Марцыян Трызна

Марцыян Трызна
польск.: Marcjan Tryzna
Марцыян Трызна. Невядомы мастак, 1643
Герб «Газдава»
Падканцлер літоўскі 1641 — 1643
Папярэднік	Стэфан Пац
Пераемнік	Казімір Леў Сапега
Нараджэнне	каля 1598
Смерць	1643(1643) Берасце, Берасцейскі павет, Берасцейскае ваяводства, Вялікае Княства Літоўскае, Рэч Паспалітая
Месца пахавання	Касцёл Святога Яна Хрысціцеля і кляштар бернардзінцаў у Брэсце
Род	Трызны
Бацька	Рыгор Рыгоравіч Трызна
Маці	Раіна Сапега
Веравызнанне	Каталіцкая Царква
Дзейнасць	каталіцкі святар, дзяржаўны дзеяч

Марцыян Трызна (? — 17 мая або 2 жніўня 1643) — рымска-каталіцкі і дзяржаўны дзеяч ВКЛ.

Біяграфія

Паходзіў са шляхецкага роду Трызнаў герба «Газдава», сын Рыгора Трызны, маршалка ваўкавыскага, і Раіны Сапегі, дачкі менскага ваяводы Багдана Сапегі. Меў братоў Гедэона Міхала, Мікалая і Паўла Пятра.

Канонік віленскі ад 1620, адначасова пісар духоўны літоўскі у 1628—1641, пробашч троцкі, геранёнскі, рэферэндар духоўны літоўскі у 1631—1641, біскуп-каад'ютар віленскі ад 1638, біскуп-суфраган беларускі ад 1639. Падканцлер літоўскі з 1641.

Паводле Нясецкага добра валодаў грэчаскай мовай. У 1633 быў дэлегатам на сойм для карэктавання Статута Вялікага Княства Літоўскага, браў удзел у складанні Палянаўскага міру з Маскоўскай дзяржавай (1634).

Памёр 17 мая або 2 жніўня 1643. Пахавалі Марцыяна Трызну, згодна з яго апошняй воляй, у касцёле бернардзінцаў у Берасці.

Крыніцы

• Трызны // Вялікае княства Літоўскае: Энцыклапедыя. У 3 т.. — Мн.: Беларуская Энцыклапедыя.