Масква (кінатэатр, Мінск)

Кінатэатр
Кінатэатр "Масква"
53°54′35,29″ пн. ш. 27°32′51,32″ у. д.
Краіна	Беларусь
Горад	Мінск
Архітэктар	Віктар Уладзіміравіч Крамарэнка, Уладзімір Іванавіч Шчарбіна[d] і Міхаіл Кліменцьевіч Вінаградаў
Будаўніцтва	1976—1980 гады
Стан	Працуе

«Масква́» — шырокафарматны кінатэатр у Мінску, размешчаны на праспекце Пераможцаў, 13. Аснашчаны стэрэагукавой сістэмай DTS Surround System. Адкрыты ў 1980 годзе.

Гісторыя і апісанне

Кінатэатр «Масква» пабудаваны па індывідуальным праекце архітэктараў «Белдзяржпраект» В. Крамарэнкі, У. Шчарбіна, М. Вінаградавым. Узвядзенне кінатэатра пачалі ў 1976 годзе будаўнікамі трэсту № 7 камбіната «Мінскбуд». На час адкрыцця гэта быў найбуйнейшы кінатэатр у рэспубліцы.

Фільмы ў кінатэатры дэманструюцца з гукам па сістэме Dolby. Кінатэатр мае два залы — на 260 месцаў і на 1070 месцаў, разлічаных на паказ кінафільмаў, правядзенне канферэнцый ці канцэртаў. У фае кінатэатра размешчаны выставачная зала, лекцыйная зала на 120 месцаў, прызначаны таксама для паказу кароткаметражных фільмаў. Таксама ў ім знаходзіцца тэатр-студыя кінаакцёра, разлічаная на 260 месцаў, «Парадыз Шоу», ёсць більярдная зала, бар, праходзяць вячэрнія дыскатэкі.

Першапачаткова праекціроўшчыкамі прадугледжвалася і памяшканне для музея, у якім планавалася адкрыць экспазіцыю фатаграфій і кінадакументаў, прысвечаных гораду-герою Маскве і кінастудыі «Масфільм». У архітэктурным рашэнні фасада і інтэр’ераў будынка аўтарамі праекта шырока выкарыстаны элементы манументальнага мастацтва.

Перад кінатэатрам створана невялікая плошча з двума фантанамі па краях кінатэатра. Насупраць кінатэатра, па праспекце Пераможцаў размешчаны Палац спорту.

Літаратура

• Архітэктура Беларусі: Энцыклапедычны даведнік. — Мн.: БелЭн, 1993. — 620 с.: іл. — ISBN 5-85700-078-5.

Спасылкі

• Кінатэатр «Масква» на сайце «Мінск стары і новы»