Гаці

Вёска Гаці Краіна Беларусь Вобласць Віцебская Раён Гарадоцкі Сельсавет Мяжанскі Каардынаты 55°46′40″ пн. ш. 30°25′22″ у. д. Насельніцтва ▼7 чал. (2009) Часавы пояс UTC+3 Тэлефонны код +375 2139 Аўтамабільны код 2 СААТА 2218862020 Гаці на карце Беларусі ±

Гаці́ (трансліт.: Haci, руск.: Гати) — вёска ў Гарадоцкім раёне Віцебскай вобласці. Уваходзіць у склад Мяжанскага сельсавета. За 52 км на паўночны ўсход ад Гарадка, 4 км ад станцыі Езярышча на лініі Віцебск — Невель, 87 км ад Віцебска. Рэльеф раўнінны. На поўначы і поўдні — лясны масіў. Транспартныя сувязі па мясцовай дарозе праз вёску Газьба і далей па дарозе Гарадок — Мяжа.

Гісторыя

У канцы 18 стагоддзя вёска Гаць у Суражскім павеце Полацкай губерні. У 1795 годзе ўладанне Я.Булгака. З 1866 года вёска ў Зайкаўскай воласці Гарадоцкага павета. У 1895 годзе адкрыта школа граматы (20 хлопчыкаў). У пачатку 20 стагоддзя вёска ў складзе Чурылаўскай сельскай грамады Зайкаўскай воласці і Вузкаўскага праваслаўнага прыхода, 194 дзесяціны непрыдатнай, 220 — прыдатнай зямлі, 9 — лесу. З 15 лютага 1923 года ў Віцебскім павеце. У сакавіку 1924 года вернута ў склад БССР. З 17 ліпеня 1924 года ў Мяжанскім раёне Віцебскай акругі (да 26 ліпеня 1930 года), з 20 жніўня 1924 года ў Газьбенскім сельсавеце. У 1926 годзе працаваў пункт ліквідацыі непісьменнасці (29 вучняў). З 8 ліпеня 1931 года ў Гарадоцкім, з 12 лютага 1935 года ў Мехаўскім раёне. У пачатку 1930-х гадоў дзейнічаў калгас «Чырвоная перамога», была кузьня. З 20 лютага 1938 года ў Віцебскай вобласці. У Другую сусветную вайну спалена, у лютым 1942 года гітлераўцы расстралялі 30 жыхароў. З фронту не вярнуліся 8 жыхароў. У 1944-50 гадах дзейнічаў калгас імя Варашылава. З 18 сакавіка 1958 года ў Езярышчанскім раёне. З 25 снежня 1962 года ў Гарадоцкім раёне. У 1970 годзе ў калгасе «Запаветы Ільіча». Да 2004 года ўваходзіла ў склад Газьбенскага сельсавета. У 2004—2018 гадах у складзе Руднянскага сельсавета.

Насельніцтва

• 13 двароў (1785)
• 83 рэвізскія душы (1795)
• 14 двароў, 96 рэвізскіх душ (1841)
• 25 двароў, 238 жыхароў (пачатак 20 стагоддзя)
• 42 двары, 229 жыхароў (1920)
• 49 двароў, 263 жыхары (1926)
• 33 двары, 133 жыхары (1940)
• 55 жыхароў (1959)
• 41 жыхар (1970)
• 12 гаспадарак, 13 жыхароў (2002)
• 3 гаспадаркі, 3 жыхары (2018)

Літаратура

• Гарады і вёскі Беларусі: Энцыклапедыя. Т. 10: Віцебская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2019. — 728 с.: іл. — 1 000 экз. — ISBN 978-985-11-1126-4.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх