Фейсал ібн Абдэль Азіз ас-Сауд

З пляцоўкі Вікіпедыя.
Перайсці да: рух, знайсці
Фейсал ібн Абдэль Азіз ас-Сауд

Фейсал ібн Абдэль Азіз ас-Сауд (1903, Эр-Рыяд — 25 сакавіка 1975) — 3-і кароль Саудаўскай Аравіі ў 1964—1975.

Фейсал — трэці сын Абдэля Азіза ібн Сауда, родапачынальніка Саудаўскай каралеўскай сям'і. Нарадзіўся ў Эр-Рыядзе. Будучы адным з старэйшых сыноў, сыграў важную ролю ў кансалідацыі ўлады на Аравійскім паўвостраве ў руках свайго бацькі. У 1925 годзе пад яго камандаваннем войска Саудаўскіх лаялістаў ўстанавіла кантроль над правінцыяй Хіджаз. За гэта ў 1932 годзе пасля стварэння аб'яднанага каралеўства Саудаўскай Аравіі атрымаў пасаду міністра замежных спраў. Нейкі час ён прадстаўляў Саудаўскую Аравію ў ААН. Фейсал стаў каралём у 1964 годзе, калі яго брат, Сауд, склаў з сябе паўнамоцтвы і з'ехаў у Жэневу. Праўленне Фейсала адзначылася велізарным ростам нафтаздабычы, што ў спалучэнні з ростам цэнаў на нафту прынесла каралеўству багацце. Гэта дазволіла правесці шэраг кардынальных рэформаў у краіне, пабудаваць новую інфраструктуру. Стаўшы каралём, Фейсал не стаў працягваць знешнепалітычную лінію свайго брата.

Спасылкі[правіць | правіць зыходнік]