Мікалай Мікалаевіч Аляхновіч (нар. 1953)

Мікалай Мікалаевіч Аляхновіч
Дата нараджэння	14 студзеня 1953(1953-01-14)
Месца нараджэння	Валішча, Валішчанскі сельсавет, Пінскі раён, Пінская вобласць, БССР, СССР
Дата смерці	6 чэрвеня 2022(2022-06-06) (69 гадоў)
Месца смерці	Брэст, Брэсцкая вобласць, Беларусь
Род дзейнасці	мовазнавец, выкладчык універсітэта, перакладчык, паэт
Месца працы	філалагічны факультэт БрДУ імя А. С. Пушкіна[d] Будапешцкі ўніверсітэт
Навуковая ступень	кандыдат філалагічных навук (1983)
Навуковае званне	дацэнт
Альма-матар	філалагічны факультэт БрДУ імя А. С. Пушкіна[d] (1974)
Член у	Саюз беларускіх пісьменнікаў
Прэміі	Мядовая прэмія

Мікалай Мікалаевіч Аляхновіч (14 студзеня 1953, в. Валішча, Пінскі раён, Брэсцкая вобласць — 6 чэрвеня 2022, Брэст) — беларускі лінгвіст, выкладчык, перакладчык, навуковец, паэт. Кандыдат філалагічных навук (1983), дацэнт.

Біяграфія

Нарадзіўся 14 студзеня 1953 года ў вёсцы Валішча Пінскага раёна. Скончыў філалагічны факультэт Брэсцкага дзяржаўнага педагагічнага інстытута ў 1974 годзе. Кандыдат філалагічных навук (1983), дацэнт. За час працы на факультэце працаваў намеснікам дэкана, дэканам філалагічнага факультэта, у 1993—1995 гадах працаваў на кафедры ўсходнеславянскай і балтыйскай філалогіі факультэта гуманітарных навук Будапешцкага ўніверсітэта імя Лоранда Этвеша (Венгрыя). З ліпеня 2013 года — дацэнт на кафедры беларускага мовазнаўства і дыялекталогіі БрДУ імя Пушкіна.

Сябра Саюза беларускіх пісьменнікаў.

Дзейнасць

Займаўся навукова-даследчыцкай і літаратурнай дзейнасцю. Аўтар вершаваных зборнікаў «Жыццёвае веры прадзіва» (2006), «Святло дарогі» (2010), «Вясновы роздум» (Брэст, 2020), кнігі перакладаў «Такая тонкая размовы ніць» (2013).

Узнагароды

Лаўрэат Мядовай прэміі за зборнік «Вясновы роздум» (2019).

Спасылкі

• Біяграфія Архівавана 22 кастрычніка 2021. на сайце Саюза беларускіх пісьменнікаў