Кенсінгтанскі палац

З пляцоўкі Вікіпедыя
Jump to navigation Jump to search
Славутасць
Кенсінгтанскі палац
Помнік каралеве Вікторыі ў Кенсінгтанскім садзе перад палацам.
Помнік каралеве Вікторыі ў Кенсінгтанскім садзе перад палацам.
51°30′19″ пн. ш. 0°11′18″ з. д.HGЯO
Краіна Flag of the United Kingdom.svg Вялікабрытанія
Месцазнаходжанне Кенсінгтан і Чэлсі
Архітэктурны стыль барока
Архітэктар Крыстафер Рэн
Дата заснавання 1605
Каралеўская галерэя (1819)

Кенсінгтанскі палац (Kensington Palace) — невялікі і знарочыста сціплы палац у заходняй частцы Лондана. З’яўляецца афіцыйнай рэзідэнцыяй герцага і герцагіні Глостэрскіх (цяпер герцаг Рычард і герцагіня Брыгіта), а таксама герцага і герцагіні Кенцкіх (цяпер герцаг Эдвард і герцагіня Катарына) і іх нашчадкаў.

Узнік як прыгарадны асабняк графа Нотынгемскага. Кароль Вільгельм III Аранскі, якому надакучылі рачныя падарожжы ў аддалены Хэмптан-корт, набыў палац у графа і даручыў яго пераабсталяванне Крыстаферу Рэну. Яго жонка Марыя памерла ў гэтым палацы ў 1694 г., а праз пару гадоў караля ў Кенсінгтане наведаў Пётр Першы. Пры каралеве Ганне быў разбіты рэгулярны парк плошчай 30 акраў і пабудавана аранжарэя (арх. Джон Ванбру, 1704). Першыя каралі Гановерскай дынастыі лічылі гарадскі Сент-Джэймскі палац залішне людным і жылі ў Кенсінгтане амаль бесперапынку.

Пасля смерці Георга II у 1760 г. палац галоўным чынам засялялі прадстаўнікі малодшых галін кіруючай дынастыі. Менавіта тут нарадзілася каралева Вікторыя (пра што нагадвае помнік у садзе). Прынцэса Дыяна афіцыйна лічылася гаспадыняй гэтага палаца з моманту шлюбу ў 1981 г. да самай смерці ў 1997 г. Цяпер гаспадарамі палаца з’яўляецца старэйшы сын Дыяны — Уільям і яго жонка Кетрын. Ён стаў іх першай афіцыйнай рэзідэнцыяй у Лондане пасля вяселля 29. 04. 2011 года, пасля чаго ім каралева прысвоіла тытул герцага і герцагіні Кембрыджскіх.

Літаратура[правіць | правіць зыходнік]

Спасылкі[правіць | правіць зыходнік]