Леанід Іванавіч Кісялеўскі

Леанід Іванавіч Кісялеўскі
Дата нараджэння	12 красавіка 1927(1927-04-12)
Месца нараджэння	Менск, Менская акруга, БССР, СССР
Дата смерці	8 кастрычніка 1991(1991-10-08) (64 гады)
Месца пахавання	Усходнія могілкі
Грамадзянства	СССР
Род дзейнасці	фізік
Навуковая сфера	Фізіка
Месца працы	Інстытут фізікі АН БССР Беларускі дзяржаўны ўніверсітэт
Навуковая ступень	доктар фізіка-матэматычных навук
Навуковае званне	акадэмік Акадэміі навук Беларускай ССР прафесар
Альма-матар	БДУ
Навуковы кіраўнік	М.А. Ельяшэвіч
Партыя	КПСС
Прэміі
Узнагароды

Леанід Іванавіч Кісялеўскі (12 красавіка 1927, Мінск — 8 кастрычніка 1991) — беларукі фізік. Акадэмік АН БССР (1980; член-карэспандэнт з 1972), доктар фізіка-матэматычных навук (1970), прафесар (1971). Заслужаны дзеяч навукі і тэхнікі Беларускай ССР (1978). Брат мовазнаўцы Анатоля Кісялеўскага.

Біяграфія

Нарадзіўся 12 красавіка 1927 года ў Мінску ў сям’і рабочага.

У 1952 годзе скончыў Беларускі дзяржаўны ўніверсітэт, тры гады працаваў настаўнікам у школе, а затым паступіў у аспірантуру Мінскага педінстытута, там жа выкладаў. У 1959 годзе Кісялеўскі пачаў працаваць у Інстытуце фізікі АН БССР, у 1968 годзе ўзначаліў Лабараторыю спектраскапіі нізкатэмпературнай плазмы, быў намеснікам дырэктара (1970—1978), затым галоўным вучоным сакратаром Прэзідыума АН БССР, акадэмікам-сакратаром Аддзялення фізікі, матэматыкі і інфарматыкі АН БССР, рэктарам БДУ (1983—1990).

Магіла акадэміка Леаніда Кісялеўскага і яго жонкі на Усходніх могілках Мінска

З 1963 года Кісялеўскі з’яўляўся членам КПСС, абіраўся дэпутатам Вярхоўнага Савета БССР, членам ЦК КПБ. Сярод яго вучняў 20 кандыдатаў і 3 доктары навук.

Памёр 8 кастрычніка 1991 года. Пахаваны ў Мінску на Усходніх могілках.

Сям’я

Жонка — Лідзія Андрэеўна Кісялеўская (1930—2003).

Спасылкі

• Леанід Іванавіч Кісялеўскі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)