Сычоўскі раён

Сычоўскі раён
Сцяг Герб
Краіна	Расія
Уваходзіць у	Смаленская вобласць (1937—?)
Адміністрацыйны цэнтр	Сычоўка
Дата ўтварэння	1929
Насельніцтва	▼11 980 чал. (2024)
Плошча	1 803,9 км²
Афіцыйны сайт
Медыяфайлы на Вікісховішчы

Сычоўскі раён (руск.: Сычёвский район) — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) на поўначы Смаленскай вобласці Расіі. Адміністрацыйны цэнтр — горад Сычоўка.

Геаграфія

Мяжуе на поўначы і захадзе з Цвярской вобласцю, на поўдні з Навадугінскім, на ўсходзе з Гагарынскім раёнамі Смаленскай вобласці. Плошча — 1791,1 км². Самы паўночны раён Смаленскай вобласці. Раён размешчаны пераважна ў межах Сычоўскай нізіны. Самы паўночны пункт за 5 км на поўнач ад вёскі Шашалава.

Каля вёскі Дудкіна знаходзіцца выток ракі Дняпро. Рэкі раёна: Вазуза, Гжаць, Асуга, Касня, Лосьміна. Азёры: Гаўрылаўскае. У 1978—1981 гадах у сувязі з напаўненнем Вазузскага вадасховішча Вазузскай гідрасістэмы значная частка раёна была затопленая.

Глебы дзярнова-сярэднепадзолістыя, у цэнтральнай частцы раёна — дзярнова-глеевыя ападзоленныя; гліністыя і цяжкасугліністыя. Лясы займаюць 33,8 % тэрыторыі.