Мугірына

Мугірына
Каардынаты: 55°06′58,96″ пн. ш. 29°02′45,16″ у. д.
Краіна	Беларусь
Рэгіён	Віцебская вобласць
Вышыня над узроўнем мора	132,4 м
Даўжыня	2,5 км
Шырыня	1,2 км
Плошча	1,48 км²
Аб'ём	0,00831 км³
Даўжыня берагавой лініі	7,3 км
Найбольшая глыбіня	26,2 м
Плошча вадазбору	2,9 км²
Мугірына
Мугірына

Мугірына — возера ва Ушацкім раёне Віцебскай вобласці на мяжы з Лепельскім раёнам. Знаходзіцца за 27 км на ўсход ад Ушачаў, каля вёскі Завадзіна. Належыць да групы Ушацкіх азёр. Возера знаходзіцца ў басейне ракі Тураўлянка.

Плошча Мугірына складае 1,48 км². Найбольшая глыбіня возера — 26,2 м. Даўжыня — 2,5 км, найбольшая шырыня — 1,2 км. Даўжыня берагавой лініі — 7,3 км. Аб'ём вады ў возеры складае 8,31 млн. м³, плошча вадазбору возера — 2,9 км².

Схілы катлавіны возера на захадзе і поўначы маюць вышыню 15—20 м, парослыя хмызняком. На поўдні вышыня схілаў складае да 10 м. На ўсходзе схілы невыразныя, забалочаныя. Берагавая лінія звілістая. Дно вадаёма да глыбіні 1 м пясчанае, на большых глыбінях — высланае сапрапелем.

Вада ў возеры вызначаецца высокай празрыстасцю. Мугірына зарастае слаба. Злучана канавай з возерам Паўазер′е.

Літаратура

• Блакітная кніга Беларусі — Мн.: БелЭн, 1994.
• Беларуская энцыклапедыя: У 18 т. Т.11: Мугір — Паліклініка / Рэдкал.: Г. П. Пашкоў і інш. — Мн.: БелЭн, 2000. — Т. 11. — 560 с. — 10 000 экз. — ISBN 985-11-0188-5 (Т. 11).
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 30. — 72 с. — 10 000 экз. — ISBN 978-985-508-136-5.(руск.) 

Спасылкі

• Возера Мугірына