Ручаёўка

З пляцоўкі Вікіпедыя
Аграгарадок
Ручаёўка
Краіна
Вобласць
Раён
Сельсавет
Каардынаты
Насельніцтва
329 чалавек (2010)
Часавы пояс
Тэлефонны код
+375 2347
Аўтамабільны код
3
Ручаёўка на карце Беларусі ±
Ручаёўка (Беларусь)
Ручаёўка
Ручаёўка (Гомельская вобласць)
Ручаёўка

Ручаё́ўка[1] (трансліт.: Ručajoŭka, руск.: Ручаёвка) — аграгарадок у Лоеўскім раёне Гомельскай вобласці Беларусі. Цэнтр Ручаёўскага сельсавета. Месціцца за 25 км на паўднёвы захад ад Лоева, за 63 км ад чыгуначнай станцыі Рэчыца, за 117 (111[2]) км ад Гомеля, на аўтамабільнай дарозе Брагін—Лоеў. На поўдзень месціцца сетка меліярацыйных каналаў, на ўсходзе рака Пясочанка, якая ўпадае ў возера Лутаўскае, што ў пойме ракі Дняпро.

Геаграфія[правіць | правіць зыходнік]

Планіровачна складаецца з амаль просталінейнай вуліцы, блізкай да шыротнай арыентацыі, да якой з поўначы далучаецца кароткая вуліца. Забудова двухбаковая, драўляная, сядзібнага тыпу.

Паблізу ёсць залежы гліны і торфу.

Гісторыя[правіць | правіць зыходнік]

У пісьмовых крыніцах згадваецца ў пачатку XIX стагоддзя як вёска ў Рэчыцкім павеце Мінскай губерні. У 1834 годзе 23 двары, у 1850 годзе 27 двароў, уладанне памешчыцы Быкоўскай. У 1872 годзе пабудаваная драўляная пяцікупальная Вазнясенская царква, у якой сярод кніг былі служэбнік, выдадзены ў Кіеве ў 1791 годзе, і маскоўскія евангеліі 1805 і 1863 гадоў. У 1885 годзе 67 двароў, цэнтр Ручаёўскай воласці, у якую ўваходзілі 12 селішчаў з 438 дварамі. У 1897 годзе 533 жыхары, ёсць народнае вучылішча, хлебазапасны магазін, карчма. У 1916 годзе пачаў дзейнічаць тэлеграф. У 1908 годзе 104 двары.

25 сакавіка 1918 года згодна з Трэцяй Устаўной граматай абвяшчалася часткай Беларускай Народнай Рэспублікі. З 26 красавіка 1919 года ў Гомельскай губерні РСФСР. У выніку пагрому, які 7 лютага 1921 годзе ўчыніла банда Галакі, загінулі 40 жыхароў[крыніца?]. 9 траўня 1923 года воласць была ліквідавана, а тэрыторыя ўключана ў Лоеўскую і Холмецкую воласці.

З 8 снежня 1926 года ў складзе БССР, цэнтр Ручаёўскага сельсавета Лоеўскага, з 25 снежня 1962 года Брагінскага, з 30 ліпеня 1966 года Лоеўскага раёнаў Рэчыцкай, з 9 чэрвеня 1927 года Гомельскай (да 26 ліпеня 1930) акруг, з 20 лютага 1938 года Гомельскай вобласці. У 1930 годзе 69 двароў, ёсць пачатковая школа, хата-чытальня, аддзяленне спажывецкай кааперацыі. У 1931 годзе арганізаваны калгас імя СНК БССР, працавала кузня. У 1940 годзе ў вёсцы 103 двары.

У Другую сусветную вайну нямецкія ўлады размясцілі ў вёсцы свой гарнізон, які 8 верасня 1942 года быў разгромлены партызанамі. У 1943 годзе нацысцкія войскі спалілі 93 двары, загубілі 8 жыхароў.

Насельніцтва[правіць | правіць зыходнік]

  • XIX стагоддзе:
    • 1885 — 469 чалавек
    • 1897 — 533 чалавекі
  • XX стагоддзе:
    • 1908 — 602 чалавекі
    • 1930 — 399 чалавек
    • 1940 — 496 чалавек
    • 1959 — 420 чалавек
    • 1999 — 375 чалавек[3]
  • XXI стагоддзе:
    • 2001 — 366 жыхароў, 132 двары[2]
    • 2010 — 329 чалавек[4]

Памятныя мясціны[правіць | правіць зыходнік]

Страчаная спадчына[правіць | правіць зыходнік]

  • Царква Ушэсця Гасподняга (1872 г.), узарваная ў 1942 годзе[5].

Інфраструктура[правіць | правіць зыходнік]

Цэнтр саўгаса «Зара». Ёсць сярэдняя школа, Дом культуры, бібліятэка, фельчарска-акушэрскі пункт, ветэрынарны ўчастак, аддзяленне сувязі, шавецкая майстэрня, яслі-сад[3].

Вядомыя асобы[правіць | правіць зыходнік]

Зноскі

  1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).
  2. 2,0 2,1 2,2 БелЭн, 2001
  3. 3,0 3,1 Ручаёўка // Гарады і вёскі Беларусі: Энцыклапедыя. Т. 2, кн. 2. Гомельская вобласць / С. В. Марцэлеў; Рэдкал.: Г. П. Пашкоў (гал. рэд.) і інш.. — Мінск: БелЭн, 2005. — С. 67—68. — 520 с.: іл. с. — 4 000 экз. — ISBN 985-11-0330-6.
  4. Дзяржкартгеацэнтр Архівавана 7 кастрычніка 2021.
  5. Царква Ушэсця Гасподняга. radzima.org.

Літаратура[правіць | правіць зыходнік]

  • Ручаёўка // Гарады і вёскі Беларусі: Энцыклапедыя. Т. 2, кн. 2. Гомельская вобласць / С. В. Марцэлеў; Рэдкал.: Г. П. Пашкоў (гал. рэд.) і інш.. — Мінск: БелЭн, 2005. — С. 67—68. — 520 с.: іл. с. — 4 000 экз. — ISBN 985-11-0330-6.
  • Ручаёўка // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 478. — 10 000 экз. — ISBN 985-11-0035-8. — ISBN 985-11-0216-4 (т. 13).
  • Республика Беларусь. Атлас охотника и рыболова: Гомельская область / Редактор Г. Г. Науменко. — Мн.: РУП «Белкартография», 2011. — С. 27. — 68 с. — 10 000 экз. — ISBN 978-985-508-107-5. (руск.) 

Спасылкі[правіць | правіць зыходнік]