Антоніа Касана

З пляцоўкі Вікіпедыя
Jump to navigation Jump to search
Футбол
Антоніа Касана
Antonio Cassano Euro 2012 vs England.jpg
Агульная інфармацыя
Поўнае імя Антоніа Касана
Мянушка Пітэр Пэн, Fantantonio, Малыш з Бары (El Pibe de Bari)
Нарадзіўся 12 ліпеня 1982(1982-07-12)[1] (36 гадоў)
Бары, правінцыя Бары[d], Апулія, Італія
Грамадзянства Сцяг Італіі Італія
Рост 175 см
Вага 80 кг
Пазіцыя нападнік
Інфармацыя пра клуб
Клуб завяршыў кар’еру
Кар’ера
Моладзевыя клубы
1994 — 1996 Сцяг Італіі Про Інтэр
1997 — 1998 Сцяг Італіі Бары
Клубная кар’ера*
1999 — 2001 Сцяг Італіі Бары 48 (6)
2001 — 2006 Сцяг Італіі Рома 118 (39)
2006 — 2008 Сцяг Іспаніі Рэал Мадрыд 19 (2)
2007 — 2008   Сцяг Італіі Сампдорыя 22 (10)
2008 — 2011 Сцяг Італіі Сампдорыя 74 (25)
2011 — 2012 Сцяг Італіі Мілан 33 (7)
2012 — 2013 Сцяг Італіі Інтэрнацыянале 28 (8)
2013 — 2015 Сцяг Італіі Парма 53 (17)
2015 — 2017 Сцяг Італіі Сампдорыя 24 (2)
2017 Сцяг Італіі Элас Верона 0 (0)
Нацыянальная зборная**
1998 Сцяг Італіі Італія (да 15) 9 (1)
1998 Сцяг Італіі Італія (да 16) 2 (0)
1999 Сцяг Італіі Італія (да 18) 2 (0)
2000 Сцяг Італіі Італія (да 20) 8 (2)
2000 — 2003 Сцяг Італіі Італія (да 21) 19 (7)
2003 — 2014 Сцяг Італіі Італія 39 (10)
Міжнародныя медалі
Чэмпіянаты Еўропы
Срэбра Польшча/Украіна 2012

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 6 жніўня 2017.

** Колькасць гульняў і галоў за нацыянальную зборную ў
афіцыйных матчах

Антоніа Касана (італ.: Antonio Cassano; нар. 12 ліпеня 1982, Бары, Італія) — былы італьянскі футбаліст, нападнік нацыянальнай зборнай Італіі (2003—2014). Выхаванец футбольнай школы «Бары». Касана называюць іграком, які майстэрскі валодае мячом, а таксама мае добры футбольны зрок[2].

Кар’ера[правіць | правіць зыходнік]

«Бары»[правіць | правіць зыходнік]

Касана дэбютаваў у Серыі А сезону 1999/2000 11 снежня 1999 года ў выязным матчы 13-га тура супраць «Лечэ». Ужо ў наступным туры, 18 снежня 1999 года, на хатнім стадыёне «Сан-Нікола» забіў пераможны гол у браму «Інтэра», адкрыўшы рахунак сваім мячам у Серыі A.

«Рома»[правіць | правіць зыходнік]

У 2001 годзе нападнік перайшоў у «Рому», якая была но той момант чэмпіёнам Італіі. Сума трансферу склала 28 млн еўра[3]. Свой першы гол за новую каманду ў чэмпіянаце краіны Касана забіў у 18 туры ў браму клуба «Верона». Нягледзячы на добрую гульню і высокую рэзультатыўнасць, Касана ніяк не мог рэалізаваць свой талент цалкам. У гэтым яму перашкаджаў яго свавольны характар. Ігрок праславіўся сталымі скандаламі з трэнерамі і кіраўніцтвам клуба[3].

«Рэал»[правіць | правіць зыходнік]

У 2006 годзе пасля працяглых спрэчак аб падпісанні новага кантракту, Касана быў прададзены ў «Рэал», дзе Касана ўступіў у адкрыты канфлікт з Фабіа Капела, з якім у яго склаліся дрэнныя адносіны яшчэ з часоў іх сумеснага знаходжання ў «Роме»[3]. Капела сцвярджаў, што ігрок мае праблемы з лішняй вагой і знаходзіцца ў дрэннай фізічнай форме.

«Сампдорыя»[правіць | правіць зыходнік]

У кашулі «Сампдорыі»

У 2007 годзе Касана аддалі ў арэнду «Сампдорыі». На радзіме футбаліст атрымаў дадатковую матывацыю. яго гульня стала паходзіць на гульню пяцігадовай даўнасці. Касана не канфліктаваў з кіраўніцтвам клуба, спраўна забіваў і стаў улюбёнцам генуэзскіх заўзятараў. У 2008 годзе «Сампдорыя» выкупіла правы на футбаліста.

У пачатку сезону 2010/11 чэмпіянату Італіі, паміж Касана і прэзідэнтам «Сампдорыі» Рыкарда Гаронэ адбыўся канфлікт у сувязі з тым, што форвард адмовіўся наведаць дабрачынны абед, які зладзіў кіраўнік каманды[3]. Пасля гэтага Касана быў адхілены ад трэніровак і перастаў траплаць у заяўку на матчы.

«Мілан»[правіць | правіць зыходнік]

3 студзеня 2011 года Касана падпісаў кантракт з «Міланам» да 2014 года[4][5]. 6 студзеня 2011 года Касана дэбютаваў у складзе «Мілана» у выязным матчы супраць «Кальяры» і зрабіў галавы пас на Родні Страсера, пасля якога быў забіты адзіны ў матчы гол[6].

29 кастрычніка 2011 года Антоніа адчуў сябе дрэнна, знаходзячыся на борце самалёта, якім вяртаўся пасля матчу «Мілана» з «Ромай», у прыватнасці ў яго рэзка паўсталі праблемы са зрокам, прамовай і рухам[7]. Па прыбыцці ў аэрапорт футбаліст быў перапраўлены ў шпіталь[8], дзе ў яго выявіліся праблемы з сэрцам. 4 лістапада Антоніа быў паспяхова праапераваны ў Мілане прафесарам Марыа Кармінаці[9]. Тэрмін аднаўлення футбаліста быў пастаўлены ў 6 месяцаў. У красавіку лекары дазволілі Касана вярнуцца ў футбол[10]. 7 красавіка Антоніа выйшаў на замену на 83 хвіліне матчу супраць «Фіярэнціны».

«Інтэр»[правіць | правіць зыходнік]

21 жніўня 2012 года, было пацверджана, што «Мілан» і «Інтэр» дасягнулі пагаднення па абмене Джампаала Пацыні і Касана, з кампенсацыйнай сумай каля 7 млн еўра на карысць нерадзуры[11]. У той жа дзень Касана прайшоў «Інтэр» медыцынскі агляд[12].

«Парма»[правіць | правіць зыходнік]

3 ліпеня 2013 года Касана падпісаў пагадненне з «Пармай» тэрмінам на тры гады, дзе ўзяў сабе 99 нумар. На афіцыйнай прэс-канферэнцыі, прысвечанай прэзентацыі Антоніа ў якасці новага іграка «Пармы», нападнік прызнаўся, што пакінуў міланскі клуб з-за новага галоўнага трэнера каманды Вальтэра Мацары, пад кіраўніцтвам якога ён трэніраваўся яшчэ ў «Сампдорыі». 26 студзеня 2015 года Касана скасаваў свой кантракт з клубам, што дазволіла яму стаць вольным агентам.

Вяртанне ў «Сампдорыю»[правіць | правіць зыходнік]

Касана заставаўся без працы каля паловы года. У ліпені 2015 года з’явілася інфармацыі аб цікавасці да нападніка з боку «Сампдорыі». 9 жніўня афіцыйна вярнуўся ў генуэзскі клуб, падпісаўшы двухгадовы кантракт[13].

У сезоне 2016/17 прэзідэнт клуба Масіма Ферэра заявіў, што Касана не ўваходзіць у яго планы, і той быў выключаны з першай каманды. Антоніа адмовіўся ад прапаноў шэрагу клубаў і трэніраваўся разам з юнацкімі камандамі «Сампдорыі». У студзені 2017 года канракт клуба з нападнікам па ўзаемнай згодзе быў разарваны[14].

«Элас Верона»[правіць | правіць зыходнік]

У ліпені 2017 года Касана, які паўгады знаходзіўся без клуба, падпісаў кантракт з «Элас Веронай»[15]. Праз тыдзень ён сабраў прэс-канферэнцыі, на якой абвясціў аб завяршэнні кар’еры, але пазней у той жа дзень заявіў, што перадумаў. Праз некаторы час усё ж канчаткова вырашыў завяршыць кар’еру[16].

Міжнародная кар’ера[правіць | правіць зыходнік]

Касана правёў дэбютны матч за зборную ў лістападзе 2003 года, у матчы супраць зборнай Польшчы. У складзе зборнай Італіі гуляў на Еўра-2004 і Еўра-2008, але на трыўмфальны для італьянцаў чэмпіянат свету 2006 ігрок не патрапіў.

Дасягненні[правіць | правіць зыходнік]

«Рома»:

«Рэал»:

«Мілан»:

Зноскі[правіць | правіць зыходнік]

  1. Antonio Cassano // Transfermarkt — 2000. Праверана 9 кастрычніка 2017.
  2. «Player Profile». ESPN Soccernet.
  3. 3,0 3,1 3,2 3,3 Возвращение трудного ребёнка. championat.ru
  4. «Милан» официально объявил о подписании Кассано. championat.ru
  5. Ufficiale: Antonio Cassano al Milan a titolo definitivo. Sampdoria.it
  6. Голевой пас Кассано помог «Милану» дожать «Кальяри». championat.ru
  7. Галлиани: уверен, что Кассано полностью восстановится. championat.com
  8. Кассано был отправлен в больницу после возвращения в Милан из Рима. championat.com
  9. Операция на сердце Кассано прошла ўспешно. championat.com
  10. Кассано разрешено вернуться в большой футбол. championat.com
  11. «AC Milan and Inter agree terms over Pazzini-Cassano swap». goal.com
  12. «Cassano passes Inter medical, says club doctor». goal.com
  13. Антонио Кассано официально стал игроком "Сампдории". football.by
  14. «Сампдория» объявила о расторжении контракта с Кассано. by.tribuna.com
  15. Кассано перешел в «Верону». by.tribuna.com
  16. Кассано окончательно завершил карьеру. by.tribuna.com

Спасылкі[правіць | правіць зыходнік]