму КПБ. З 24 ліпеня 1996 года з’яўляўся пракурорам Магілёўскай вобласці. З 12 снежня 1996 году да 27 лістапада 2000 года з’яўляўся Генеральным пракурорам Рэспублікі Беларусь. Быў прадстаўніком Беларусі ў Камісіі ААН па прадухіленні злачыннасці і крымінальнаму правасуддзю. Звольнены прэзідэнтам з Генеральнай пракуратуры ў 2000 годзе пасля таго, як следчыя пракуратуры арыштавалі Дзмітрыя Паўлічэнку і выпісалі ордар на арышт Віктара Шэймана па падазрэнні ў выкраданні і забойстве людзей.