Аман (горад)

Горад Аман араб. عمان‎‎ Сцяг Краіна Іарданія Каардынаты 31°57′ пн. ш. 35°56′ у. д. Кіраўнік Yousef Shawarbeh[d] Першае згадванне VII ст. Плошча 1 680 000 000 м² Вышыня цэнтра 784 м Насельніцтва 1 919 000 чалавек (2010) Часавы пояс UTC+2 Паштовыя індэксы 11110–17198 Афіцыйны сайт ammancity.gov.jo Аман на карце Іарданіі

Аман на Вікісховішчы

Аман (араб. عمان‎‎) — самы буйны горад у Іарданіі, сталіца краіны. У старажытнасці называўся Рабат-Амон, у эліністычна-рымскую эпоху — Філадэльфія. У VII—IX стагоддзях уваходзіў у склад арабскага Халіфата. З 1516 года і да канца Першай сусветнай вайны — у складзе Асманскай імперыі. Насельніцтва — 2,5 млн чалавек (2008).

Геаграфія

Горад размешчаны ў 35 км на паўночны ўсход ад Мёртвага мора, у 110 км на ўсход ад Міжземнага мора і ў 65 км на ўсход ад Ерусаліма.

Горад размешчаны на сямі пагорках, якія прысутнічаюць на сцягу Іарданіі сяміканцовая зоркай.

Гісторыя

У XIII стагоддзі да н.э. горад Рабат-Амон быў сталіцай Амонскага царства. Гэта месца было пазней заваявана асірыйцамі, пазней — персамі, затым грэкамі. Пталамей II Філадэльф, грэчаскі кіраўнік Егіпта, пераназваў яго ў Філадэльфію. Горад стаў часткай каралеўства набатэяў да 106 года н.э., калі Філадэльфія апынулася пад рымскім кантролем і далучылася да Дзесяцігароддзя.

У 326 годзе н.э. хрысціянства стала галоўнай рэлігіяй імперыі і Філадэльфія стала месцам епархіі ў пачатку Візантыйскай эры. Адна з цэркваў гэтага перыяду знаходзіцца ў цытадэлі горада.

Філадэльфія была перайменаваная ў Аман на працягу эры Гасанідаў. Горад быў разбураны некалькімі землетрасеннямі і стыхійнымі бедствамі і заставаўся невялікім горадам і грудай руінаў да 1887. Усё памянялася, калі Атаманскі султан вырашыў пабудаваць чыгунку «Хіджазі», якая злучыла Дамаск і Медзіну, што палегчыла штогадовае паломніцтва хадж, і пастаянны гандаль.

Славутасці

Музеі

• Іарданскі археалагічны музей
• Іарданскі музей народных традыцый
• Іарданскі музей фальклору
• Археалагічны музей Універсітэта Іарданіі
• Антрапалагічны музей Універсітэта Іарданіі
• Музей нумізматыкі / Цэнтральны банк Іарданіі
• Каралеўскі аўтамабільны музей