Калеві Сорса

Тайста Калеві Сорса
фінск.: Taisto Kalevi Sorsa
Прэм'ер-міністр Фінляндыі 4 верасня 1972 — 13 чэрвеня 1975
Папярэднік	Рафаэль Паасіа
Пераемнік	Кеія Ліінамаа
15 красавіка 1977 — 26 красавіка 1979
Папярэднік	Марці Міетунен
Пераемнік	Маўна Койвіста
19 лютага 1982 — 30 красавіка 1987
Папярэднік	Маўна Койвіста
Пераемнік	Хары Холкеры
Нараджэнне	21 снежня 1930(1930-12-21) Кеўруу[d], Цэнтральная Фінляндыя[d], Фінляндыя
Смерць	16 студзеня 2004(2004-01-16) (73 гады) Хельсінкі, Усіма, Паўднёвая Фінляндыя, Фінляндыя
Месца пахавання	Хіетаніемі
Імя пры нараджэнні	фінск.: Taisto Kalevi Sorsa
Партыя	Сацыял-дэмакратычная партыя Фінляндыі[d]
Адукацыя	Універсітэт Тамперэ
Дзейнасць	палітык, дыпламат, журналіст
Калеві Сорса на Вікісховішчы

Тайста Калеві Сорса (фінск.: Taisto Kalevi Sorsa, 21 снежня 1930, Кеўруў - 16 студзеня 2004, Хельсінкі) — фінскі дзяржаўны і палітычны дзеяч.

Біяграфія

У 1957 годзе Калеві Сорса скончыў факультэт журналістыкі Інстытута грамадскіх навук у Тамперэ. З 1954 па 1957 гады працаваў журналістам, выдавецкім працаўніком ў друкаваных органах Сацыял-дэмакратычнай партыі Фінляндыі (СДПФ). У 1953-63 гадах быў супрацоўнікам ЮНЕСКА, у 1965-69 гадах выступаў у якасці генеральнага сакратара фінляндскай камісіі ЮНЕСКА.

З 1969 года працуе сакратаром СДПФ. У 1975 годзе становіцца старшынёй партыі і прабудзе на гэтай пасадзе 12 гадоў.

З 1970 года - дэпутат парламента. У 1970-72, 1976-77 гады з'яўляўся старшынёй знешнепалітычнай камісіі парламента.

У 1972, 1975-76 і 1987-89 г.г. працаваў у якасці намесніка прэм'ер-міністра і міністра замежных спраў.

Калеві Сорса узначальваў урад Фінляндыі ў 1972-75, 1977-79 і 1982-87 гады. Будучы прэм'ер-міністрам, ён прытрымліваўся канцэпцыі пабудовы дзяржавы ўсеагульнага дабрабыту. Пры ім былі ажыццёўлены рэформы адукацыі і аховы здароўя, ўдасканалена сістэма сацыяльнага і пенсійнага забеспячэння. У знешняй палітыцы Калеві Сорса праводзіў курс на ўмацаванне АБСЕ і падтрымліваў міжнародны сацыял-дэмакратычны рух.

З 1989 года з'яўляўся старшынёй парламента Фінляндыі.

Калеві Сорса памёр ад рака ў 2004 годзе ў сябе дома ў Хельсінкі.

Літаратура

• Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш. — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).

Спасылкі

• Kalevi Sorsa