Red (песня Тэйлар Свіфт)

З пляцоўкі Вікіпедыя
Jump to navigation Jump to search
«Red»
Вокладка сінгла «Red» (Тэйлар Свіфт, 2013)
Сінгл Тэйлар Свіфт
з альбома Red
Выпушчаны 6 верасня 2013
Фармат CD-сінгл, лічбавая дыстрыбуцыя
Жанр кантры
Працягласць 3:40
Лэйбл Big Machine
Прадзюсар Дэн Хаф, Нэйтан Чапмэн, Тэйлар Свіфт
Аўтар песні Тэйлар Свіфт
Месцы ў чартах
Храналогія сінглаў Тэйлар Свіфт
«22»
(2013)
«Red»
(2013)
«Everything Has Changed»
(2013)

«Red» (бел. «Чырвоны») — пяты сінгл амерыканскай кантры-поп спявачкі Тэйлар Свіфт з яе чацвёртага аднайменнага альбома. Кампазіцыя была напісана самой спявачкай, а з прадзюсіраваннем ёй дапамагалі Дэн Хаф і Нэйтан Чапмэн. Першапачаткова трэк быў выпушчаны 2 кастрычніка 2012 года як прома-сінгл. Пазней лэйбл Big Machine прадставіў яго ў якасці пятага паўнавартаснага сінгла з альбома «Red»[1].

Песня атрымала ў асноўным станоўчыя водгукі ад музычных крытыкаў і дасягнула 6 месца ў Billboard Hot 100. Сінгл таксама трапіў у чарты Аўстраліі, Канады, Ірландыі, Японіі, Новай Зеландыі і Вялікабрытаніі. Акрамя таго, «Red» атрымала некалькі музычных узнагарод і намінацый, у тым ліку СMT Music Awards.

Інфармацыя[правіць | правіць зыходнік]

Тэйлар Свіфт анансавала «Red» 1 кастрычніка 2012 года на тэлешоў Good Morning America[2]. 7 кастрычніка ў жывым эфіры BBC Radio 1 на ўручэнні Teen Awards спявачка ўпершыню выканала кампазіцыю. Як патлумачыла Свіфт, назва і сэнс песні адлюстроўвае яе эмацыйны стан, тым самым ахопліваючы ўсю лірычную канцэпцыю альбома Red. Пазней, у інтэрв'ю часопісу Billboard, Свіфт таксама ўдакладніла, што падчас запісу альбома, менавіта «Red» стала пераломнай песняй[3]. 6 лістапада 2013 года Тэйлар выконала «Red» на цырымоніі ўручэння Country Music Association Awards сумесна з Элісан Краўс, Эдгарам Мэерам, Эрыкам Даркенам, Сэмам Бушам і Вінсам Гілам. Менавіта гэтая версія песні стала даступная для лічбавай загрузкі і стала паўнавартасным пятым сінглам з аднайменнага альбома[4].

Тэйлар Свіфт распявадае пра кампазіцыю:

" Я напісала песню «Red» у сярэдзіне працы над альбомам, і яна паўплыла на тое, якім ён стаў. У ёй ідзе гаворка пра наяўнасць ў розных эмоцый свайго колеру — і раптам я ўсвядоміла, што большая частка эмоцый, якія я адчувала ў працэсе стварэння альбома, былі чырвонага колеру. Гэта былі моцныя эмоцыі: шчасце ці злосць. Яны з'яўляюцца крайнімі кропкамі спектру. Маё бачанне таго, у якім кірунку трэба рухацца з альбомам, моцна змянілася, таму што гэтая песня не падобная да таго, што я рабіла раней, і ў ёй мноства апісанняў — нешта ў ёй як быццам пашырыла маё бачанне альбома. "

«Red» уяўляе сабой кантры-кампазіцыю з некаторымі музычнымі кампанентамі софт- і поп-року[5]. Яна вынконваецца ў танальнасці мі мажор з тэмпам прыблізна ў 125 удараў у хвіліну. У сваю чаргу, вакал Свіфт у межах кампазіцыі знаходзіцца ў дыяпазоне ад F♯3 да C♯5[6].

Кліп на «Red» упершыню быў прадстаўлены 3 ліпеня 2013 года. Рэжысёрам выступіў Кені Джэксан[7]. Відэашэраг змантаваны з кадраў канцэртных выступленняў Тэйлар падчас тура Red Tour[8]. Адпавядаючы тэксту песні, у кліпе пераважае чырвоны колер. Праца была намінавана на прэмію CMT Music Awards у катэгорыі «Відэа года», аднак узнагароду не атрымала.

Песня дэбютавала на шостым месцы ў чарце Billboard Hot 100 у ЗША і на першым месцы ў чарце Hot Digital Songs, які засноўваецца на продажах без уліку стрымінгу. Таксама ў Злучаных Штатах песня дэбютавала на другім месцы ў кантры-чарце Hot Country Songs. Сінгл таксама трапіў у чарты Аўстраліі, Канады, Ірландыі, Японіі, Новай Зеландыі і Вялікабрытаніі.

Патаемнае пасланне — «Стралец».

Версіі[правіць | правіць зыходнік]

  • Лічбавая версія
  1. «Red» — 3:43
  • Версія выступлення на CMA Awards
  1. «Red (2013 CMA Awards Performance)» — 3:51

Крытычныя водгукі[правіць | правіць зыходнік]

Кампазіцыя ў асноўным атрымала станоўчыя водгукі ад музычных экспертаў і аглядальнікаў. Taste of Country ацанілі «Red» у 4.5 зоркі з магчымых 5, назваўшы трэк лепшай песняй альбома[9]. Рэдакцыя Rolling Stone вылучыла гучанне банджа і гітары, ахарактарызаваўшы кампазіцыю, як простую, але ў той жа час эфектную[10]. У аглядах ад E! Online І Music City Post у песні былі адзначаны меладычнасць і пачуццёвая лірыка[11][12]. Неадназначнае меркаванне выказаў часопіс Spin. Рэдакцыя палічыла, што Тэйлар узяла на сябе «непрыдатную для яе ролю глянцавага софт-рокера»[13]. Падобны пункт гледжання выказалі і ў Entertainment Weekly. Там адзначылі, што трэку не хапае запалу і сэксуальнасці[14].

«Red» атрымала некалькі музычных узнагарод і намінацый, у тым ліку СMT Music Awards.

Год Прэмія Намінацыя Вынік Спасылка
2014 CMT Music Awards Жаночае відэа года Намінацыя [15]
Відэа года Намінацыя
BMI Awards Матэрыял года Перамога [16]
Топ-50 песень Перамога

Чарты[правіць | правіць зыходнік]

Штотыднёвыя чарты[правіць | правіць зыходнік]

Чарт (2012-2013) Вышэйшая
пазіцыя
Сцяг Аўстраліі ARIA 30
Сцяг Канады Canadian Hot 100 5
Сцяг Канады Canada Country 17
Сцяг Ірландыі IRMA 25
Сцяг Францыі SNEP 103
Сцяг Японіі Japan Hot 100 43
Сцяг Новай Зеландыі RIANZ 14
Сцяг Шатландыі Official Charts Company 22
Сцяг Іспаніі PROMUSICAE 46
Сцяг Вялікабрытаніі UK Singles Chart 26
Сцяг ЗША Billboard Hot 100 6
Сцяг ЗША Hot Country Songs 2
Сцяг ЗША Country Airplay 7

Выніковыя гадавыя чарты[правіць | правіць зыходнік]

Чарт (2013) Вышэйшая
пазіцыя
Сцяг ЗША Hot Country Songs 44
Сцяг ЗША Country Airplay 43
Чарт (2014) Вышэйшая
пазіцыя
Сцяг ЗША Country Airplay 99

Зноскі

  1. ®R&R :: Going For Adds™ :: Country. Gfa.radioandrecords.com (24 чэрвеня 2013). Архівавана з першакрыніцы 15 кастрычніка 2013. Праверана 27 ліпеня 2013.
  2. Taylor Swift’s ‘Red’ Nabs Countdown Campaign With iTunes & ‘Good Morning America’
  3. Swift explains why Red was chosen as the album title (15 снежня 2012).
  4. Red (2013 CMA Awards Performance) - Single. iTunes Store. Apple Inc.. Праверана 12 снежня 2013.
  5. CD review: Taylor Swift, 'Red' - Song Review.
  6. 'Red' sheet music. MusicNotes.com. Праверана 31 жніўня 2013.
  7. Taylor Swift : Red. CMT. Viacom. Праверана 10 ліпеня 2013.
  8. July 3, 2013 8:54pm EDT by Christopher Rogers [WATCH] Taylor Swift ‘Red’ Video — Watch Tay-Tay’s Full Official Music Vid. Hollywood Life (4 ліпеня 2013). Архівавана з першакрыніцы 19 чэрвеня 2018. Праверана 27 ліпеня 2013.
  9. Dukes, Billy Taylor Swift, ‘Red’ – Song Review. Taste of Country. Townsquare Media (11 чэрвеня 2013). Праверана 27 ліпеня 2013.
  10. Taylor Swift Describes Color of Heartache on 'Red'. Rolling Stone (2 кастрычніка 2012). Праверана 2 кастрычніка 2012.
  11. Macatee, Rebecca Listen: Taylor Swift Debuts New Single "Red"; Donates Concert Tickets to Internet-Pranked School. E! Online (2 кастрычніка 2012). Праверана 2 кастрычніка 2012.
  12. Taylor Swift – Red. Music City Post (2 кастрычніка 2012). Архівавана з першакрыніцы 2 снежня 2013. Праверана 2 кастрычніка 2012.
  13. Hogan, Marc Hear Taylor Swift's Maserati-Themed 'Red' Title Track. Spin (2 кастрычніка 2012). Праверана 2 кастрычніка 2012.
  14. Smith, Grady Taylor Swift explains her personal rainbow of emotions on 'Red'. Entertainment Weekly. Time Inc. (2 кастрычніка 2012). Праверана 2 кастрычніка 2012.
  15. Miranda Lambert Leads 2014 CMT Music Awards Nominations. Nash Country Weekly. Архівавана з першакрыніцы 29 лістапада 2014. Праверана 25 студзеня 2015.
  16. Vince Gill Recognized as BMI Icon at the 2014 BMI Country Awards. Broadcast Music, Inc. (4 лістапада 2014). Архівавана з першакрыніцы 8 студзеня 2015. Праверана 25 студзеня 2015.