Іван Альгімонтавіч Гальшанскі
Iван Альгімонтавіч Гальшанскі | |||||||
---|---|---|---|---|---|---|---|
| |||||||
| |||||||
|
|||||||
Папярэднік | Скіргайла | ||||||
Пераемнік | Іван Барысавіч | ||||||
|
|||||||
Папярэднік | - | ||||||
|
|||||||
Нараджэнне | невядома | ||||||
Смерць | 1401 | ||||||
Род | Гальшанскія | ||||||
Бацька | Альгімонт Гальшанскі | ||||||
Жонка | Агрыпіна Святаславаўна | ||||||
Дзеці | гл. тэкст |
Iван Альгімонтавіч Гальшанскі (у хрышчэнні Пётр; узг. з 1379 — 1401) — літоўскі магнат, першы пэўна вядомы князь Гальшанскі, герба Гіпацэнтаўр (Кітаўрус), сын князя Альгімонта з Гальшан. Паплечнік вялікага князя літоўскага Вітаўта[1].
Біяграфія
Актыўны прыхільнік Вітаўта[1] ў час яго барацьбы за велікакняжацкую ўладу, двойчы суправаджаў яго ў эміграцыю ў Прусію. Першы раз гэта адбылося ў 1382 годзе, калі Вітаўт уцёк з вязніцы Ягайлы, за што апошні канфіскаваў землі Івана. Тым не менш, некалькімі гадамі пазней Іван падарыў Ягайлу залаты пояс і атрымаў свае дамены наўзамен. Другі раз Іван суправаджаў Вітаўта ў выгнанні ў 1390 годзе падчас літоўскай грамадзянскай вайны 1389—1392 гадоў.
У 1387 годзе ездзіў з пасольствам у Ноўгарад[1]. У 1390 годзе ўзначальваў пасольства, што адвозіла ў Маскву дачку Вітаўта Соф'ю, нявесту вялікага князя маскоўскага Васіля Дзмітрыевіча[1]. Набыццё такога саюзніка для Вітаўта на ўсходзе прымусіла Ягайлу пайсці на перамовы і падпісаць у 1392 годзе Востраўскае пагадненне.
3 1392 — адзін з набліжаных Вітаўта, уваходзіў у велікакняжацкую раду. 3 1396 — намеснік у Кіеве[1]. Атрымаў ад Вітаўта вялікія воласці Глуск і Парэчча на р. Пціч, Дубровіцкае княства на р. Гарынь (цяпер Украіна).
Будучы каталіком, заснаваў кіеўскую дыяцэзію лацінскага абраду[2].
Пра высокае становішча Івана Гальшанскага ў Вялікім Княстве Літоўскім сведчыць падпісанне ім некалькіх важных дамоў, у тым ліку Салінскага дагавора 1398 года і Віленска-Радамскай уніі[1].
Апошні раз Іван згадваецца ў 1402 годзе, таму лічыцца, што ён памёр у тым жа годзе.
Сям'я
Быў жанаты з Агрыпінаю (1350/2-?), дачкою Святаслава Іванавіча Смаленскага, вялікага князя смаленскага. Сястра Агрыпіны Ганна была жонкай Вітаўта[3].
Дзеці:
- Аляксандр Нялюб (каля 1364/6 — пасля 1406)[3];
- Барыс (каля 1368—1399)[3];
- Сямён (Сямён Люты) (каля 1370—1433) — намеснік у Ноўгарадзе Вялікім[2] (ці Навагрудку[3]) у 1422;
- Міхаіл (каля 1372—1433) — намеснік кіеўскі[2];
- Андрэй (каля 1374 — ?);
- Юліянія (1375—1448). Муж: Iван Мсціславіч Хоцет, князь Карачаўскі; другі муж: Вітаўт (з 1418), вялікі князь літоўскі[3];
- Ганна (гады жыцця невядомыя) — жонка мазавецкага князя Баляслава III (паводле ранніх крыніц)[3]. Больш праўдападобнай лічыцца версія, згодна з якой Баляслаў III быў жанаты з Ганнай Фёдараўнай , дачкой князя Фёдара Альгердавіча і ўнучкай вялікага князя літоўскага Альгерда.
Радавод
Зноскі
- ↑ а б в г д е Гольшанские // Иван // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 157. — 737 с.
- ↑ а б в Tęgowski J. Przodkowie Zofii Holszańskiej, czwartej żony Władysława Jagiełły // Genealogia. Studia i materiały historyczne. 8, 1996. S. 27-45.
- ↑ а б в г д е Князья Гольшанские (Ольшанские) . Генеалогия русской знати. Архівавана з першакрыніцы 16 красавіка 2012. Праверана 4 студзеня 2010.
Літаратура
- Wolff, J. Kniaziowie litewsko-ruscy od końca czternastego wieku. — Warszawa, 1895. — S. 94-115.
- Tęgowski J. . Przodkowie Zofii Holszańskiej, czwartej żony Władysława Jagiełły // Genealogia. Studia i materiały historyczne. 8, 1996. — S. 27-45.
- Jonynas, Ignas (1933). «Alšėniškiai». En Vaclovas Biržiška. Lietuviškoji enciklopedija I. Kaunas: Spaudos Fondas. pp. 347—359.
- Lietuvos valdovai (XIII—XVIII a.): enciklopedinis žinynas. Vytautas Spečiūnas (compiler). Vilna: Moklso ir enciklopedijų leidybos institutas. 2004. p. 78. ISBN 5-420-01535-8.
- Edvardas Gudavičius. Jonas Alšėniškis. Visuotinė lietuvių enciklopedija , T. I (A-Ar). — Vilnius: Mokslo ir enciklopedijų leidybos institutas, 2001. 629 psl.
- Stefan M. Kuczyński. Holszański Iwan Olgimuntowic… h. Hippocentaurus (zm. 1401) // Polski Słownik Biograficzny. — Wrocław — Warszawa — Kraków : Zakład Narodowy Imienia Ossolińskich, Wydawnictwo Polskiej Akademii Nauk, 1961. — Tom IX/4, zeszyt 43. — S. 587—588.
- Polechow S., Butyrski M. Pieczęć kniazia Iwana Olgimuntowicza Holszańskiego // Inter Regnum et Ducatum. Studia ofiarowane Profesorowi Janowi Tęgowskiemu w siedemdziesiątą rocznicę urodzin. — Białystok, 2018. — S. 441—461.