Перайсці да зместу

Рамзан Ахматавіч Кадыраў

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Кадыраў.
Рамзан Ахматавіч Кадыраў
чач.: КъадиргӀеран Ахьмад-Хьаьжин Рамзан
Сцяг Кіраўнік Чачэнскай рэспублікі
(часовы выканаўца абавязкаў з 25 сакавіка па 5 кастрычніка 2016) 		Сцяг
з 5 красавіка 2011
Прэзідэнт Дзмітрый Мядзведзеў
Уладзімір Пуцін
Папярэднік пасада адноўлена, ён сам як прэзідэнт Чачэнскай Рэспублікі
Сцяг Прэзідэнт Чачэнскай рэспублікі
(часовы выканаўца абавязкаў з 15 лютага па 5 красавіка 2007) 		Сцяг
5 красавіка 2007 — 5 красавіка 2011
Прэзідэнт Уладзімір Пуцін
Дзмітрый Мядзведзеў
Папярэднік Алі Алханаў
Пераемнік пасада скасавана, ён сам як прэзідэнт Чачэнскай Рэспублікі
Сцяг Старшыня ўрада Чачэнскай рэспублікі
(часовы выканаўца абавязкаў з 18 лістапада 2005 па 4 сакавіка 2006) 		Сцяг
4 сакавіка 2006 — 10 красавіка 2007
Прэзідэнт Уладзімір Пуцін
Папярэднік Сяргей Абрамаў
Пераемнік Адэс Байсултанаў
Нараджэнне 5 кастрычніка 1976(1976-10-05)[1] (48 гадоў)
Бацька Ахмат Абдулхамідавіч Кадыраў[2]
Маці Aymani Kadyrova[d]
Жонка Medni Kadyrova[d]
Дзеці Aishat Kadyrova[d], Akhmad Kadyrov[d] і Адам Рамзанавіч Кадыраў[d]
Веравызнанне суніты, суфізм і Qadiriyya[d]
Партыя
Член у
Адукацыя
Навуковая ступень доктар эканамічных навук (26 снежня 2015)
Дзейнасць палітыка[4]
Аўтограф Выява аўтографа
Прыналежнасць Расія
Званне генерал-маёр міліцыі[d] і генерал-палкоўнік[5]
Бітвы
Узнагароды
Лагатып Вікісховішча Медыяфайлы на Вікісховішчы

Рамза́н Ахма́тавіч Кады́раў (чач.: КъадиргӀеран Ахьмад-Хьаьжин Рамзан) (нар. 5 кастрычніка 1976, Цэнтара-Юрт (Цэнтарой), Чачэна-Інгушская АССР, РСФСР, СССР) — расійскі дзяржаўны і палітычны дзеяч, Герой Расійскай Федэрацыі (2004), генерал-маёр міліцыі. З 2007 года ўзначальвае Чачэнскую Рэспубліку. Член бюро вышэйшай рады партыі «Адзіная Расія». Раней — прэм’ер-міністр Чачэнскай Рэспублікі, кіраўнік службы бяспекі прэзідэнта Чачэнскай Рэспублікі. Сын Ахмата Кадырава, першага прэзідэнта Чачэнскай Рэспублікі.

Падчас Першай чачэнскай вайны ваяваў на баку чачэнцаў супраць Расіі. Падчас Другой чачэнскай вайны падтрымаў свайго бацьку і перайшоў на бок Расіі.

Сям’я

[правіць | правіць зыходнік]

Рамзан Кадыраў жанаты з Медняй Мусаеўнай Айдаміравай (нар. 7 верасня 1978), якая кіруе домам моды, дзе шыюць ісламскае адзенне. Яны маюць дзяцей: тры сыны — Ахмат (нар. 8 лістапада 2005), Зелімхан (нар. 14 снежня 2006), Адам (нар. 24 лістапада 2007) і пяць дачок — Айшат (нар. 31 снежня 1998), Карына (нар. 17 студзеня 2000), Хедзі (нар. 21 верасня 2002), Табарык (нар. 13 ліпеня 2004), Ашура (нар. студзень 2012).

Маці Рамзана Кадырава Аймані Нясіеўна Кадырава займае пасады ва ўрадзе Чачэнскай рэспублікі.

Паходжанне

[правіць | правіць зыходнік]

Дзяцінства

[правіць | правіць зыходнік]

Рамзан Кадыраў нарадзіўся 5 кастрычніка 1976 года ў вёсцы Цэнтара-Юрт (Цэнтарой) у Чачэна-Інгушскай АССР. Меў старэйшага брата Зелімхана, які памёр у 2004 годзе. Мае сясцёр: Зарган (нар. 1976), Зулай (нар. 1972). Кадыраў вучыўся ў звычайнай сярэдняй школе. Дзе працягнуў навучанне, невядома. Афіцыйна атрымаў дыплом толькі ў 2004 годзе, скончыўшы ўніверсітэт у Махачкале па спецыяльнасці юрыста.

Першая чачэнская вайна (1994—1996)

[правіць | правіць зыходнік]

Падчас Першай чачэнскай вайны разам з бацькам падтрымліваў чачэнскі бок. Ёсць чуткі, што прымаў асабісты ўдзел у баях.

Міжваенны час (1996—1999)

[правіць | правіць зыходнік]

У міжваенны час знаходзіўся ўвесь час пры бацьку.

Пачатак службы для Расіі

[правіць | правіць зыходнік]

Восенню 1999 года Рамзан разам з бацькам перайшоў на бок Расіі. Яго бацька і ён сам былі абвешчаны чачэнцамі здраднікамі. Ахмат Кадыраў даў свайму сыну пасаду ў Часовым урадзе Чачэнскай рэспублікі. Рамзан стаў ахоўнікам свайго бацькі. З 2000 па 2002 год — працаваў інспектарам сувязі і тэхнікі міліцыі пры МУС Чачэнскай рэспублікі. З мая 2002 па люты 2004 года быў начальнікам гэтага аддзела. У 2003 годзе Рамзан стаў начальнікам службы бяспекі (аховы) прэзідэнта Чачэнскай рэспублікі. У гэты час Рамзан займаўся перамовамі з чачэнцамі, якія маглі выступіць са зброяй у руках супраць А. Масхадава і яго паплечнікаў. Большасць яго атраду складалі колішнія прыхільнікі ЧРІ і А. Масхадава. У 2003—2004 гадах займаў пасаду памочніка міністра МУС Чачэнскай рэспублікі. Пасля забойства яго бацькі стаў першым намеснікам кіраўніка ўрада Чачэнскай рэспублікі.

Кіраўнік урада Чачэнскай рэспублікі (2005—2007)

[правіць | правіць зыходнік]

18 лістапада 2005 года кіраўнік урада Чачэнскай рэспублікі Сяргей Абрамаў трапіў у дарожна-транспартае здарэнне і атрымаў раненні. Яго абавязкі пачаў выконваць Рамзан Кадыраў. 28 лютага 2006 года Абрамаў абвясціў аб сваёй адстаўцы і Рамзан Кадыраў стаў пастаянным кіраўніком урада Чачэнскай рэспублікі. Паміж Кадыравым і кіраўніком Чачэнскай рэспублікі Алу Алханавым пачалася барацьба за прыхільнасць з боку Пуціна. Гэтая барацьба пераўтварылася ў сапраўдныя баявыя дзеянні. Пуцін вымушаны быў умяшацца. Рамзан Кадыраў быў падтрыманы Пуціным.

Кіраўнік Чачэнскай рэспублікі

[правіць | правіць зыходнік]
Рамзан Кадыраў і Уладзімір Пуцін, 14 лютага 2008 года
Дзмітрый Мядзведзеў і Рамзан Кадыраў, 25 ліпеня 2008 года

15 лютага 2007 года Алханаў абвясціў аб адстаўцы. Тады ж Пуцін падпісаў указ аб прызначэнні Р. Кадырава выканаўцам абавязкаў кіраўніка Чачэнскай рэспублікі. 5 красавіка Р. Кадыраў стаў кіраўніком Чачэнскай рэспублікі. Аднак варожасць гэта не спыніла. У красавіку 2008 года паміж кадыраўскімі людзьмі і старымі чачэнскімі людзьмі, не звязанымі з Рамзанам, адбылася бойка. 15 красавіка ў Гудэрмесе пачаліся баі з прыхільнікамі Суліма Ямадаева. Пуцін зноў падтрымаў Рамзана. Усе аддзелы, не падпарадкаваныя Рамзану, былі распушчаныя. 10 лістапада 2009 года Дзмітрый Мядзведзеў даў Р. Кадыраву званне генерал-маёра міліцыі. 28 лютага 2011 года Дзмітрый Мядзведзеў падоўжыў тэрмін кіравання Р. Кадырава ў Чачэнскай рэспубліцы. У студзені 2015 года Р. Кадыраў заявіў, што карыкатуры на прарока Мухамеда з’яўляюцца недапушчальнымі. У гэты час у Францыі былі забітыя людзі, якія раней забілі некалькі чалавек, што працавалі ў часопісе «Шарлі Эбдо», які надрукаваў карыкатуры на Мухамеда.

Вуліцы і паркі, названыя ў гонар Рамзана Кадырава

[правіць | правіць зыходнік]

Вуліцы Рамзана Кадырава:

Іншае
  • Завулак Рамзана Кадырава (Знаменскае)
  • Плошча, прысвечаная 100 дням знаходжання Рамзана Кадырава на пасадзе кіраўніка Чачэнскай рэспублікі (Грозны)

Зноскі

  1. ↑ Ramsan Kadyrow // Munzinger Personen Праверана 9 кастрычніка 2017.
  2. ↑ Catalog of the German National Library Праверана 1 мая 2024.
  3. ↑ http://www.forbes.ru/news/266079-kadyrov-vstupil-v-baikerskii-klub-nochnye-volki
  4. ↑ Czech National Authority Database Праверана 7 лістапада 2022.
  5. ↑ https://www.kommersant.ru/amp/5595147
  6. ↑ У сталіцы Іарданіі з’явілася вуліца імя Рамзана Кадырава
Узята з "https://be.wikipedia.org/w/index.php?title=Рамзан_Ахматавіч_Кадыраў&oldid=4826186"