Шмані

Вёска Шмані Краіна Беларусь Вобласць Віцебская Раён Гарадоцкі Сельсавет Мяжанскі Каардынаты 55°45′54″ пн. ш. 30°29′39″ у. д. Насельніцтва ▼7 чал. (2019) Часавы пояс UTC+3 Тэлефонны код +375 2139 Аўтамабільны код 2 СААТА 2218862091 Шмані на карце Беларусі ±

Шмані́ (трансліт.: Šmani, руск.: Шмани) — вёска ў Гарадоцкім раёне Віцебскай вобласці. Уваходзіць у склад Мяжанскага сельсавета. За 52 км на паўночны ўсход ад Гарадка, 87 км ад Віцебска, 8 км ад чыгуначнай станцыі Езярышча на лініі Віцебск — Невель. На паўночным захадзе працякае ручай, на паўночным усходзе знаходзіцца ўчастак лесу. Транспартныя суязі па мясцовай аўтадарозе праз вёску Газьба і далей па дарозе Гарадок — Мяжа.

Гісторыя

У другой палове 18 стагоддзя вёска ў Казьянскім старостве Суражскага павета Полацкай губерні, дзяржаўная ўласнасць. У канцы 18 стагоддзя перададзена ў склад Езярышчанскага староства Гарадоцкага павета той жа губерні. У ё795 годзе вёска Шманава дадзена ў арэнднае валоданне тайнаму саветніку Я. І. Булгакаву. З 1802 года ў Гарадоцкім павеце Віцебскай губерні. У 1838 годзе вёска ў маёнтку Чурылава, уладанне князя А.Шчарбатава. У канцы 19 — пачатку 20 стагоддзя вёска ў Зайкаўскай воласці Гарадоцкага павета, у складзе Чурылаўскага сельскага таварыства і Вускаўскага праваслаўнага прыхода. У 1905 годзе было 115 дзесяцін зямлі. З 15 лютага 1923 года ў Віцебскім павеце. У сакавіку 1924 года вернута ў склад БССР. З 20 жніўня 1924 года ў Газьбенскім сельсавеце. З 17 ліпеня 1924 года ў Мяжанскім раёне Віцебскай акругі (да 26 ліпеня 1930 года). У 1925 годзе частка гаспадарак займалася саматужным промыслам сталярным, шавецкім, кравецкім, пляценнем кошыкаў, працавалі кузьня, ваўначоска. У пачатку 1930-х гадоў працаваў калгас «Новае жыццё». З 8 ліпеня 1931 года ў Гарадоцкім, з 12 лютага 1935 года ў Мехаўскім раёнах. З 20 лютага 1938 года ў Віцебскай вобласці. У Другую сусветную вайну ў лютым 1942 года спалена гітлераўцамі, загінулі 8 жыхароў, з франтоў не вярнуліся 44 вяскоўцы. У 1944-50 гадах дзейнічаў калгас імя Сталіна. З 25 снежня 1962 года ў Гарадоцкім раёне. У 2012 годзе ў складзе КУСП «Сцяпанавічы». Да 2004 года ўваходзіла ў склад Газьбенскага сельсавета. У 2004—2018 гадах у складзе Руднянскага сельсавета.

Насельніцтва

• 11 двароў, 67 рэвізскіх душ (1785)
• 52 рэвізскія душы (1795)
• 8 двароў, 52 рэвізскія душы (1841)
• 21 двор, 170 жыхароў (1905)
• 29 двароў, 171 жыхар (1920)
• 31 двор, 186 жыхароў (1925)
• 60 двароў, 210 жыхароў (1940)
• 154 жыхары (1959)
• 74 жыхары (1970)
• 18 гаспадарак, 28 жыхароў (2000)
• 4 гаспадаркі, 7 жыхароў (2018)

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх