Кастусь Харашэвіч

Кастусь Харашэвіч
Імя пры нараджэнні	Канстанцін Іванавіч Харашэвіч
Дата нараджэння	6 ліпеня 1927(1927-07-06)
Месца нараджэння	Літва, Маладзечанскі павет, Віленскае ваяводства, Польская Рэспубліка
Дата смерці	12 ліпеня 2013(2013-07-12) (86 гадоў) ці 2013
Месца смерці	Маладзечна, Маладзечанскі раён, Мінская вобласць, Беларусь
Месца пахавання	Старыя могілкі ў Маладзечне[d]
Грамадзянства	СССР  Беларусь
Род дзейнасці	мастак
Жанр	пейзаж
Вучоба	Мінскае мастацкае вучылішча (1958)
Член у	Беларускі саюз мастакоў Пагоня
Узнагароды	За заслугі ў выяўленчым мастацтве[d] (1999)

Кастусь Харашэвіч, сапр. Канстанцін Іванавіч Харашэвіч (6 ліпеня 1927, в. Літва, цяпер Маладзечанскі раён — 12 ліпеня 2013) — беларускі мастак-жывапісец.

Біяграфія

Вучыўся ў Барыса Кіта ў Маладзечанскай гандлёвай школе падчас 2-й сусветнай вайны. Прымаў удзел у дзейнасці СБМ.

Скончыў Мінскае мастацкае вучылішча (1958). Дыпломная работа — «Сялянскі бунт у дарэвалюцыйнай вёсцы».. Член Беларускага саюза мастакоў (з 1969). Член мастацкай суполкі «Пагоня»..

Сузаснавальнік разам з Ядвігай Раздзялоўскай студыі выяўленчага і дэкаратыўна-прыкладнога мастацтва ў Маладзечне.

Творчасць мастака-пейзажыста Кастуся Харашэвіча прадстаўлена больш чым 500 карцінамі, якія адлюстроўваюць знакавыя падзеі ў гісторыі Павілля і ўсёй Беларусі.

Ад пачатку 2000-х гадоў мастак працуе над стварэннем галерэі партрэтаў дзеячаў культуры і гісторыі, сваіх знакамітых землякоў. Сярод іх Янка Купала, Францішак Багушэвіч, Вацлаў Ластоўскі, Барыс Кіт, Павел Валошын, Сымон Рак-Міхайлоўскі, Браніслаў Тарашкевіч, Пятро Мятла.

Яго творы захоўваюцца ў Беларускай бібліятэцы імя Францыска Скарыны ў Лондане, Нацыянальным мастацкім музеі Беларусі, Музеі сучаснага выяўленчага мастацтва, Мінскім абласным краязнаўчым музеі Маладзечна, Скандынаўскім цэнтры ў Мінску, а таксама ў прыватных зборах у Польшчы, Германіі, ЗША, Канадзе і Ізраілі.

У 2011 годзе ў філіяле дзяржаўнага літаратурнага музея імя Янкі Купалы ў Яхімоўшчыне адкрылася персанальная галерэя твораў Кастуся Харашэвіча.

Аўтар кнігі ўспамінаў «Зведанае і перажытае», 2004 год.

Памёр 12 ліпеня 2013 года ў Маладзечне. Пахаваны 13 ліпеня там жа на старых могілках.

Персанальныя выстаўкі

• 1977 — Саюз мастакоў БССР, Мінск
• 1977 — Панявежыс (Літва)
• 2003 — Рэспубліканская мастацкая галерэя, Мінск
• 2010 — «Крыніцы моцнага натхнення», Мінск

Адзнакі

• Медаль Беларускага саюза мастакоў «За заслугі ў выяўленчым мастацтве» (1999 г.)
• Спецыяльная прэмія Маладзечанскага гарадскога выканаўчага камітэта «Талент» у намінацыі «Мастак Года» (1999, 2003 гг.)

Асноўныя творы

• 1956 — «Старое Заслаўе»
• 1958 — «Сцяжынка майго дзяцінства»
• 1960 — «Від на Мядзел»
• 1961 — «Мой родны кут»
• 1962 — «Мястэчка»
• 1963 — «Паўстанне нарачанскіх рыбакоў»
• 1963 — «Інтэр’ер з калаўротам»
• 1966 — «Вялікдзень»
• 1967 — «Выступленне Браніслава Тарашкевіча перад сялянамі Заходняй Беларусі»
• 1971 — «Прадвесне»
• 1973 — «Нацюрморт. Помнікі гісторыі і культуры Беларусі»
• 1976 — «Стары двор. Магіла Цёткі»
• 1977 — «Вільня. Зарэчча»
• 1978 — «Раскіданае гняздо»
• 1979 — «Зіма ў Маладзечне»
• 1980 — «Браслаўскія азёры»
• 1982 — «Дарога ў Гальшаны»
• 1984 — «Пасля навальніцы»
• 1987 — «Маладзечна. Плошча Свабоды»
• 1990 — «Далягляды маёй Бацькаўшчыны»
• 1995 — «Нацюрморт»
• 1997 — «Руіны Наваградка»
• 1999 — «Барыс Кіт. Акадэмік астранаўтыкі»
• 2002 — «Янка Купала ў Яхімоўшчыне»
• 2003 — «Кастусь Каліноўскі. За нашу і вашу свабоду. Памяці паўстання на Беларусі 1863 г.»

Літаратура

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).
• Энцыклапедыя літаратуры і мастацтва Беларусі — Мн. 1994 г. — т.6
• Гісторыя беларускага мастацтва. — Мн. 1994 г. — т.6
• Мастакі савецкай Беларусі. — Мн. 1976 г.
• Беларускі саюз мастакоў: энцыклапедычны даведнік. — Мн. 1998 г.
• Кастусь Харашэвіч. Старонкі жыцця і творчасці. — 2006 г.
• Грамыка М. «У кожнага свой Рушчыц» // Мастацтва. — 2001 г. — № 4. — С. 26-29
• Яніцкая М. «Мастак-жывапісец» // Культура. № 6 — люты 1992 г.
• Пыцько А. «Ці цяжка быць незалежным» // Наш дзень. — 7 жніўня 1992 г.
• Зубрыцкая І. «Крылы млына, як сімвалы надзеі» // Мінская праўда — 9 чэрвеня 1998 г.
• Харэўскі С. Кастусь Харашэвіч. Пасьля навальніцы // Наша Ніва, № 17 — 1997 г.
• Зубрыцкая І. «Мой родны кут, як ты мне мілы». // Рэгіянальная газета — 3 снежня 1999 г.
• Сысун Л. «Навек с мастацтвам звязаны». // Маладзечанская газета, 6 ліпеня 2000 г.
• Кастусь Харашэвіч. «Зведанае і перажытае». // 2004 год.

Спасылкі

• http://www.rh.by/by/74/250/1825/ Архівавана 4 сакавіка 2016. Харашэвіч Кастусь // Рэгіянальная газета
• http://www.rh.by/by/178/10/4972/ Архівавана 4 сакавіка 2016. Кастусь Харашэвіч: «Я такі! Таму малюю чорным» // Рэгіянальная газета
• http://www.rh.by/by/151/50/4044/ Архівавана 4 сакавіка 2016. Самы запамінальны Новы год: Харашэвіч, Чарняўскі, Казлоўскі // Рэгіянальная газета
• http://www.rh.by/by/127/20/3327/ Архівавана 4 сакавіка 2016. Галерэя Харашэвіча − у музеі Купалы // Рэгіянальная газета
• http://www.rh.by/by/121/20/3137/(недаступная спасылка) З’явілася персанальная галерэя Кастуся Харашэвіча // Рэгіянальная газета
• http://painters.artunion.ru/2-22.htm // Реестр профессиональных художников Российской Империи, СССР, «русского зарубежья», Российской Федерации и стран бывшего Советского Союза
• http://artru.info/ar/14640/ Архівавана 18 кастрычніка 2011. АртРу. Инфо — Персоны — Хорошевич Константин Иванович
• http://nashaniva.by/?c=ar&i=93597 100 твораў мастацтва XX ст.: Кастусь Харашэвіч. Пасьля навальніцы // Наша Ніва</ref>.