Дымітры Пае

Дымітры Пае
Агульная інфармацыя
Поўнае імя	Фларан Дымітры Пае
Мянушка	Le Dieu Du Football (Бог футбола)
Нарадзіўся	29 сакавіка 1987(1987-03-29)[…] (36 гадоў) Сен-П’ер, canton of Saint-Pierre-4[d], arrondissement of Saint-Pierre, Réunion[d], Рэюньён, Францыя
Грамадзянства	Францыя
Рост	175 см
Вага	77 кг
Пазіцыя	вінгер
Інфармацыя пра клуб
Клуб	Марсель
Нумар	10
Маладзёжныя клубы
1995—1998 Сен-Філіп Рэюньён 1998—1999 Сен-П'еруаз 1999—2003 Гаўр 2003—2004 АС Эксельсьёр 2004—2005 Нант
Клубная кар’ера
2005—2007 Нант 33 (5) 2007—2011 Сент-Эцьен 129 (19) 2011—2013 Ліль 71 (18) 2013—2015 Алімпік (Марсель) 72 (15) 2015—2017 Вест Хэм Юнайтэд 48 (11) 2017— Алімпік (Марсель) 72 (15)
Нацыянальная зборная
2007—2008 Францыя (да 21) 11 (4) 2010— Францыя 32 (8)
Узнагароды і медалі
Чэмпіянаты Еўропы Срэбра Францыя 2016
Медыяфайлы на Вікісховішчы

Фларан Дымітры Пае (фр.: Florent Dimitri Payet; нар. 29 сакавіка 1987, Сен-П’ер, Рэюньён, Францыя) — французскі футбаліст, крайні паўабаронца клуба «Марсель» і нацыянальнай зборнай Францыі. Вядомы сваім уменнем выконваць штрафныя ўдары.

Кар’ера

Дымітры Пае пачаў займацца футболам на сваім родным востраве Рэюньёне ў клубах «Сен-Філіп» і «Сен-П’еруаз». 4 гады правёў у сістэме юнацкіх каманд «Гаўра», пасля чаго вярнуўся на Рэюньён. У 2004 годзе Пае зноў адправіўся ў метраполію і стаў іграком «Нанта».

«Нант»

Дэбютаваў за асноўны склад «Нанта» 15 снежня 2005 года ў выязным матчы супраць «Бардо». Ужо ў другім сваім матчы ― 21 студзеня 2006 года супраць «Меца» Пае забіў гол у вароты саперніка, прычым футбаліст выйшаў на поле толькі на 88-й хвіліне матчу.

«Сент-Эцьен»

У ліпені 2007 года Пае перайшоў у «Сент-Эцьен». У сезоне 2008/09 дэбютаваў у Кубку УЕФА, забіўшы 3 мячы ў 10 праведзеных матчах. У ліпені 2009 года Пае падпісаў новы кантракт з «Сент-Эцьенам» на 4 сезоны.

«Ліль»

28 чэрвеня 2011 года галоўны трэнер клуба «Сент-Эцьен» Крыстоф Гальцье пацвердзіў, што Пае быў на грані падпісання кантракта з «Лілем» пасля таго, як ігрок сам паведаміў яму гэта ў папярэдні дзень. Пае пагадзіўся на чатырохгадовы кантракт з «Лілем», а трансферны кошт іграка быў ацэнены ў 9 млн еўра.

«Марсель»

27 чэрвеня 2013 года стала вядома, што «Ліль» і «Марсель» дамовіліся аб трансферы іграка.

«Вест Хэм Юнайтэд»

Улетку 2015 года перайшоў у англійскі «Вест Хэм Юнайтэд» за 15 млн еўра. Выдатна правёўшы сезон 2015/16, быў уключаны ў склад каманды года па версіі ПФА, атрымаў узнагароду «Малатабоец года», якая ўручаецца найлепшаму іграку «Вест Хэм Юнайтэд» у сезоне.

У снежні 2016 года Пае заявіў, што можа вярнуцца ў «Марсель». Хутка кіраўніцтва клуба адхіліла іграка ад трэніровак, а сам Пае заявіў, што больш не апране футболку «Вест Хэм Юнайтэд». 30 студзеня 2017 года футбаліст перайшоў у «Марсель», сума трансферу склала 29 млн еўра.

Міжнародная кар’ера

9 кастрычніка 2010 года Дымітры дэбютаваў у складзе зборнай Францыі ў матчы супраць зборнай Румыніі (2:0). Выйшаўшы на замену ў канцы сустрэчы, Пает паспеў дапамагчы сваёй камандзе, зрабіўшы дзейсную перадачу. 12 кастрычніка 2010 года ў адборачным матчы да чэмпіянату Еўропы супраць зборнай Люксембурга форвард «Сент-Эцьена» таксама адзначыўся галявой перадачай.

Спасылкі

• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце soccerway.com (руск.)
• Профіль на сайце BDFutbol.com (англ.)
• Статыстыка на сайце UEFA.com (руск.)
• Статыстыка на сайце FIFA (англ.)
• Статыстыка на сайце soccerbase.com (англ.)
• Профіль на сайце L’Equipe (фр.)