Папярнянскі сельсавет

З Вікіпедыі, свабоднай энцыклапедыі
Папярнянскі сельсавет
Краіна  Беларусь
Уваходзіць у Мінскі раён
Уключае 24 населеныя пункты
Адміністрацыйны цэнтр Бальшавік
Дата ўтварэння 20 жніўня 1924
Насельніцтва (2019) 10 478
Папярнянскі сельсавет на карце
Часавы пояс UTC+03:00
Код аўтам. нумароў 5
Афіцыйны сайт

Папярня́нскі сельсавет — адміністрацыйна-тэрытарыяльная адзінка ў складзе Мінскага раёна Мінскай вобласці Беларусі. Адміністрацыйны цэнтр — аграгарадок (да 2008 года вёска) Бальшавік.

Геаграфія[правіць | правіць зыходнік]

Сельсавет знаходзіцца ў паўночнай частцы Мінскага раёна. Па тэрыторыі сельсавета працякае рака Вяча.

Гісторыя[правіць | правіць зыходнік]

Утвораны 20 жніўня 1924 года ў складзе Астрашыцка-Гарадоцкага раёна Мінскай акругі БССР. Цэнтр — вёска Паперня. Пасля скасавання акруговай сістэмы 26 ліпеня 1930 года ў Астрашыцка-Гарадоцкім раёне БССР. З 18 студзеня 1931 года сельсавет у межах гарадской рысы горада Мінска. З 26 мая 1935 года ў складзе Мінскага раёна БССР, з 20 лютага 1938 года — Мінскай вобласці. 20 студзеня 1960 года да сельсавета далучана частка скасаванага Сёмкаў-Гарадоцкага сельсавета (8 населеных пунктаў: Ашмянцы, Восава, пасёлак Восава, Змееўка, Кашары, Нялідавічы, Сёмкаў Гарадок і Скулаўка) [1]. 9 жніўня 1979 года да сельсавета далучана частка скасаванага Заслаўскага сельсавета (6 населеных пунктаў: вёскі Аронава Слабада, Лапаравічы, Сёмкава, Сялюты, Чучаны, пасёлак Сёмкава)[2]. 15 верасня 1987 года цэнтр сельсавета перанесены ў вёску Бальшавік. 8 красавіка 2004 года часткі вёсак Зацань і Цнянка ў межах МКАД уключаны ў склад Мінска[3]. 28 мая 2013 года ў склад Юзуфоўскага сельсавета перададзены 4 населеныя пункты: вёскі Камсамолец, Лускава, Лясіны і Саламарэчча[4].

Насельніцтва[правіць | правіць зыходнік]

Насельніцтва сельсавета паводле перапісу 2009 года (28 населеных пунктаў) — 10232 чалавекі[5], з іх 89,5 % — беларусы, 6,4 % — рускія, 1,5 % — украінцы, 0,5 % — палякі[6]; паводле перапісу 2019 года (24 населеныя пункты) — 10478 чалавек[7].

Зноскі

  1. ↑ Рашэнне выканкома Мінскага абласнога Савета дэпутатаў працоўных ад 20 студзеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 2.
  2. ↑ Рашэнне выканкома Мінскага абласнога Савета народных дэпутатаў ад 9 жніўня 1979 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1979, № 27 (1617).
  3. ↑ Указ Президента Республики Беларусь от 8 апреля 2004 г. № 174 О передаче сельских населенных пунктов Минского района в административное подчинение минских городских Совета депутатов и исполнительного комитета и об установлении границ некоторых районов г.Минска
  4. ↑ Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области
  5. ↑ Колькасць насельніцтва населеных пунктаў Мінскай вобласці Беларусі паводле перапісу 2009 года
  6. ↑ Этнічны склад насельніцтва сельсаветаў Беларусі паводле перапісу 2009 года
  7. ↑ Колькасць насельніцтва населеных пунктаў Мінскай вобласці Беларусі паводле перапісу 2019 года

Літаратура[правіць | правіць зыходнік]

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.
Узята з "https://be.wikipedia.org/w/index.php?title=Папярнянскі_сельсавет&oldid=4651266"