Невіл Чэмберлен

З пляцоўкі Вікіпедыя
Перайсці да: рух, знайсці
Невіл Чэмберлен

Невіл Чэмберлен (англ.: Arthur Neville Chamberlain; 18 сакавіка 1869, Эджбастан, Бірмінгем — 9 лістапада 1940, Хекфілд пад Рыдынгам) — 60-ы прэм'ер-міністр Вялікабрытаніі. Належаў да Кансерватыўнай партыі

Сын Джозефа Чэмберлена, брат Осціна Чэмберлена. Навучаўся ў элітнай школе ў Рагбі і Бірмінгемскім універсітэце. Даволі працяглы час прысвяціў прадпрымальніцкай дзейнасці. У 1915—1916 гг. займаў пасаду лорда-мэра горада Бірмінгем. У 1923—1924 і 1931—1937 гадах — канцлер казначэйства. 60-ы прэм'ер-міністр Вялікабрытаніі ў 1937—1940 гадах. Прыхільнік палітыкі прымірэння агрэсара. У 1938 годзе падпісаў Мюнхенскае пагадненне з Гітлерам, Мусаліні і Даладзье. Вярнуўшыся ў Лондан, Чэмберлен прад'явіў публіцы на аэрадроме падпісанае пагадненне са словамі: «Я прывёз вам мір», але палітыка заспакаення не прынесла Еўропе міру: пачалася Другая сусветная вайна.