Вяйнё Танер

Вяйнё Альфрэд Танер Väinö Alfred Tanner
Міністр фінансаў Фінляндыі
1942 — 1944
Папярэднік	Маўна Пекала
Пераемнік	Оні Хілтунен
17-ы Міністр замежных спраў Фінляндыі
1 снежня 1939 — 27 сакавіка 1940
Папярэднік	Эліяс Эрка
Пераемнік	Рольф Вітынг
Міністр фінансаў Фінляндыі
1937 — 1939
Папярэднік	Юха Ніўканен
Пераемнік	Маўна Пекала
14-ы Прэм'ер-міністр Фінляндыі
13 снежня 1926 — 17 снежня 1927
Папярэднік	Кюёсці Каліа
Пераемнік	Юха Суніла
Партыя	Сацыял-дэмакратычная партыя Фінляндыі[d]
Адукацыя	Хельсінкскі ўніверсітэт
Дзейнасць	палітык, дыпламат, журналіст, адвакат
Нараджэнне	12 сакавіка 1881(1881-03-12) Гельсінгфорс, Вялікае Княства Фінляндскае
Смерць	19 красавіка 1966(1966-04-19) (85 гадоў) Хельсінкі, Фінляндыя
Пахаванне	Хіетаніемі

Вяйнё Альфрэд Танер (фінск.: Väinö Alfred Tanner; 12 сакавіка 1881, Хельсінкі — 19 красавіка 1966, Хельсінкі, Фінляндыя) — фінскі дзяржаўны дзеяч, лідар сацыял-дэмакратычнай партыі, прэм'ер-міністр Фінляндыі ў 1926 −1927 гг.

Таннер працаваў ва ўрадзе ў ролі прэм'ер-міністра (1926—1927), міністра фінансаў (1937—1939), міністра замежных спраў (1939—1940), і пасля Савецка-фінскай вайны 1939—1940 гг . — міністрам гандлю (1940—1942) (апошняя перастаноўка была здзейсненая пад націскам СССР). У 1942—1944 зноў быў міністрам фінансаў.

Падчас Савецка-фінскай вайны 1939—1940 гг. Таннер быў міністрам замежных спраў і сыграў важную ролю ў фарміраванні ў Фінляндыі «духу Зімняй вайны», ён аб'яднаў нацыю, незалежна ад палітычных поглядаў, у барацьбе за захаванне незалежнасці краіны.

Пасля заканчэння Зімняй вайны СССР запатрабаваў змен ва ўнутранай палітыцы Фінляндыі — у прыватнасці, адстаўкі Вяйнё Танера. 16 жніўня 1940 г Танер выйшаў з урада.

Пасля заканчэння Савецка-фінскай вайны 1941—1944 гг. Танер, пад ціскам СССР, быў асуджаны ў 1946 годзе на пяць з паловай гадоў пазбаўлення волі, аднак і ў зняволенні заставаўся папулярным палітычным дзеячам. У снежні 1948 года, адбыўшы палову тэрміну, быў амніставаны і выпушчаны на свабоду.