Тонежскае радовішча бурага вугалю
| Тонежскае радовішча бурага вугалю | |
|---|---|
| Дата заснавання / стварэння | 1982 |
| Краіна | |
| Знаходзіцца ў адміністрацыйнай адзінцы | |
| Матэрыял | буры вугаль |
То́нежскае радо́вішча бу́рага ву́галю[1] — радовішча бурага вугалю ў Беларусі, у Лельчыцкім раёне Гомельскай вобласці, паміж аграгарадком Тонеж і вёскай Букча.
Радовішча выяўлена ў 1982 годзе і папярэдне даследавана ў 1987—1990 гадах. Вугляносная тоўшча аднесена да ніжняга неагену і прымеркавана да Тонежскай дэпрэсіі Прыпяцкага прагіну. Складаецца з 15 пластоў, лінз і прапласткаў. Практычнае значэнне маюць 3 пласты. Іх магутнасць складае 0,3—19,6 м. Ускрышы — пясчана-гліністыя пароды магутнасцю 26—132 м.
Буры вугаль з радовішча мае цеплату згарання 4—4,9 МДж/кг, попельнасць 22—34 %. Папярэдне разведаныя запасы на плошчы 10,3 км² ацэньваюцца ў 42 млн тон.
Тонежскае радовішча не распрацоўваецца.
Крыніцы
[правіць | правіць зыходнік]Літаратура
[правіць | правіць зыходнік]- Шчураў А. П. То́нежскае радо́вішча бу́рага ву́галю // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 488. — 10 000 экз. — ISBN 985-11-0035-8. — ISBN 985-11-0251-2 (т. 15).