1-я Мінская партызанская брыгада
| 1-я Мінская партызанская брыгада | |
|---|---|
| Гады існавання | 1942—1944 |
| Краіна |
 Беларуская ССР |
| Падпарадкаванне | Беларускі штаб партызанскага руху |
| Тып | партызаны |
| Функцыя | барацьба з нямецкімі акупацыйнымі ўладамі |
| Колькасць | 1222 партызаны (3.7.1944) |
| Дыслакацыя | Пухавіцкі, Мінскі, Чэрвеньскі і Рудзенскі раён |
| Войны | Вялікая Айчынная вайна |
| Камандзіры | |
| Вядомыя камандзіры | |
1-я Мінская партызанская брыгада — партызанская брыгада, створаная ў жніўні 1942 года. Дзейнічала на акупіраванай тэрыторыі Пухавіцкага, Мінскага, Чэрвеньскага і Рудзенскага раёнаў. 3 ліпеня 1944 брыгада (1222 партызаны, 4 атрады) злучылася з Чырвонай Арміяй.
Склад[правіць | правіць зыходнік]
Брыгада была створана на базе атрадаў М. М. Джагарава (пазней «Камсамол», арганізаваны ў красавіку 1942), А. І. Дрантусава (потым імя Ф. П. Юрчанкі, арганізаваны ў маі 1942), У. А. Чармянёва (арганізаваны ў маі 1942), М. Ф. Калуцкага (арганізаваны ў снежні 1941, у снежні 1942 аб’яднаны з атрадам Чармянёва ў атрад імя Кірава). Пазней у саставе брыгады дзейнічала 10 атрадаў. З яе асабовага складу дадаткова былі сфарміраваны партызанскія брыгады імя Кірава і імя газеты «Правда». На момант злучэння з Чырвонай Арміяй у склад брыгады ўваходзілі:
- атрад імя Юрчанкі (названы ў гонар камандзіра атрада Ф. П. Юрчанкі, які загінуў);
- атрад «Камсамол»;
- атрад імя Суворава;
- атрад імя Чкалава.
Камандаванне[правіць | правіць зыходнік]
Камандзіры[правіць | правіць зыходнік]
Камісары[правіць | правіць зыходнік]
- І. В. Чэпелеў (загінуў);
- Г. Н. Раманаў;
- Е. А. Іваноў;
- В. П. Сушкевіч
Начальнікі штаба[правіць | правіць зыходнік]
- М. М. Джагараў;
- К. П. Кулеш
Гісторыя[правіць | правіць зыходнік]
Партызаны ў студзені 1944 года на чыгунцы Мінск — Асіповічы падарвалі 19 эшалонаў, у «рэйкавай вайне» перабілі 1285 рэек. Разбілі нямецкія гарнізоны ў вёсках Ляды Смалявіцкага і Дукора Рудзенскага раёнаў. З часцямі Чырвонай Арміі ўдзельнічалі ў вызваленні Чэрвеня, Смілавіч, Рудзенска. 29 чэрвеня — 3 ліпеня 1944 года трымалі абарону на 18-кіламетровым участку.
Памяць[правіць | правіць зыходнік]
У 1975 годзе ў вёсцы Іванічы Чэрвеньскага раёна ў гонар брыгады пастаўлены помнік.
Гл. таксама[правіць | правіць зыходнік]
Зноскі
Літаратура[правіць | правіць зыходнік]
- Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.