Беларус (газета)
| «Беларус» | |
|---|---|
| Арыгінальная назва |
Biełarus Belarus[1] |
| Тып | газета |
| Краіна | |
| Галоўны рэдактар | Ганна Іванаўна Сурмач |
| Заснавана | 20 верасня 1950 |
| Мова | беларуская[2][1] |
| Галоўны офіс | Hazeta Bielarus, 166-34 Gothic Drive, Jamaica, NY 11432, USA |
| ISSN | 1054-9455 |
| Вэб-сайт | bielarus.org (англ.) |
«Беларус» — газета, выдаецца з 20 верасня 1950 г. у Нью-Ёрку на беларускай мове Беларуска-амерыканскім задзіночаннем.
Газета друкуе матэрыялы з жыцця беларускай эміграцыі, аналітычныя карэспандэнцыі пра становішча на Беларусі, нарысы па беларускай гісторыі, творы беларускіх пісьменнікаў-эмігрантаў, успаміны. З газетай супрацоўнічалі Н. Арсеннева, А. Адамовіч, У. Глыбінны, Я. Каханоўскі, Ф. Кушаль, А. Саковіч і інш. Распаўсюджваецца ў ЗША, Канадзе, Вялікабрытаніі, Аўстраліі, Польшчы, Беларусі.
Альманах
[правіць | правіць зыходнік]З 2007 году рэдактар «Беларуса» у 2002—2010 гадах Марат Клакоцкі выдае штогадовы літаратурны альманах «Беларус». Апублікаваць у ім свой твор можа кожны, хто піша па-беларуску і жыве за межамі Беларусі. На дадзены момант альманах з’яўляецца асобным праектам, не звязаным з сучаснай рэдакцыяй газеты.
Рэдактары
[правіць | правіць зыходнік]- Леанід Галяк (1950—1951)
- Міхась Міцкевіч
- Станіслаў Станкевіч (1963—1980)
- Янка Запруднік
- Зора Кіпель
- Браніслаў Даніловіч
- Марат Клакоцкі (2002—2010).
- Ганна Сурмач (2010—цяпер)
Выданне газеты «Беларус» ад снежня 2010 году пераняла рэдакцыйная калегія ў цалкам новым складзе.[3] Са студзеня 2011 года выдаецца інфармацыйны бюлетэнь «Весткі й Паведамленьні» выключна за кошт ахвяраваньняў падпісчыкаў.[4]
Зноскі
Літаратура
[правіць | правіць зыходнік]- Беларус // Энцыклапедыя гісторыі Беларусі. У 6 т. Т. 2: Беліцк — Гімн / Рэдкал.: Б. І. Сачанка (гал. рэд.) і інш.; Маст. Э. Э. Жакевіч. — Мн. : БелЭн, 1994. — 537 с. — 20 000 экз. — ISBN 5-85700-142-0. — С. 346.
- Беларус // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 388–389. — 10 000 экз. — ISBN 985-11-0035-8. — ISBN 985-11-0061-7 (т. 2).
- Юрэвіч, Л. Летапісны звод сусьвету Чалавека Сьведамага: Гісторыя газэтаў «Бацькаўшчына» й «Беларус» (1947—2000) / Лявон Юрэвіч. — Мн.: Беларускі кнігазбор, 2006. — 256 с. — (Бібліятэка Бацькаўшчыны; Кн. 8). — ISBN 985-504-037-6.