Касцёл Найсвяцейшай Дзевы Марыі (Ліпск)

Каталіцкі храм
Касцёл Найсвяцейшай Дзевы Марыі
52°49′54″ пн. ш. 26°05′37″ у. д.
Краіна	Беларусь
Аграгарадок	Ліпск
Канфесія	Каталіцтва
Епархія	Пінская дыяцэзія
Дэканат	Ляхавіцкі
Архітэктурны стыль	эклектыка
Заснавальнік	Патоцкі
Дата пабудовы	1910 год
Статус	Гісторыка-культурная каштоўнасць Беларусі, шыфр 112Г000478
Стан	дзейнічае
Медыяфайлы на Вікісховішчы

Касцёл Найсвяцейшай Дзевы Марыі — каталіцкі храм у аграгарадку Ліпску Ляхавіцкага раёна Брэсцкай вобласці.

Гісторыя

Пабудаваны ў 1910 годзе з цэглы як філіяльны на тэрыторыі Ляхавіцкай парафіі па фундацыі графа Патоцкага і намаганнямі ксяндза К. Ваньковіча. Быў пашкоджаны ў час Першай сусветнай вайны. Адноўлены намаганнямі ксяндза М. Каладзея.

Архітэктура

Архітэктура манументальнага збудавання эклектычная, спалучае рысы барока, класіцызму, асобныя элементы ракако. Буйнамаштабны храм узведзены на ўзор трохнефнай базілікі з бакавымі сакрысціямі. У пластычным вырашэнні фасадаў вялікую ролю адыгрывалі руставаныя лапаткі і фігурныя панэлі. Вертыкальным акцэнтам прамавугольнага ў плане храма з боку галоўнага фасада з’яўлялася неабарочная чатырохгранная вежа-званіца з фігурным купалам і шпілем у завяршэнні. Яна была ўстаноўлена на шырокай тэрасе з балюстрадай па перыметры і дэкаратыўнымі вазамі па вуглах. Над карнізам галоўнага фасада размяшчаўся лучковы франтон, аконныя праёмы такой жа формы чаргаваліся з авальнымі люкарнамі.

• 
  Касцёл у 1914 г.
• 
  Касцёл у 1915 г.
• 
  Касцёл у 1915 г.
• 
  Касцёл у 1917 г.
• 
  Касцёл у 1917-1918 г.

Літаратура

• Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — 488 с. — ISBN 978-985-11-0395-5. — С. 197

Спасылкі

• На Вікісховішчы ёсць медыяфайлы па тэме Касцёл Найсвяцейшай Дзевы Марыі (Ліпск)
• Касцёл Найсвяцейшай Дзевы Марыі (Ліпск) на сайце Catholic.by (бел.)
• Касцёл Найсвяцейшай Дзевы Марыі (Ліпск) на сайце Radzima.org
• Касцёл Найсвяцейшай Дзевы Марыі (Ліпск) на сайце Глобус Беларусі (руск.)