Парфён Пятровіч Савіцкі

Парфён Пятровіч Савіцкі
Парфён Пятровіч Савіцкі
Дата нараджэння	28 кастрычніка 1904
Месца нараджэння	Гайшын, Прапойская воласць[d], Быхаўскі павет, Магілёўская губерня, Расійская імперыя;
Дата смерці	11 жніўня 1954 (49 гадоў)
Месца смерці	Мінск, БССР, СССР;
Месца пахавання	Вайсковыя могілкі;
Грамадзянства	Расійская імперыя; СССР;
Род дзейнасці	гісторык, выкладчык універсітэта
Навуковая сфера	гісторыя
Месца працы	БДУ; Камуністычны ўніверсітэт Беларусі імя У. І. Леніна; БПІ;
Навуковая ступень	кандыдат гістарычных навук
Альма-матар	Інстытут чырвонай прафесуры[d];
Узнагароды

Парфён Пятровіч Савіцкі (28 кастрычніка 1904, в. Гайшын, Магілёўская губерня — 11 жніўня 1954, Мінск) — беларускі гісторык, дзяржаўны дзеяч. Кандыдат гістарычных навук (1948). Рэктар Беларускага дзяржаўнага ўніверсітэта з 1938 па 1941 і з 1943 па 1946 год.

Біяграфія

Нарадзіўся 28 кастрычніка 1904 ў сям’і беззямельнага селяніна ў вёсцы Гайшын Магілёўскай губерні (цяпер у Слаўгарадскім раёне Магілёўскай вобласці). Бацька, не маючы сваёй зямлі, працаваў на лесанарыхтоўках і лесасплаве, маці памерла рана. У 1916 годзе скончыў чатырохгадовую вясковую земскую пачатковую школу, у 1921 годзе — Прапойскае вучылішча.

Працаваў дырэктарам пачатковай школы ў вёсцы Барсукоўка, займаўся сельскай гаспадаркай. У 1925 годзе быў абраны старшынёй Гайшынскага сельсавета, а ў 1927 годзе ўступіў кампартыю Беларусі. З 1929 па 1931 год працаваў сакратаром Прапойскага райвыканкама. У 1934 годзе скончыў прапагандысцкае аддзяленне Камуністычнага ўніверсітэта Беларусі, дзе пазней працаваў выкладчыкам гісторыі партыі, быў рэдактарам газеты «Ленінец». З 1935 па 1938 год працаваў на партыйных пасадах у Мінску. У 1937 годзе завочна скончыў Інстытут чырвонай прафесуры ў Маскве. З 1938 года член ЦК кампартыі Беларусі. Дэпутат Вярхоўнага Савета БССР. З 1938 па 1946 год працаваў рэктарам Беларускага дзяржаўнага ўніверсітэта. У перыяд 1941 па 1943 год універсітэт не працаваў з прычыны вайны, Савіцкі працаваў рэктарам Педагагічнага інстытута ў Ніжнім Тагіле. 15 мая 1943 года дзейнасць універсітэта была адноўлена і Савіцкі вярнуўся на прадугледжанае месца. З 1949 гады па 1952 год дацэнт БДУ.

Зноскі

Літаратура

Васількоў В. Ф. Сялянскі сын — рэктар БДУ // Памяць: гісторыка-дакументальная хроніка Слаўгарадскага раёна. — Мн., 1999. — С. 151.
Савіцкі Парфен Пятровіч / А. Г. Зельскі // Беларуская энцыклапедыя : у 18 т. — Мінск, 2004. — Т. 18, кн. 1. — С. 446.
Савіцкі Парфен Пятровіч / Артур Зельскі // Энцыклапедыя гісторыі Беларусі : у 6 т. — Мінск, 2003. — Т. 6, кн. 2. — С. 432.
Парфен Пятровіч Савіцкі // Гісторыя Беларускага дзяржаўнага універсітэта ў біяграфіях яго рэктараў, 1921—2001 : 80 гадоў. — Мінск, 2001. — С. 78—91.