Пярэсека

Вёска Пярэсека Выгляд з боку шашы Н9043 Краіна Беларусь Вобласць Мінская Раён Мінскі Сельсавет Міханавіцкі Каардынаты 53°44′04″ пн. ш. 27°35′25″ у. д. Насельніцтва ▲13 чал. (2009) Часавы пояс UTC+3 Тэлефонны код +375 17 Паштовы індэкс 223029 Аўтамабільны код 5 Пярэсека на карце Беларусі ±

Пярэсека на Вікісховішчы

Пярэ́сека (трансліт.: Piaresieka, руск.: Пересека) — вёска ў Мінскім раёне Мінскай вобласці. Уваходзіць у склад Міханавіцкага сельсавета. Месціцца за 11 км на поўдзень ад Мінска, за 4 км на захад ад чыгуначнай станцыі Міханавічы, на шашы М1.

Гісторыя

У 1897 годзе фальварак, урочышча, двор у Самахвалавіцкай воласці Мінскага павета Мінскай губерні.

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў і ў сярэдзіне кастрычніка 1920 года пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР. З 20 жніўня 1924 года пасёлак у Дзяргайскім сельсавеце, з 1927 года ў Гатаўскім сельсавеце Самахвалавіцкага раёна Менскай акругі (да 26 ліпеня 1930 года). З 18 студзеня 1931 года ў падпарадкаванні гарадскога савета Менска. З 26 траўня 1935 года ў Менскім раёне. З 20 лютага 1938 года ў Менскай вобласці.

У Другую сусветную вайну з канца чэрвеня 1941 года да пачатку ліпеня 1944 года вёска пад акупацыяй Германіі.

5 сакавіка 1959 года вёска перададзена са скасаванага Гатаўскага сельсавета ў склад Самахвалавіцкага сельсавета.

• 
  Брама сядзібы Булгакаў, 1910-я
• 
  Сядзіба Булгакаў, 1910-я
• 
  Сядзіба Булгакаў, 1910-я
• 
  Сядзіба Булгакаў, 1915 г.

Насельніцтва

• 1897 год — фальварак, 3 двары, 9 жыхароў; двор, 10 жыхароў
• 1908 год — урочышча, 1 двор, 9 жыхароў; фальварак, 1 двор, 9 жыхароў
• 1917 год — маёнтак, 1 двор, 10 жыхароў
• 1926 год — 23 двары, 102 жыхары
• 1999 год — 17 жыхароў
• 2009 год — 13 жыхароў

Асобы

У пачатку XX стагоддзя ў маёнтку Пярэсека жыў будучы вядомы фатограф Ян Булгак (1876—1950).

Славутасці

Знак-помнiк

• Знак-помнік фатографу Яну Булгаку (2019)

Страчаная спадчына

Сядзіба Булгакаў

• Сядзіба Булгакаў (XIX ст.?).

Літаратура

• Пярэсека // Гарады і вёскі Беларусі: Энцыклапедыя. Т. 8: Мінская вобласць, кн. 3 / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2012. — 624 с.: іл. — 2 000 экз. — ISBN 978-985-11-0636-9. С. 444—445

Спасылкі

• На Вікісховішчы ёсць медыяфайлы па тэме Пярэсека
• Пярэсека на сайце Глобус Беларусі (руск.)