Усевалад Яраславіч

Усевалад Яраславіч
Князь пераяслаўскі 1054 — 1073
Князь чарнігаўскі 1073 — 1078
Папярэднік	Святаслаў Яраславіч
Пераемнік	Уладзімір Усеваладавіч Манамах
Вялікі князь кіеўскі 1076 — 1077
Папярэднік	Святаслаў Яраславіч
Пераемнік	Ізяслаў Яраславіч
1078 — 1093
Папярэднік	Ізяслаў Яраславіч
Пераемнік	Святаполк Ізяславіч
Нараджэнне	1030(1030) Кіеў, Кіеўская Русь
Смерць	13 красавіка 1093(1093-04-13) Вышгарад
Месца пахавання	Сафійскі сабор
Род	Рурыкавічы
Бацька	Яраслаў Уладзіміравіч Мудры
Маці	Інгегерда
Жонка	1) Манамахіня 2) палавецкая князёўна (?)
Дзеці	ад 1-га шлюбу: Уладзімір Манамах, Ганна; ад 2-га шлюбу: Расціслаў, Еўпраксія, Кацярына, Марыя
Медыяфайлы на Вікісховішчы

Усевалад Яраславіч (у хрышчэнні Андрэй; 1030 — 13 красавіка 1093) — князь тураўскі, вялікі князь кіеўскі (1077, 1078—93).

Біяграфічныя звесткі

Сын Яраслава Мудрага, бацька Уладзіміра Усеваладавіча Манамаха. Пасля смерці бацькі (1054) ад старэйшых братоў Ізяслава і Святаслава атрымаў Пераяслаўскае княства, Верхняе Паволжа, Растова-Суздальскую і Белазёрскую землі, у 1060 годзе — частку Смаленскага княства. У 1060 годзе ў паходзе трох Яраславічаў на торкаў прымаў удзел і полацкі князь Усяслаў Брачыславіч. У 1066 годзе ў адказ на разгром Усяславам Ноўгарада Яраславічы арганізавалі сумесны паход на Полацкую зямлю, разбілі Усяслава ў Нямігскай бітве (1067), захапілі Менск. У 1073 годзе саюз Яраславічаў распаўся, Усевалад Яраславіч дапамог Святаславу выгааць з Кіева Ізяслава і замяніў свае ўладанні на Чарнігаўскае княства і Тураўскае княства. Пасля смерці Святаслава 1 студзеня 1077 года стаў вялікім князем кіеўскім, але хутка быў вымушаны на год саступіць трон Ізяславу. Пасля таго, як другі раз стаў вялікім князем (1078), частку сваіх уладанняў раздаў сваякам; Тураўская зямля адышла Яраполку Ізяславічу (паводле «Аповесці мінулых гадоў») або Давыду Ігаравічу (паводле В. Тацішчава).

Адзін з найбольш адукаваных князёў, ведаў 5 моў. Разам з братамі склаў т.зв. «Праўду Яраславічаў» (гл. «Руская праўда»).

Гл. таксама

• Пячатка Усевалада Яраславіча

Літаратура

• Ермаловіч М. Старажытная Беларусь: Полацкі і новагародскі перыяды. Мн., 1990.
• Усевалад Яраславіч // Энцыклапедыя гісторыі Беларусі. У 6 т.. — Мн. : БелЭн

Спасылкі

• На Вікісховішчы ёсць медыяфайлы па тэме Усевалад Яраславіч