Біг-Бэн

Славутасць
Біг-Бэн
51°30′02″ пн. ш. 0°07′28″ з. д.
Краіна	Вялікабрытанія
Месцазнаходжанне	Вэстмінстэр
Архітэктурны стыль	неаготыка
Архітэктар	Аўгустус П'юджын і Чарльз Бэры[d]
Дата заснавання	28 верасня 1843 і 10 красавіка 1858
Вышыня	96 м
Матэрыял	Caen stone[d] і вапняк
Сайт	parliament.uk/big… (англ.)
Медыяфайлы на Вікісховішчы

Біг-Бэн, раней Біг-Бен (англ.: Big Ben, літ. Вялікі Бэн) — назва звона гадзіннікавай вежы ў Лондане, часткі архітэктурнага комплексу Вестмінстэрскага палаца. Таксама папулярная, але неафіцыйная назва самога гадзінніка і ўсёй вежы.

Гісторыя

Існуе дзве тэорыі адносна паходжання гэтай назвы. Паводле першай, самы цяжкі на той момант звон — 13,7 тоны — атрымаў сваё імя Біг-Бэн (Вялікі Бэн) у гонар сэра Бенджаміна Хола, які кіраваў працамі па адліўцы звана. Паводле іншай, Біг-Бэн быў названы ў гонар Бенджаміна Каўнта, вельмі папулярнага ў той час баксёра ў цяжкай вазе.

Вежа

Вежа збудавана па праекце англійскага архітэктара Аўгустуса П’юджына ў 1858 годзе, вежавы гадзіннік пушчаны ў ход 31 мая 1859 года. Вышыня вежы 96,3 метра (са шпілем); ніжняя частка гадзіннікавага механізму размяшчаецца на вышыні 55 м ад зямлі. Пры дыяметры цыферблата ў 7 метраў і даўжыні стрэлак у 2,7 і 4,2 метра, гадзіннік доўгі час лічыўся самым вялікім у свеце.

Гадзіннікавая вежа Вэстмінстэрскага палаца — адзін з самых вядомых сімвалаў Вялікабрытаніі, які часта выкарыстоўваюцца ў рэкламе, кінастужках і г.д. Афіцыйная назва вежы з 2012 — «Вежа Лізаветы» (англ.: the Elizabeth Tower) у гонар 60-годдзя кіравання каралевы Лізаветы II, да гэтага яе называлі проста Гадзіннікавай вежай. Таксама ў віктарыянскую эпоху журналісты клікалі яе Вежай Святога Стэфана па нефармальнай назве самой Палаты Абшчын (назва пайшла ад сапраўднай маленькай вежы Святога Стэфана, якая ўпрыгожвае сам палац).

Спасылкі

• На Вікісховішчы ёсць медыяфайлы па тэме Біг-Бэн
• Official website Архівавана 9 ліпеня 2009.