Друцк (аграгарадок)

Аграгарадок Друцк Герб Краіна Беларусь Вобласць Віцебская Раён Талачынскі Сельсавет Талачынскі Каардынаты 54°20′21″ пн. ш. 29°45′50″ у. д. Першае згадванне 1078 Вышыня цэнтра 211 м Насельніцтва 264 чалавекі (2010) Часавы пояс UTC+3 Тэлефонны код +375 2136 Паштовы індэкс 211076 Аўтамабільны код 2 Друцк на карце Беларусі ±

Друцк на Вікісховішчы

Друцк (трансліт.: Druck, руск.: Друцк) — аграгарадок у Талачынскім раёне Віцебскай вобласці. Уваходзіць у склад Талачынскага сельсавета. На левым беразе р. Друць, паблізу дзядзінца колішняга горада Друцка, на месцы яго пасада. За 10 км на паўднёвы ўсход ад Талачына, 134 км ад Віцебска, 7 км ад чыгуначнай станцыі Талачын, за 1 км ад шашы Талачын—Круглае.

Гісторыя

Горад Друцк упершыню ўпамінаецца пад 1092 годам. З другой палавіны 12 ст. сталіца Друцкага княства. З першай палавіны 14 ст. горад увайшоў у склад ВКЛ, уладанне князёў Друцкіх. У 16 ст. ў час войн з Маскоўскай дзяржавай Друцк неаднаразова пераходзіў з рук у рукі, некалькі разоў быў разрабаваны маскоўскімі войскамі. Да 17 ст. цераз горад праходзіў прамы шлях на Маскву. У канцы 17 ст., праязджаючы цераз Друцк, сакратар пасольства Свяшчэннай Рымскай Імперыі І. Г. Корб у «Дзённіку падарожжа ў Масковію» адзначыў заняпад Друцка.

Цяперашняе паселішча стаіць на месцы пасада старажытнага Друцка, недалёка ад яго дзядзінца.

Насельніцтва

• 1971 год — 73 гаспадаркі, 328 чалавек
• 1991 год — 260 чалавек
• 1999 год — 294 чалавекі
• 2010 год — 264 чалавекі

Інфраструктура

Камбінат бытавога абслугоўвання, школа, клуб, бібліятэка, фельчарска-акушэрскі пункт, аддзяленне сувязі.

Турыстычная інфармацыя

Палац сям'і Гардзялкоўскіх у маёнтку Друцк, фота пачатку XX ст.

Славутасці

• Гарадзішча —  Гісторыка-культурная каштоўнасць Беларусі, шыфр 213В000762
• Гаспадарчая пабудова на гарадзішчы (ХІХ стагоддзе) —  Гісторыка-культурная каштоўнасць Беларусі, шыфр 213Г000884
• Памятны знак у гонар 1000-годдзя Друцка
• Царква Раства Прасвятой Багародзіцы (2001)

Страчаная спадчына

• Царква Святога Мікалая
• Сядзіба Гардзялкоўскіх

Вядомыя асобы

• Іосіф Мітрафанавіч Кардовіч (1899—1967) — беларускі партыйны і дзяржаўны дзеяч, адзін з арганізатараў партызанскага руху ў Магілёўскай вобласці.

Літаратура

• Друцк // Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. Т. 1: Абаленскі — Кадэнцыя. — Мінск: Беларуская Энцыклапедыя, 2005. — 684 с.: іл. ISBN 985-11-0314-4. С. 598—599.

Спасылкі

• На Вікісховішчы ёсць медыяфайлы па тэме Друцк (аграгарадок)
• Друцк на Radzima.org
• Друцк (аграгарадок) на сайце Глобус Беларусі (руск.)