Гарадзенскі гармідар

З пляцоўкі Вікіпедыя
Перайсці да навігацыі Перайсці да пошуку
Гарадзенскі гармідар
музычны альбом Dzieciuki
Дата выпуску 2014

«Гарадзенскі гармíдар» — дэбютны студыйны альбом беларускага панк-рок-гурта «Dzieciuki», які выў выдадзены 10 лютага 2014 года выдавецтвам «Гарадзенская бібліятэка». Прэзентацыя альбома адбылася 22 лютага 2014 года ў мінскім клубе «Re:Public» разам з гуртам Тлушч і Pomidor/off.

Першая старонка часопісу «Мужыцкая Праўда» са звяртаннем «Dzieciuki» (тэкст напісан беларускай лацінкай)

Назва альбома спасылае на яго хаатычнасць (гармідар азначае кавардак, ералаш, талпатварэнне) і на тое, што гурт паходзіць з Гародні (дарусіфікаваная назва Гродна).

Частка тэкстаў альбома была прысвечаная беларускім паўстанцам і партызанам розных часоў: каліноўцам, балахоўцам, «лясным братам» (магчыма памылка, ці проста супадзенне прыдуманай назвы для спева і ляснымых братоў з краін Балтыі. Спеў «Сумнае рэгі» была аб масавых расстрэлах у Курапатах і Хатыні. У плане гучання крытыкі знайшлі музыку падобнай да ірландскага панк-рока. Матэрыял альбома крытыкавалі за пэўную «сыраватасць» і «няроўнасць». На думку музычнага крытыка Сяргея Будкіна гурт стаў ўлюбёнцамі публікі па той прычыне, што заняла нішу нацыянальнаарыентаванага панку, чаго раней не было[1]. Прэзентацыя альбома прайшла ў Мінску ў клубе «Re:Public», аднак наступны канцэрт у Брэсце быў адменены мясцовым аддзяленнем КДБ[2][3]. Затым музыкі адправілася з гастролямі ў Польшчу, Германію, Чэхію, Славакію і Аўстрыю.

Частка спеваў альбома ўжо была напісана да яго, калі гурт выпускаў свой аднаймены міні-альбом. «Мужыцкая праўда» і «Хлопцы-балахоўцы» ўспрымаюцца няйначай як візытоўкі гурта. Былі таксама спевы-кавэры, напрыклад «The Real McKenzies» («Па гарах») і Захара Мая («Нашы танкі»): «Калі нашыя танкі заедуць у Менск, я шмат каго павешу», — пяецца ў жартаўлівым нумары ад імя гарадзенскіх панкаў (у арыгінале пелася пра Маскву і панкаў з Ленінграду).

Франтмэны гурта Алесь Дзянісаў і Паша «Трабл» ды аўтар большасьці тэкстаў Дзяніс Жыгавец вырашылі заняцца патрыятычным выхаваннем моладзі ды давесьці тэзу пра беларусаў як пра шалёны і нескароны народ насуперак стэрэатыпу пра прыгнечанага, на ўсё згоднага і талерантнага чалавека, што жыве недзе на ўскрайку Расійскай імперыі. «Гарадзенскі гармідар» уяўляе з сябе кароткі курс гісторыі Беларусі, а дакладней, гісторыі змагання за Беларусь: паўстанне Каліноўскага, антысавецкі супраціў, Курапаты і Хатынь — усё гэта сустракаецца ў спевах «Дзецюкоў». «Гістарычную» канцэпцыю парушаюць некалькі трэкаў, якія не адносяцца агульнай тэмы альбома, як «Песня гарадзенскага гастарбайтэра» ці «Танкі», што таксама спасылае на назву альбома — гармідар.

Разнастайнасць дасягаецца яшчэ і за кошт багатага інструментарыю: у спевах гучаць, акрамя звыклых для панку, гітары, баса ды бубнаў, яшчэ дуда і акардэон, што выдзяляе гурт з жанру, часам далучаюцца яшчэ флейта і гармонік. Вакальныя ролі падзеленыя прыблізна напалову між Алесем Дзянісавым, якія былі музыкамі ў гуртах «КальЯн» і «Людзі на балоце», таксама вакальныя партыі ёсць і ў Пашы «Трабла».[4]

Змест[правіць | правіць зыходнік]

Назва Працягласць
1. «Мужыцкая праўда» (Спеў пра беларускую нацыянальную самасвядомасць і першую беларускую газету «Мужыцкая праўда», дзе Кастусь Каліноўскі звяртаўся да беларусам словам «дзецюкі», адкуль паходзіць назва гурта) 2:11
2. «Хлопцы-балахоўцы» (Спеў пра беларускіх змагароў на чале з Булак-Балаховічам) 3:17
3. «Сумнае рэгі» (Спеў пра трагедыю беларускага народа пад акупацыяй камуністаў і нацыстаў, якая паказваецца праз растрэлы на Курапатах і спаленне Хатыні) 4:27
4. «Косю» (На «косю» — адгукаецца конь. Спеў-алюзія на неспакойную гісторыю беларускага народу, дзе герой кліча каня, пытаючы яго, дзе ён знаходзіцца. Конь — гэта алюзія-адказ на праблемы, якія дакрануліся да беларусаў у гісторыі) 2:58
5. «Лясныя браты» (Спеў прысвечаны беларускаму антысавецкаму партызанскаму руху. Назва ці з’яўляецца спасылкай на тое, што антыкамуністычныя партызаны хаваліся ў лясах і мелі братэрскія адносіны, ці з’яўляецца часкай памылкай, калі балтыйскіх лясных братоў блытаюць з беларускім антыкамуністычным партызанскім рухам.) 2:11
6. «Карчма» (Спеў распавядае пра звычайны дзень у карчме, якія раней былі вельмі папулярныя на Беларусі. Піўная культура была часткай беларуская беларускай культуры, якая адрознівала беларусаў ад такіх суседніх народаў, як рускія і ўкраінцы, што падцверджваецца распаўсюджанасцю корчм на тэрыторыі Беларусі (асабліва, заходняй)) 3:54
7. «Частуханы» (Спеў пра звычайных людзей, якія хочуць весці вясёлы стан жыцця) 3:20
8. «Забытая магіла» (Спеў пра цяжкі лёс беларусаў у першай палове XX стагоддзя, які паказваецца праз невядомага партызана, які ваяваў супраць камуністычных і нацысцкіх (у спеве — фашысцкіх, што звязана з памылкай, калі нацызм лічаць сінонімам, ці праявай фашызму) акупантаў) 4:55
9. «Песня пра гарадзенскага гастарбайтэра» (Спеў распавядае пра беларускую эміграцыю і яе цяжкасці, звязаныя з развітаннем з Радзімай) 3:08
10. «Нашыя танкі» (Кавэр на спеў Захара Мая, дзе спяваецца пра ленінградскіх панкаў, якія ўязджаюць на танках у Маскву. Спеў з’яўляецца прыкладам класічнага еўрапейскага рэгіяналізму, калі жыхары розных рэгіёнаў адной краіны недалюбліваюць адзін аднаго, а таксама, калі падобная сітуацыя адбываецца з адносінамі да сталіцы) 2:19
11. «Па гарах» (Жартоўны спеў-кавэр (The Real McKenzies) пра людзей, якія любяць вандраваць пешшу) 2:29

Удзельнікі[правіць | правіць зыходнік]

Музыкі[правіць | правіць зыходнік]

Іншыя[правіць | правіць зыходнік]

  • Дзяніс Жыхавец – тэксты
  • Стыў Крамер – запіс
  • Павел Сініла – майстэрынг
  • Вера Стома – вокладка

Зноскі[правіць | правіць зыходнік]

  1. Dzieciuki «Гарадзенскі гармідар» (+аўдыё) | Experty.by — белорусская музыка (недаступная спасылка). Архівавана з першакрыніцы 23 чэрвеня 2017. Праверана 13 чэрвеня 2017.
  2. Канцэрт гурта Dzieciuki забаронены берасьцейскім КДБ (відэа і камэнтар гурта). Тузін Гітоў. Слушны музычны партал
  3. У Брэсце адмянілі канцэрт гурта «Dzieciuki» Архівавана 1 мая 2021.
  4. КАРОТКІ КУРС ГІСТОРЫІ БЕЛАРУСІ АД ГАРАДЗЕНСКІХ ПАНКАЎ. Тузін Гітоў. Слушны музычны партал Архівавана 1 мая 2021.