Езярышчанскі раён

З пляцоўкі Вікіпедыя
Jump to navigation Jump to search
Езярышчанскі раён
Краіна
Уваходзіць у Беларуская ССР
Адміністрацыйны цэнтр Езярышча
Дата ўтварэння 17 ліпеня 1924,
18 сакавіка 1958
Дата скасавання 8 ліпеня 1931,
25 снежня 1962

Езяры́шчанскі раён — адміністрацыйна-тэрытарыяльная адзінка БССР у 1924—1929 і 1958—1962 гадах.

Утвораны 17 ліпеня 1924 года ў складзе Віцебскай акругі. Цэнтр — станцыя Езярышча. Падзяляўся на 8 сельсаветаў: Асіпоўскі, Горкаўскі (Горацкі), Мехаўскі, Пылькінскі, Руднянскі (9 кастрычніка 1929 года перайменаваны ў Езярышчанскі), Саладухінскі, Халамерскі, Хвошненскі (Хвашнянскі). 12 кастрычніка 1929 года раён скасаваны, яго тэрыторыя далучана да Гарадоцкага раёна.

12 лютага 1935 года ўтвораны Мехаўскі раён у складзе 15 сельсаветаў, выдзеленых з Гарадоцкага раёна: Віраўлянскі, Газьбенскі (Газьбянскі), Горацкі (Горкаўскі), Езярышчанскі, Зайкаўскі, Кузьмінскі, Мехаўскі, Мяжанскі, Обальскі, Паташненскі (Паташнянскі), Пылькінскі, Рудненскі (Руднянскі), Саладухінскі, Халамерскі, Хвошненскі (Хвашнянскі). Цэнтр — станцыя Езярышча. З 20 лютага 1938 года раён ў складзе Віцебскай вобласці. 16 ліпеня 1954 года скасаваны Горацкі, Обальскі, Паташнянскі, Пылькінскі, Саладухінскі, Хвошненскі сельсаветы, утвораны Кудзінскі сельсавет. 4 кастрычніка 1957 года скасаваны Езярышчанскі сельсавет.

18 сакавіка 1958 года раён перайменаваны ў Езярышчанскі. 20 студзеня 1960 года да раёна далучаны Хмяльніцкі і Шабраўскі сельсаветы скасаванага Суражскага раёна. 16 верасня 1960 года ўтвораны Гуркінскі сельсавет, скасаваны Мехаўскі сельсавет, Кузьмінскі сельсавет перайменаваны ў Бычыхінскі. 25 снежня 1962 года раён скасаваны, яго тэрыторыя далучана да Гарадоцкага раёна.

Літаратура[правіць | правіць зыходнік]

  • Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
  • Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн.: БелЭн, 1998. — Т. 6. — 576 с. — 10 000 экз. — ISBN 985-11-0106-0 (т. 6).
  • Белорусская ССР: Краткая энциклопедия. В 5-ти т. т. 1 / Ред. колл.: П. У. Бровка и др — Мн.: Гл. ред. Белорус. Сов. Энциклопедии, 1979. — Т. 1. — 768 с. — 50 000 экз.(руск.)